Dwɔhyua Buluku ne 24:12 - BAEBOLO ANZƐƐ BULUKU NWUANZANWUANZA

¹² Mekɛ mɔɔ bɛ nee Amɔle arelemgbunli nwiɔ ne ko la, membɔle bɛ ɛlɔnema ne asande, amaa bɛadu bɛ ɛkɛ ne. Tɛ bɛ anwosesebɛ anzɛɛ asɛɛ bɛze konle nye zo la ati ɔ. (Bɛ konle dadeɛ nee bɛ ɛda ne mɔ anyɛ ɛhwee.)

Dwɔhyua Buluku ne 24:12 ပူးပေါင်းရင်းမြစ်များ

Edwɛndolɛ Buluku ne 135:11

Amɔle Belemgbunli Saehɔn, yɛɛ Beehyan Belemgbunli Ɔɔgo, na ɔzɛkyele Keena arelemgbunli maanle ne mɔ a.

Edwɛndolɛ Buluku ne 80:10

Ye alubo hedale awoka ne mɔ azo, ɔvale ye ngane ɔguale sida mbaka mgbole zo;

Edwɛndolɛ Buluku ne 80:9

Ɛzieziele azɛlɛ ne ɛmanle ye; ɔzɔle ndinli ɔhɔle aze kpalɛ na ɔvale azɛlɛ ne.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:28

Mebamaa ngɛkɛba mɔɔ le kɛ nrɛlabɔlɛ la alumua bɛ nyunlu ahɔvoa Haevaema, Keenama, yɛɛ Hɛtema.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:31

Mebagya bɛ ɛweɛne ne meavi Akaba Ebolo ne anu meahɔ Azule Yufileti ne anloa, na meava ye fienemgbole ne anu toonwo meahɔgua ye Mɛdetɛlenia Nyevile ne anloa. Mebamaa bɛali menli ne anwo zo konim na bɛavoa bɛ bɛavi azɛlɛ ne azo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 21:31

Yemɔti Yizilayɛma dɛnlanle Amɔlema maanle ne anu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 21:32

Na Mosisi zoanle menli kɛ bɛhɔkpondɛ adenle mɔɔ bɛpe nu bɛateta suakpole Gyeezɛ la. Yizilayɛma vale suakpole ne nee azua mɔɔ zuozua ye la, na bɛvoanle Amɔlema mɔɔ de ɛkɛ la.

Mɛla 31:4

Ɛdɛnkɛma bayɛ bɛ kɛ ɔyɛle Amɔle Arelemgbunli Saehɔn nee Ɔɔgo nee bɛ azɛlɛ ne mɔ la. Ɔzɛkyele bɛ bɔkɔɔ.

Mɛla 4:47

Na bɛvale azɛlɛ ne nee Beehyan Belemgbunli Ɔɔgo azɛlɛ ne amuala. Bɛle Amɔle arelemgbunli nwiɔ mɔɔ ɛnee wɔ Dwɔdan Aduduleɛ a.

Mɛla 7:20

Eza Ɛdɛnkɛma bɛ Nyamenle ne bamaa ewulenzane adɔ menli zɔhane avinli, kɔkpula kɛ bɛdabɛ mɔɔ bɛkɛha na bɛkɛvoa bɛ la kɛwie wu bɔkɔɔ la.

Dwɔhyua Buluku ne 2:10

Yɛde kɛ Ɛdɛnkɛma zile manle Nyevile kɔkɔlɛ ne sesanle bɔkɔɔ manle bɛpɛle ye wɔ mekɛ mɔɔ bɛvi Yigyibiti bɛlɛba la. Eza yɛde kɛ bɛzile bɛhunle Amɔle arelemgbunli nwiɔ ne, Saehɔn nee Ɔɔgo, wɔ Dwɔdan aduduleɛ lɔ la.