Dwɔhyua Buluku ne 24:20 - BAEBOLO ANZƐƐ BULUKU NWUANZANWUANZA

²⁰ yemɔti saa bɛgyakyi ye na bɛkɔsonle nyamenle gyɛne biala anzɛɛ awozonle a, ɔbahakyi ɔ nzi yeazi bɛ na yeadea bɛ. Ɔnvane ɔ nwo kɛ yeyɛ kpalɛ yemaa bɛ ɛlɛ, ɔbazɛkye bɛ.”

Dwɔhyua Buluku ne 24:20 ပူးပေါင်းရင်းမြစ်များ

1 Edk 28:8

“Zɔhane ati, me maanlema, meka ye wɔ yɛ Nyamenle ye anyunlu ɛke, nee bɛdabɛ, Ɛdɛnkɛma menli Yizilayɛma, mɔɔ bɛrayia ɛke la bɛ nyunlu kɛ, debie biala mɔɔ Ɛdɛnkɛma, yɛ Nyamenle ne ɛhyehyɛ ɛmaa yɛ la, bɛdie, na bɛyɛ, amaa bɛahɔ zo bɛadɛnla azɛlɛ kɛnlɛma ɛhye azo na menli mɔɔ li bɛ nzi la noko asa aha ye ayɛ bɛ ɛdeɛ dahuu.”

1 Edk 28:9

Akee ɔzele Sɔlɔmɔn kɛ, “Me ra, mese wɔ kɛ, die ɛ ze Nyamenle ne to nu na fa wɔ ahonle muala nee adwenle mɔɔ di munli la sonle ye. Ɔze yɛ adwenle nee mɔɔ yɛkpondɛ la. Saa ɛkɔ ye ɛkɛ ne a, ɔbalie wɔ. Na saa ɛkakyi ɛ nzi ɛsi ye a, ɔbakpo wɔ bɔkɔɔ.

2 Edk 15:2

Na ɔhɔyiale Belemgbunli Esa na ɔzele ye kɛ, “Wɔmɔ Esa, yɛɛ Dwudama nee Bɛngyamanema amuala, bɛdie me. Ɛdɛnkɛma nee bɛ lua, kɛmɔ bɛ nee ye lua la. Saa bɛkpondɛ ɔ bo zo a, bɛkɛnwu ye, na saa bɛkpo ye a, ɔbakpo bɛ.

Ɛzela Buluku ne 8:22

Ɔyɛle me nyiane kɛ kpɔvolɛ ti menwɔbiza belemgbunli kɛ ɔmaa ɛlɔnema ɛzinza yɛ wɔ adenle nu a, ɔluakɛ ɛnee meha mehile ye kɛ Nyamenle yila awie biala mɔɔ fa ɔ rɛle wula ye nu la. Ɔ nye ɛnlie bɛdabɛ mɔɔ bɛmbu ye la anwo, na ɔtea bɛdabɛ mɔɔ bɛkakyi bɛ nzi bɛsi ye la.

Edwɛndolɛ Buluku ne 89:31

saa bɛtietia me mɛla ne mɔ azo, na bɛanli me mɛla ne mɔ azo a,

Ayezaya Buluku ne 1:28

Bɛbazɛkye ɛtanema nee atuadelɛma, na bɛahu menli mɔɔ kpo Ɛdɛnkɛma la amuala.

Ayezaya Buluku ne 63:10

Noko bɛdele ɔ nwo atua na bɛmanle ye Sunsum Nwuanzanwuanza ne lile nyane. Yemɔti ɔhakyile ɔ nwo ɔyɛle bɛ kpɔvolɛ na ɔdaye mumua ne ɔhonle ɔtiale bɛ.

Gyɛlɛmaya Buluku ne 17:13

O Ɛdɛnkɛma, Yizilayɛma anyelazo, awie biala mɔɔ kpo wɔ la anyunlu gua aze; bɛdabɛ mɔɔ bɛkakyi bɛ nzi bɛsi wɔ la abo zo baminli, kɛ asɛɛ bɛhɛlɛ bɛ aluma wɔ munlutu nu, ɔluakɛ bɛkpo wɔmɔ Ɛdɛnkɛma mɔɔ ɛle ngoane nzufeanvea la.

Yizikeɛle Buluku ne 18:24

“Na saa tenlenenli twe ɔ nwo fi ye kpalɛ mɔɔ yeyɛ la anwo, ɔyɛ ɛtane na ɔyɛ bɛkyi ninyɛne ne mɔ mɔɔ amumuyɛnli ne yɛ la bie a, ɔbawu. Bɛnrɛhakye ye kpalɛ biala mɔɔ yeyɛ la. Munzule ne mɔɔ yebɔ la anwo fɔlɛlilɛ nee ye ɛtane ne mɔ mɔɔ yeyɛ la ati, ɔbawu.

Ɛzoanvolɛma Gyima ne 7:42

Yemɔti Nyamenle hwenle ɔ nwo vile bɛ nwo na ɔyele bɛ ɔmanle kɛ bɛzonle anwomanyunlu ninyɛne, kɛmɔ bɛhɛlɛ ye wɔ Nyamenle kpɔmanvolɛma mbuluku ne mɔ anu la. Ɔse, ‘Yizilayɛma, ɛvolɛ abulanla ne mɔɔ bɛlile wɔ ɛsɛlɛ ne azo la, bɛhunle nane bɛbɔle azu bɛmanle me ɔ?

Mɛla 4:25

“Saa bɛwo bɛ mra na bɛ mra wo mralɛ, na bɛwie mgbanyinli yɛ wɔ azɛlɛ ne azo, na saa bɛyɛ anzosesebɛ, bɛgua debie biala ananze bɛmaa bɛ nwo, na bɛyɛ ɛtane bɛtia Ɛdɛnkɛma bɛ Nyamenle ne, bɛfa bɛka ye ɛya a,

Mɛla 4:26

meka anwuma nee aze ɛnɛ kenle ye kɛ, ɔnrɛhyɛ biala na bɛ bo zo abɔ bɔkɔɔ wɔ azɛlɛ ne mɔɔ bɛlɛpɛ Azule Dwɔdan ne bɛahɔva bɛayɛ bɛ ɛdeɛ la azo, bɛnrɛhyɛ zolɛ fee.

Kɛlata mɔɔ bɛhɛlɛle bɛhɔmanle Hibuluma la 10:38

Diedi zo yɛɛ sonla ne mɔɔ sɔ me nye la balua anyia ngoane a. Saa ɔsia ɔ nzi a, me nye ɛnrɛlie ɔ nwo.”

Dwɔhyua Buluku ne 24:21

Yizilayɛma ne hanle hilele Dwɔhyua kɛ, “Yɛmɛ, yɛtua yɛ nzo! Yɛbazonle Ɛdɛnkɛma.”

1 Sam 12:15

Na saa bɛandie Ɛdɛnkɛma ane na bɛbulu ye mɛla ne mɔ azo a, ɔ nee bɛ nee bɛ belemgbunli ne bali.

1 Sam 12:25

Na saa bɛandie na bɛyɛ ninyɛndane a, ɔbazɛkye bɛ nee bɛ belemgbunli ne bɔkɔɔ.”