Dwɔhyua Buluku ne 23:8 - BAEBOLO ANZƐƐ BULUKU NWUANZANWUANZA

⁸ Bɛli nɔhalɛ bɛmaa Ɛdɛnkɛma, kɛmɔ bɛyɛ toonwo yeradwu ɛnɛ la.

Dwɔhyua Buluku ne 23:8 ပူးပေါင်းရင်းမြစ်များ

2 Arl 18:6

Ɔlile nɔhalɛ ɔmanle Ɛdɛnkɛma, yeandu ye edwɛkɛ zo ɛlɛ. Ɔlile mɛla ne mɔ mɔɔ Ɛdɛnkɛma vale manle Mosisi la azo kpalɛ.

Ɛzoanvolɛma Gyima ne 11:23

Mɔɔ ɔhɔdwule na ɔnwunle kɛ Nyamenle ɛzi ɛlo menli ne la, ɔlile fɛlɛko na ɔzile bɛ kɛnra kɛ bɛva bɛ ahonle muala bɛzɔ diedi ne anu kpalɛ na bɛli nɔhalɛ bɛmaa Awulae.

Mɛla 10:20

Bɛzulo Ɛdɛnkɛma bɛ Nyamenle ne, bɛzonle ye na bɛva bɛ nwo bɛmaa ye, na bɛva ye duma ne ala bɛha ndane.

Mɛla 11:22

“Ɔluakɛ saa bɛnea boɛ, bɛdi mɛla ɛhye mɔ mɔɔ melɛfa meamaa bɛ la azo, bɛkulo Ɛdɛnkɛma bɛ Nyamenle ne, bɛdua ye adenle ne anu, na bɛfa bɛ nwo bɛmaa ye bɔkɔɔ a,

Mɛla 13:4

Bɛdoa Ɛdɛnkɛma bɛ Nyamenle ne abo zo na bɛzulo ye, bɛli ye mɛla ne mɔ azo, bɛdie ɔ ne, bɛzonle ye na bɛva bɛ nwo amuala bɛmaa ye.

Mɛla 13:5

Bɛhu Nyamenle kpɔmanvolɛ zɔhane anzɛɛ ahenle ne mɔɔ hanle ɛlalɛ ne la, ɔboalekɛ yehilehile bɛ kɛ bɛde Ɛdɛnkɛma bɛ Nyamenle ne mɔɔ yele bɛ vile Yigyibiti rale la anwo atua, amaa bɛavi adenle ne mɔɔ Ɛdɛnkɛma bɛ Nyamenle ne ɛze bɛ kɛ bɛlua nu la anu. Zɔhane yɛɛ bɛbayɛ na bɛaye musuofoɔ ne bɛavi bɛ avinli a.

Mɛla 4:4

Bɛdabɛ noko mɔɔ bɛhɔle zo bɛzonlenle Ɛdɛnkɛma bɛ Nyamenle ne nɔhalɛ nu la tɛte aze kɛkala.

Mɛla 8:20

Na kɛmɔ Ɛdɛnkɛma zɛkyele maanle maanle mɔɔ bɛradole bɛ la, zɔhane ala yɛɛ saa bɛanyɛ tieyɛ bɛammaa Ɛdɛnkɛma bɛ Nyamenle ne a ɔbazɛkye bɛ a.

Dwɔhyua Buluku ne 22:5

Bɛnlea boɛ na bɛli mɛla ne mɔɔ Mosisi ɛva ɛmaa bɛ la azo. Bɛhulo Ɛdɛnkɛma bɛ Nyamenle ne, bɛyɛ ye ɛhulolɛdeɛ, bɛli ye mɛla ne mɔ azo, bɛli nɔhalɛ bɛmaa ye, na bɛva bɛ ahonle nee bɛ ɛkɛla muala bɛzulo ye.”

Dwɔhyua Buluku ne 23:7

Akee menli ɛhye mɔ mɔɔ de bɛ avinli la, bɛ nee bɛ mmatu fane biala, bɛmmabɔ bɛ awozonle ne mɔ aluma, bɛmmafa bɛ bɛka ndane, bɛmmasonle bɛ yɛɛ bɛmmabɔ bɛ ti aze bɛmaa bɛ.

Dwɔhyua Buluku ne 23:9

Ɛdɛnkɛma voanle maanle mgbole mgbole mɔɔ anwo yɛ se la wɔ mekɛ mɔɔ bɛzele kɛ bɛba bɛ nyunlu la. Maanle maanle zɔhane mɔ anu menli, ko bɔbɔ angola bɛ nyunlu gyinla.