Dwɔhyua Buluku ne 23:6 - BAEBOLO ANZƐƐ BULUKU NWUANZANWUANZA

⁶ Yemɔti bɛnlea boɛ na bɛli debie biala mɔɔ bɛhɛlɛ ye wɔ Mosisi Mɛla ne anu la azo. Bɛmmabu bɛ nye bɛgua ye kpɔkɛ ko bɔbɔ azo.

Dwɔhyua Buluku ne 23:6 ပူးပေါင်းရင်းမြစ်များ

1 Arl 2:3

na di gyima mɔɔ Ɛdɛnkɛma wɔ Nyamenle ne ɛze wɔ kɛ ɛli la. Dua ye adenle ne azo, di ye mɛla ne mɔ nee ye ngyehyɛlɛ ne mɔ azo, kɛmɔ bɛhɛlɛ bɛ wɔ Mosisi mɛla buluku ne anu la, amaa wɔ ɛbɛlabɔlɛ ne adenrɛ na wɔakpazi wɔ adenle nee nyɛleɛ biala anu.

Edwɛndolɛ Buluku ne 101:3

Menrɛva ɛtaneyɛlɛ biala menrɛzie me nyunlu. Mekyi bɛdabɛ mɔɔ bɛkpo aze la gyima; me nee bɛ ɛnrɛyɛ debie biala.

Edwɛndolɛ Buluku ne 119:102

Mendwe me nwo menvi wɔ mɛla ne mɔ anwo, ɔluakɛ ɛdawɔ yɛɛ wɔhilehile me a.

Gyɛlɛmaya Buluku ne 9:3

Adalɛ ɛhu bɛ kuu; nɔhalɛ biala ɛnle azɛlɛ ne azo, adalɛ ngome ɛyi bɛ tɛkɛɛ. Ɛdɛnkɛma se, “Me menli ne bɔ munzule la ɛnee bɛbɔ, yɛɛ bɛnze me.”

1 Kɔl 16:13

Bɛyɛ bɛ nye gyɛlɛmgbɛɛnye, bɛgyinla kpundii wɔ diedi ne anu, bɛnyia akɛnrasesebɛ, bɛmaa bɛ nwo ɛyɛ se.

Mɛla 12:32

“Bɛli mɔɔ meha mehile bɛ la azo kpalɛ. Bɛmmafa bie bɛboka nwolɛ yɛɛ bɛmmaye bie bɛfi nuhua.

Mɛla 17:20

Ɛhye bazi ye adenle amaa yeammemaa ɔ nwo zo yeangile ɔ mediema ne mɔ. Eza ɔnrɛmaa ɔnrɛvi mɛla ne nee ngyehyɛlɛ ne mɔ anwo ɔnrɛhɔ fema zo anzɛɛ bɛne zo, na ɔdaye nee ɔ mra bɛali belemgbunli wɔ Yizilayɛ bɛahyɛ.

Mɛla 28:14

Noko akee bɛnlea boɛ na bɛangoati me edwɛkɛ ne mɔ mɔɔ melɛka meahile bɛ ɛnɛ la anwo, bɛangɔ bɛne zo anzɛɛ fema zo, bɛangɔnzonle awozonle.

Mɛla 5:32

“Zɔhane ati bɛnlea boɛ na bɛyɛ kɛmɔ Ɛdɛnkɛma bɛ Nyamenle ne ɛze bɛ la, bɛmmakɔ fema zo anzɛɛ bɛne zo.

Kɛlata mɔɔ bɛhɛlɛle bɛhɔmanle Hibuluma la 12:4

Bɛ nee ɛtane bɛ konle ye anu, bɛtɛdwule ye kpɔmgbɔse ne mɔɔ ɛhunlɛ bɔbɔ finde nu a.

Yekile 21:8

Na avoanvoanle, menli mɔɔ ɛnlɛ diedi, ngunzima, ahɔdiawu, adwɔmanema, nindavoma, awozonle ɛzonlenlɛma, nee adalɛma amuala, bɛ ɛleka a le tandane ne mɔɔ senle nee sɔlefa ɛlɛsɔ nu la anu. Senle tandane ɛhye a le ewule ne mɔɔ tɔ zolɛ nwiɔ la.”