Dwɔhyua Buluku ne 24:18 - BAEBOLO ANZƐƐ BULUKU NWUANZANWUANZA

¹⁸ Mɔɔ yɛba maanle ye anu la, Ɛdɛnkɛma lumuale yɛ nyunlu, ɔvoanle Amɔlema mɔɔ de ɛke la amuala. Yemɔti yɛdayɛ yɛbazonle Ɛdɛnkɛma; yemɔ a ɔle yɛ Nyamenle a.”

Dwɔhyua Buluku ne 24:18 ပူးပေါင်းရင်းမြစ်များ

Edwɛndolɛ Buluku ne 116:16

O Ɛdɛnkɛma, mele wɔ sonvolɛ; mele wɔ sonvolɛ, wɔ sonvolɛ raalɛ ara nrenya. Wɔzianyi me nwɔnzɔnwɔnzɔ ne.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 10:2

na wɔabɔ ye nolo wɔahile ɛ mra nee ɛ mra amra, kɛ menzile menyɛle Yigyibitima nee sɛkɛlɛneɛ mɔɔ menyɛle wɔ bɛ avinli la, na ɛdawɔ noko wɔanwu kɛ medame a mele Ɛdɛnkɛma a.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:2

Ɛdɛnkɛma le me anwosesebɛ nee me edwɛne, yɛɛ yeyɛ me ngoanedievolɛ. Me Nyamenle ne ɛne, mebaye ye ayɛlɛ, me ze Nyamenle ne, mebayeyɛ ye.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:31

Mebagya bɛ ɛweɛne ne meavi Akaba Ebolo ne anu meahɔ Azule Yufileti ne anloa, na meava ye fienemgbole ne anu toonwo meahɔgua ye Mɛdetɛlenia Nyevile ne anloa. Mebamaa bɛali menli ne anwo zo konim na bɛavoa bɛ bɛavi azɛlɛ ne azo.

Maeka Buluku ne 4:2

na menli dɔɔnwo baraha kɛ, “Bɛrɛla bɛmaa yɛhɔ Ɛdɛnkɛma Boka ne azo, yɛhɔ Gyekɔbo Nyamenle ne sua nu, amaa yeahilehile yɛ ye ndenle ne mɔ, na yɛalua ye ndenle ne mɔ anu. Ɔluakɛ Zayɔn yɛɛ mɛla ne vi bara a, Ɛdɛnkɛma edwɛkɛ ne vi Gyɛlusalɛm a bara a.”

Zɛkalaya Buluku ne 8:23

Mekɛ ne anu mrenya bulu vi maanle maanle ne mɔ nee aneɛ ngakyile ne mɔ anu barazɔ Dwuunli tɛladeɛ nu na bɛaha kɛ, ‘Maa yɛ nee wɔ ɛhɔ, ɔluakɛ yɛde kɛ Nyamenle nee bɛ lua.’ ”

Ɛzoanvolɛma Gyima ne 7:45

Nzinlii yɛ nlenya mɔ vale Ɛdanlɛ Sua ne mɔɔ bɛliele ye bɛ ze mɔ ɛkɛ ne la lile bɛ nyunlu na bɛ nee Dwɔhyua hɔle bɛhɔhonle bɛvale maanle maanle mɔɔ Nyamenle manle bɛlile bɛ nwo zo konim la. Na ɔwoale bɛ nwo ɛkɛ ne toonwo ɔradwule Devidi mekɛ zo.

Mɛla 10:21

Bɛye ye ayɛlɛ, ɔle bɛ Nyamenle mɔɔ ɛyɛ ninyɛne mgbole nee nwanwane ninyɛne ɛmaa bɛ, mɔɔ bɛdabɛ bɛ nye dua a.

Mɛla 33:27

Damɛnlangoate Nyamenle ne anwo ɛkɛ a le bɛ tɛnlabelɛ a; bɛvea ɔ sa abo a, bɛ nwo kɔlɔnwo, ɔka bɛ kpɔvolɛma ɔgua ɔmaa bɛ, na yeaze bɛ kɛ, “Bɛhu bɛ.”

Dwɔhyua Buluku ne 23:9

Ɛdɛnkɛma voanle maanle mgbole mgbole mɔɔ anwo yɛ se la wɔ mekɛ mɔɔ bɛzele kɛ bɛba bɛ nyunlu la. Maanle maanle zɔhane mɔ anu menli, ko bɔbɔ angola bɛ nyunlu gyinla.

Dwɔhyua Buluku ne 24:17

Ɛdɛnkɛma yɛ Nyamenle ne a yele yɛ nlenya mɔ nee yɛdayɛ vile ahanra ɛzonlenlɛ nu wɔ Yigyibiti a, yɛɛ yɛnwunle nwanwane ninyɛne mɔɔ ɔyɛle la. Ɛdɛnkɛma bɔle yɛ nwo bane wɔ maanle maanle mɔɔ yɛluale bɛ avinli yɛrale la asa anu.

Dwɔhyua Buluku ne 24:19

Dwɔhyua zele menli ne mɔ kɛ, “Bɛnrɛhola Ɛdɛnkɛma sonle! Ɔle Nyamenle Nwuanzanwuanza yɛɛ ɔnrɛva bɛ ɛtane ɔnrɛhyɛ bɛ. Ɔngulo ahola ɛzilɛ,