Dwɔhyua Buluku ne 24:14 - BAEBOLO ANZƐƐ BULUKU NWUANZANWUANZA

¹⁴ Dwɔhyua vale zɔle zolɛ kɛ, “Ye zɔhane ati bɛli Ɛdɛnkɛma eni na bɛzonle ye nɔhalɛ nu. Awozonle ne mɔ mɔɔ bɛ nlenya mɔ zonlenle bɛ wɔ Mɛsɔpɔteemea nee Yigyibiti la, bɛgua bɛ lɔ na bɛzonle Ɛdɛnkɛma angomekye.

Dwɔhyua Buluku ne 24:14 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 17:1

Mekɛ mɔɔ Ebilam lile ɛvolɛ abulahɔnla nee ngɔnla la, Ɛdɛnkɛma yele ɔ nwo hilele ye na ɔzele ye kɛ, “Medame a mele Nyamenle Bedevinli ne a; di me mɛla zo na mmamaa ɛ nwo nyia ngehanleɛ biala.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 35:2

Yemɔti Gyekɔbo hanle hilele ye abusua ne nee bɛdabɛ mɔɔ bɛwɔ ye sua nu ɛkɛ ne la kɛ, “Bɛvuandi bɛ nyamenle gyɛne gyɛne ne mɔɔ bɛlɛ la bɛgua, bɛnlua bɛ nwo na bɛhakyi bɛ adɛladeɛ mɔɔ bɛwula la.

2 Arl 20:3

“Ɛdɛnkɛma, mebodo wɔ, kakye kɛ meyeye me ahonle nu mezonle wɔ nɔhalɛ nu yɛɛ mebɔ mɔdenle biala kɛ menwɔyɛ debie biala mɔɔ ɛkpondɛ kɛ meyɛ la.” Na ɔbɔle ɔ bo kɛ ɔsu.

Ɛzela Buluku ne 9:11

ɛluale wɔ ngɛkɛlɛ Nyamenle kpɔmanvolɛma anwo zo ɛvale ɛmanle yɛ kɛ, ‘Azɛlɛ ne mɔɔ bɛlɛkɔ bɛahɔva la le azɛlɛ mɔɔ menli mɔɔ wɔ zolɛ la ɛva munzule ɛbɛla ɛzɛkye ye, ɔvi ɔ ti yehɔdwu ɔ bo a.

Dwobu Buluku ne 1:1

Ɛnee nrenya bie wɔ Ɛɛze maanle nu. Bɛfɛlɛ ye Dwobu. Nrenya ɛhye anwo ɛnlɛ dɛne biala yɛɛ ɔle sonla fɔɔnwo, ɔdi nɔhalɛ ɔmaa Nyamenle, yɛɛ ɔkyi ɛtane.

Dwobu Buluku ne 28:28

“Na ɔzele sonla kɛ, ‘Nrɛlɛbɛ a le kɛ ɛkɛzulo Awulae; yɛɛ ndelebɛbo a le kɛ ɛkɛhwe ɛ nwo ɛkɛvi ɛtane nwo!’ ”

Edwɛndolɛ Buluku ne 111:10

Ɛdɛnkɛma ɛzulolɛ le nrɛlɛbɛ bo ɛbɔlɛ; bɛdabɛ mɔɔ bɛlɛ ndelebɛbo kpalɛ la a le bɛdabɛ mɔɔ bɛyɛ tieyɛ la. Ye ayɛlɛyelɛ wɔ ɛkɛ ne dahuu.

Edwɛndolɛ Buluku ne 119:1

Nyilalɛ ɛha bɛdabɛ mɔɔ bɛ ndenle nu ɛnlɛ ngehanleɛ, na bɛbɔ bɛ ɛbɛla kɛmɔ Ɛdɛnkɛma mɛla ne de la.

Edwɛndolɛ Buluku ne 119:80

Mmamaa medi fɔlɛ wɔ wɔ mɛla ne mɔ anwo, amaa me nyunlu angua aze.

Edwɛndolɛ Buluku ne 130:4

Na wɔmɔ, ɛlɛ fakyɛ, amaa bɛazulo wɔ.

Edwɛndolɛ Buluku ne 81:10

Medame a mele Ɛdɛnkɛma bɛ Nyamenle ne, mɔɔ yele bɛ vile Yigyibiti azɛlɛ zo rale la. Bɛbuke bɛ nloa kpalɛ, na menwɔmaa bɛ aleɛ.

Yizikeɛle Buluku ne 20:18

Na menganle mengilele bɛ mra wɔ fienemgbole ne anu kɛ, ‘Bɛmmafa bɛ ze mɔ agyakɛ, bɛmmadua bɛ ndenle ne mɔ anu, yɛɛ bɛmmasonle bɛ awozonle ne mɔ na bɛgua bɛ nwo evinli.

Yizikeɛle Buluku ne 23:3

Bɛbɔle tuutuu ɛbɛla wɔ Yigyibiti. Mekɛ ne anu ɛnee bɛle mbɛlɛra, na bɛmanle bɛmiemianle bɛ nyɛfo na bɛminlinle bɛ belamunliyɛlɛ ne.

Hozia Buluku ne 3:5

Ɛhye anzi Yizilayɛma bazia ara Ɛdɛnkɛma bɛ Nyamenle ne, nee bɛ belemgbunli Devidi ɛkɛ. Bɛbava ɛzulolɛ bɛazia bɛara Ɛdɛnkɛma ɛkɛ wɔ ye kpalɛyɛlɛ ne ati.

