Dwɔhyua Buluku ne 24:11 - BAEBOLO ANZƐƐ BULUKU NWUANZANWUANZA

¹¹ Bɛpɛle Azule Dwɔdan ne bɛrale Gyɛleko. Gyɛlekoma nee bɛ honle; zɔhane ala yɛɛ Amɔlema, Pɛlɛzema, Keenama, Hɛtema, Gɛgahyema, Haevaema, yɛɛ Gyibɛsema noko nee bɛ honle a. Na memanle bɛlile bɛ muala bɛ nwo zo konim.

Dwɔhyua Buluku ne 24:11 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 15:19

Kinama, Kinaezema, Kademma,

Edwɛndolɛ Buluku ne 105:44

Na ɔvale maanle maanle ne mɔ azɛlɛ ne ɔmanle bɛ; na bɛvale menli ne ɛya avule kɔsɔɔti,

Edwɛndolɛ Buluku ne 114:3

Nyevile Kɔkɔlɛ ne nleanle na ɔnriandile; Dwɔdan ne hwenle ziale.

Edwɛndolɛ Buluku ne 114:5

O Nyevile, duzu a yɛle wɔ mɔɔ ɛnriandile a? O Dwɔdan, duzu ati a ɛhwenle ɛziale a?

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:5

Na saa Ɛdɛnkɛma fa bɛ dwu Keena mɔɔ le Hɛtema, Amɔlema, Haevaema, yɛɛ Gyibɛsema azɛlɛ ne mɔɔ ɔvale ɔbɔle bɛ ze mɔ ɛwɔkɛ, na ɔle azɛlɛ kɛnlɛma mɔɔ kye aleɛ la azo a, bɛli ɛvoyia ɛhye wɔ siane ɛhye anu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:23

Saa me soanvolɛ ne di bɛ nyunlu nee bɛ kɔ Amɔlema, Hɛtema, Pɛlɛzema, Keenama, Haevaema, nee Gyibɛsema maanle nu na mebɔ bɛ bo zo bɔkɔɔ a,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:28

Mebamaa ngɛkɛba mɔɔ le kɛ nrɛlabɔlɛ la alumua bɛ nyunlu ahɔvoa Haevaema, Keenama, yɛɛ Hɛtema.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:31

Mebagya bɛ ɛweɛne ne meavi Akaba Ebolo ne anu meahɔ Azule Yufileti ne anloa, na meava ye fienemgbole ne anu toonwo meahɔgua ye Mɛdetɛlenia Nyevile ne anloa. Mebamaa bɛali menli ne anwo zo konim na bɛavoa bɛ bɛavi azɛlɛ ne azo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:17

na mebɔ ɛwɔkɛ kɛ mebaye bɛ meavi bɛ amaneɛnwunlɛ nu wɔ Yigyibiti na me nee bɛ ahɔ Keenama, Hɛtema, Amɔlema, Pɛlɛzema, Haevaema, nee Gyibɛsema azɛlɛ zo. Ɛkɛ ne azɛlɛ ne le kpalɛ na ɔkye aleɛ.’

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:8

Meze bɛ amaneɛnwunlɛ ne, na mera kɛ mebalie bɛ meavi Yigyibitima asa anu, meaye bɛ meavi azɛlɛ ɛhye azo me nee bɛ ahɔ azɛlɛ kpalɛ mɔɔ tɛlɛ, azɛlɛ kpalɛ mɔɔ kye aleɛ mɔɔ Keenama, Hɛtema, Amɔlema, Pɛlɛzema, Haevaema, yɛɛ Gyibɛsema a de zolɛ la azo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 33:2

Mebamaa Nyamenle soanvolɛ ali bɛ nyunlu, na meavoa Keenama, Amɔlema, Hɛtema, Pɛlɛzema, Haevaema, yɛɛ Gyibɛsema.

Ɛzoanvolɛma Gyima ne 13:19

Wɔ Keena noko, Nyamenle zɛkyele maanle maanle nsuu na ɔvale bɛ azɛlɛ ne ɔmanle ye menli ne mɔ.

Ɛzoanvolɛma Gyima ne 7:45

Nzinlii yɛ nlenya mɔ vale Ɛdanlɛ Sua ne mɔɔ bɛliele ye bɛ ze mɔ ɛkɛ ne la lile bɛ nyunlu na bɛ nee Dwɔhyua hɔle bɛhɔhonle bɛvale maanle maanle mɔɔ Nyamenle manle bɛlile bɛ nwo zo konim la. Na ɔwoale bɛ nwo ɛkɛ ne toonwo ɔradwule Devidi mekɛ zo.

Mɛla 7:1

“Ɛdɛnkɛma bɛ Nyamenle ne bava bɛ adwu azɛlɛ ne mɔɔ bɛlɛkɔ bɛahɔva bɛayɛ bɛ ɛdeɛ la azo, na yeavoa maanle maanle dɔɔnwo yeamaa bɛ. Ɔbavoa maanle mgbole nsuu mɔɔ anwo yɛ se tɛla bɛ la yeavi bɛ nye zo. Maanle ne mɔ a lɛ Hɛtema, Gɛgahyema, Amɔlema, Keenama, Pɛlɛzema, Haevaema, yɛɛ Gyibɛsema.

Dwɔhyua Buluku ne 3:10

Akee bɛbanwu kɛ tease Nyamenle ne nee bɛ a lua a, ɔluakɛ ɔbavoa Keenama, Hɛtema, Haevaema, Pɛlɛzema, Gɛgahyema, Amɔlema, yɛɛ Gyibɛsema na yeamaa bɛali bɛ nwo zo konim.

Dwɔhyua Buluku ne 4:1

Mɔɔ Yizilayɛma amuala wiele Azule Dwɔdan ne pɛ la, Ɛdɛnkɛma zele Dwɔhyua kɛ,

Dwɔhyua Buluku ne 4:19

Siane ne mɔɔ lumua la kenle bulu ne azo yɛɛ menli ne pɛle azule Dwɔdan ne a, na bɛyɛle bɛ azokoɛleɛ wɔ Gelegale, wɔ Gyɛleko aduduleɛ.

Dwɔhyua Buluku ne 4:23

Bɛha bɛhile bɛ kɛ Ɛdɛnkɛma bɛ Nyamenle ne manle azule ne sesanle dole azɛlɛ resee ne hɔkpulale kɛ bɛ muala bɛpɛle nu la, kɛmɔ ɔyɛle Ndɔ Nyevile ne ɔmanle yɛpɛle la.

Dwɔhyua Buluku ne 9:2

Bɛ muala bɛbɔle nuhua bɛvale adwenle ko kɛ bɛ nee Dwɔhyua nee Yizilayɛma kaho.