Dwɔhyua Buluku ne 24:15 - BAEBOLO ANZƐƐ BULUKU NWUANZANWUANZA

¹⁵ Saa bɛ kunlu ɛndwo kɛ bɛkɛzonle ye a, ɛnee ɛnɛ demua ye, bɛhile mɔɔ bɛkɛzonle ye la, awozonle ne mɔ mɔɔ bɛ nlenya mɔ zonlenle bɛ wɔ Mɛsɔpɔteemea la anzɛɛ saa Amɔlema mɔɔ bɛ azɛlɛ zo a bɛde la awozonle ne mɔ a. Na mame, me nee me sua nu amra, yɛbazonle Ɛdɛnkɛma.”

Dwɔhyua Buluku ne 24:15 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 18:19

Mekpa nu meye ye, amaa yeanlea yeamaa ɔ mra nee ye sua nu amra alua Ɛdɛnkɛma adenle ne azo, na bɛayɛ menli mɔɔ le tenlene na bɛdi pɛlepɛle a, amaa meava debie biala mɔɔ meva mebɔ Ebileham ɛwɔkɛ la meamaa ye.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 35:2

Yemɔti Gyekɔbo hanle hilele ye abusua ne nee bɛdabɛ mɔɔ bɛwɔ ye sua nu ɛkɛ ne la kɛ, “Bɛvuandi bɛ nyamenle gyɛne gyɛne ne mɔɔ bɛlɛ la bɛgua, bɛnlua bɛ nwo na bɛhakyi bɛ adɛladeɛ mɔɔ bɛwula la.

1 Arl 18:21

Yilaegya rale ɛlɔne ne amuala anyunlu na ɔzele bɛ kɛ, “Duzu ati a bɛ adwenle ɛngya na bɛyɛ bɛ adwenle nwiɔ nwiɔ ɛ? Saa Ɛdɛnkɛma a le Nyamenle a, bɛdoa ye; na saa bɛkɛzonle bozonle Beeyale noko a, ɛnee bɛdoa ye.” Na menli ne mɔ ampili ye.

1 Edk 1:14

Keenan abo zo amra a le Gyibɛsema, Amɔlema, Gɛgahyema,

Edwɛndolɛ Buluku ne 101:2

Mebalua adenle mɔɔ ngehanleɛ ɛnle nwo la anu; O, kenlenzu yɛɛ ɛkɛra me nwo a? Mebava pɛlepɛlelilɛ meadɛnla me sua nu.

Edwɛndolɛ Buluku ne 119:106

Meha ndane na memoa zolɛ kɛ menwɔli wɔ pɛlepɛle mɛla ne mɔ azo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:2

Bɛmmadi menli dɔɔnwo anzi bɛyɛ ɛtane; yɛɛ bɛmmatoa menli ne dɔɔnwo ti bɛkyea nɔhalɛ nye wɔ bɛ daselɛlilɛ nu bɛsɛkye pɛlepɛlelilɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:24

bɛmmabɔ bɛ ti aze bɛmaa bɛ nyamenle ne mɔ yɛɛ bɛmmasonle bɛ, anzɛɛ bɛmmayɛ bɛ ɛzonlenlɛ ne mɔ bie. Bɛzɛkye bɛ na bɛbubu bɛ ɛzonlenlɛ mpila ne mɔ dwɔkɔdwɔkɔ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:15

Ɛ nee menli mɔɔ wɔ maanle ne anu la mmayɛ ngyekyeleɛ biala, amaa saa bɛdi bɛ awozonle ɛzonlenlɛ tuutuu ne na bɛabɔ azu bɛamaa bɛ awozonle ne mɔ a, bɛando ɛsalɛ bɛanvɛlɛ wɔ kɛ ɛraboka bɛ, na sɔnea ara ɛ nwo zo kɛ ɛli bɛ awozonle azubɔlɛ aleɛ ne bie.

Yizikeɛle Buluku ne 20:39

Na Awulae Nyamenle ne zele kɛ, “Bɛmɛ Yizilayɛma, bɛhɔ zolɛ. Saa bɛnrɛdie me a, ɛnee awie biala ɛbɔ ɔ bo ɛnɛ nee dahuu ɔzonle ye mmonle ne mɔ. Noko bɛmmafa bɛ ahyɛlɛ ninyɛne nee bɛ mmonle ne mɔ bɛsɛkye me duma.

Daneɛle Buluku ne 3:18

Saa yeanlie yɛ bɔbɔ a yɛka ye wienyi kɛ yɛnrɛzonle wɔ awozonle ne mɔ, yɛɛ yɛnrɛdu yɛnrɛgua wɔ ezukoa nvutuke ananze ne mɔɔ wɔzie la anyunlu.”

Sɛlɛ 14:42

na bɛava awolɛ fofolɛ bɛawulowula bane ne mɔ anu, bɛatanlitanli sua ne bane ne na akee bɛada sua ne bieko.

Maeka Buluku ne 4:5

Maanle maanle kɔsɔɔti di bɛ nyamenle ne mɔ mɛla zo na bɛsonle bɛ, na yɛmɛ, yɛbazonle Ɛdɛnkɛma yɛ Nyamenle ne na yɛali ye mɛla zo dahuu.

Ɛzoanvolɛma Gyima ne 11:23

Mɔɔ ɔhɔdwule na ɔnwunle kɛ Nyamenle ɛzi ɛlo menli ne la, ɔlile fɛlɛko na ɔzile bɛ kɛnra kɛ bɛva bɛ ahonle muala bɛzɔ diedi ne anu kpalɛ na bɛli nɔhalɛ bɛmaa Awulae.

Mɛla 13:7

saa menli mɔɔ ɛbɔ ɛyia bɛ la bie mɔ awozonle o, saa bɛwɔ moa anzɛɛ bɛbikye o, ɔvi ewiade ye ati kɔkpula ɔ bo,

Mɛla 29:18

Bɛnlea boɛ na bɛ bie, raalɛ o, nrenya o, mbusua ekpulike anzɛɛ abusua ekpunli, andwe ɔ nwo anvi Ɛdɛnkɛma yɛ Nyamenle ne anwo angɔnzonle maanle zɔhane mɔ awozonle ne mɔ. Bɛnlea boɛ na bɛ bie anyɛ ɔ nwo ndinli ɛtane mɔɔ fifi so ma ɛnwonle mɔɔ ku sonla la.

Dwɔhyua Buluku ne 24:16

Yizilayɛma ne buale kɛ, “Yɛnrɛgyakyi Ɛdɛnkɛma yɛnrɛzonle awozonle fee!

Maanlebuvolɛma Buluku ne 6:10

Na menzele bɛ kɛ, ‘Mame a mele Ɛdɛnkɛma bɛ Nyamenle ne a, bɛmmasonle Amɔlema nyamenle ne mɔ biala.’ Noko bɛandie me ne.”