Sɛlɛ 17:7

Zɔhane ati ɔnle kɛ awie biala ku nane bɔ azu maa mbɔnkye awozonle ne mɔ na bɛbɔ tuutuu ɛbɛla mgbane biala. Ɛhye bayɛ mɛla amaa bɛ mekɛ biala, wɔ bɛ awolɛndoazo muala anu.

Maeka Buluku ne 6:8

O sonla, Ɛdɛnkɛma ɛhile wɔ mɔɔ le kpalɛ la, na duzu bieko yɛɛ akee Ɛdɛnkɛma kpondɛ kɛ ɛyɛ a? Ɔkulo kɛ ɛdi pɛlepɛle, ɛkile ɛhulolɛ kpundii, na ɛfa mɛlɛbɛnwoaze ɛ nee Nyamenle dua.

Edwɛkpa ne kɛmɔ Luku hɛlɛle la 8:15

Ma ne mɔɔ guale azɛlɛ kpalɛ zo la a le bɛdabɛ mɔɔ saa bɛtie edwɛkɛ ne a bɛsɔ nu kpundii wɔ ahonle kpalɛ nu, na bɛfa abotane bɛyɛ tieyɛ bɛgyinla kpundii kɔkpula kɛ bɛkɛzo ma la.

Ɛzoanvolɛma Gyima ne 9:31

Ɔlua Sɔɔlo ɛhakyilɛ zo akee Asɔne ne mɔɔ wɔ Dwudiya, Galeli, yɛɛ Samɛlea la nyianle anzonudwolɛ na ɔnyinle. Na ɔlua Sunsum Nwuanzanwuanza ne moalɛ zo Asɔne ne nyianle anwosesebɛ, menli dɔɔnwo rale nu na bɛvale Nyamenlezulolɛ bɛluale.

2 Kɔl 1:12

Mɔɔ yɛfa yɛtu yɛ nwo la a le ɛhye: yɛ ti kanrɛlɛ ne di daselɛ kɛ yɛlua Nyamenle nwuanzanwuanzayɛlɛ nee nɔhalɛlilɛ, nee Nyamenle ɛlolɛ ne tumi zo yɛɛ yɛfa yɛbɔ yɛ ɛbɛla wɔ ewiade ye anu a, bɔbɔ wɔ bɛ avinli, na tɛ ewiade nrɛlɛbɛ zo a yɛlua a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:24

Nyamenle ɛlolɛ ne nee bɛdabɛ mɔɔ bɛkulo yɛ Awulae Gyisɛse Kelaese ɛhulolɛ mɔɔ ɛmbɔ aze ɛlɛ la ɛdɛnla.

Mɛla 10:12

“Yizilayɛma, akee bɛdie. Mɔɔ Ɛdɛnkɛma bɛ Nyamenle ne kpondɛ wɔ bɛ ɛkɛ ne la a le kɛ: bɛzulo Ɛdɛnkɛma bɛ Nyamenle ne, bɛlua ye ndenle ne mɔ anu, bɛhulo ye, na bɛva bɛ ahonle nee bɛ ɛkɛla muala bɛzonle ye,

Mɛla 18:13

Bɛli nɔhalɛ bɛmaa Ɛdɛnkɛma bɛ Nyamenle ne.”

Mɛla 6:13

Bɛzulo Ɛdɛnkɛma bɛ Nyamenle ne, bɛzonle ye, na bɛva ye duma bɛha ndane.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:10

amaa bɛnwu mɔɔ le kpalɛ la a bɛanwu ye, na bɛ nwo ade saanwu na bɛanli fɔlɛ wɔ Kenle ne mɔɔ Kelaese kɛra la.

Dwɔhyua Buluku ne 24:2

Dwɔhyua zele menli ne amuala kɛ, “Kɛ Ɛdɛnkɛma, Yizilayɛ Nyamenle ne se la ɛne: ‘Mekɛ bie mɔɔ ɛraze ɛhɔ la bɛ nlenya mɔ dɛnlanle Azule Yufileti anzi lɔ na bɛzonlenle awozonle. Bɛ nlenya mɔ zɔhane anu ko a le Ebileham nee Neehɔ bɛ ze Tilaa.

Dwɔhyua Buluku ne 24:23

Dwɔhyua zele bɛ kɛ, “Ɛnee bɛvuandi awozonle ne mɔ mɔɔ bɛlɛ la bɛgua, na bɛvua bɛhile Ɛdɛnkɛma, Yizilayɛ Nyamenle ne kɛ bɛbali nɔhalɛ bɛamaa ye.”

1 Sam 12:14

Saa bɛdi Ɛdɛnkɛma bɛ Nyamenle ne eni, bɛsonle ye, bɛtie ɔ ne, bɛdi ye mɛla ne mɔ azo, na bɛ nee bɛ belemgbunli ne toa ɔ bo zo ɛdeɛ a, debie biala bahɔ zolɛ fɔɔnwo amaa bɛ.

1 Sam 12:24

Bɛyɛ tieyɛ bɛmaa Ɛdɛnkɛma na bɛva bɛ ahonle muala bɛzonle ye nɔhalɛ nu. Bɛhakye ninyɛne mgbole mɔɔ yeyɛ yemaa bɛ la.

1 Sam 7:3

Samoɛle zele Yizilayɛma kɛ, “Saa bɛfa bɛ ahonle kɔsɔɔti bɛazia bɛara Ɛdɛnkɛma ɛkɛ ne a ɛnee bɛkpo bɛ maanle gyɛne nu nyamenle ne mɔ kɔsɔɔti nee bɛ bozonle raalɛ Asetate ananze ne ɛzonlenlɛ. Bɛdu bɛ nwo kɔsɔɔti bɛmaa Ɛdɛnkɛma na bɛzonle ɔ ngomekye na ɔkɛlie bɛ ɔkɛvi Filisitiama asa anu.”