Dwɔhyua Buluku ne 23:14 - BAEBOLO ANZƐƐ BULUKU NWUANZANWUANZA

¹⁴ “Akee me ewule mekɛ asɛɛ ɛdwu. Bɛ nuhua ko biala ze ye wɔ ye ahonle nu na ɔdie ɔto nu kɛ Ɛdɛnkɛma bɛ Nyamenle ne ɛva ninyɛne kpalɛ ne mɔɔ ɔvale ɔbɔle bɛ ɛwɔkɛ la ɛmaa bɛ. Ɛwɔkɛ biala mɔɔ ɔbɔle la yeli zolɛ; kokye anga nu.

Dwɔhyua Buluku ne 23:14 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 47:29

Mɔɔ ɔka ekyii Gyekɔbo wu la, ɔvɛlɛle ɔ ra Dwosefi na ɔzele ye kɛ, “Saa amgba ɛ nye sɔ me a, ɛnee fa ɛ sa fula me ɛzɔlɛ nu na bɔ ɛwɔkɛ kɛ ɛbali nɔhalɛ wɔamaa me. Mmasie me Yigyibiti ɛke;

1 Arl 2:2

“Ɔka ekyii mekɔ me ɛkɛla nzi, yemɔti gyinla kpundii kɛ ralɛ nrenya,

1 Arl 8:56

“Bɛye Ɛdɛnkɛma ayɛlɛ kɛ yemaa ye menli ne anzo nu ɛdwo bɛ a. Mɔɔ ɔhanle la ɛyɛ zɔhane. Edwɛkɛ mɔɔ ɔluale ye akɛlɛ Mosisi anwo zo ɔhanle la ɛyɛ nɔhalɛ mɔɔ ko bɔbɔ anga nu a.

Dwobu Buluku ne 30:23

Ɛhɛe, meze kɛ ɛbamaa meawu, na meahɔ ɛleka mɔɔ teasema amuala wɔ la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:8

Meze bɛ amaneɛnwunlɛ ne, na mera kɛ mebalie bɛ meavi Yigyibitima asa anu, meaye bɛ meavi azɛlɛ ɛhye azo me nee bɛ ahɔ azɛlɛ kpalɛ mɔɔ tɛlɛ, azɛlɛ kpalɛ mɔɔ kye aleɛ mɔɔ Keenama, Hɛtema, Amɔlema, Pɛlɛzema, Haevaema, yɛɛ Gyibɛsema a de zolɛ la azo.

Nolo 12:5

Eza bɛbazulo ɛleka mɔɔ wɔ anwuma la, yɛɛ ɛzulolɛ bara bɛ adenle nu, bɛ ti enrinli bayɛ egyɛne; ɛdialɛ bɔbɔ bayɛ se amaa bɛ na bɛ atiakunluwɔzo aye, ɔboalekɛ sonla ɛlɛkɔ ye ɛkɛla nzi, na nyanelilɛma bazu akpɔsa gua bile ne mɔ azo.

Nolo 9:10

Debie biala mɔɔ ɛkɛzɔ nu kɛ ɛyɛ la, fa wɔ anwosesebɛ yɛ, ɔluakɛ gyima anzɛɛ ndwenlenwo anzɛɛ adwenle anzɛɛ nrɛlɛbɛ biala ɛnle Ɛbolɔ mɔɔ ɛlɛkɔ la.

Yizikeɛle Buluku ne 20:28

Ɔluakɛ mɔɔ me nee bɛ radwule azɛlɛ ne mɔɔ menganle ndane kɛ mefa meamaa bɛ la azo la, ɛnee akee ɛleka biala mɔɔ bɛkɛnwu boka tendenle biala anzɛɛ baka buzuu biala la, ɛkɛ ne a bɛbɔ azu ne mɔ, na bɛye bɛ ahyɛlɛdeɛ ne mɔ, bɛyela bɛ azubɔlɛ ninyɛne ne mɔ na bɛgua bɛ nza ne mɔ a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 23:19

Nyamenle ɛnle kɛ sonla na yeabɔ adalɛ, Ɔnle kɛ dasanli mɔɔ yɛ na yeavu ɔ nwo. Ye ɛwɔkɛ biala, ɔdi zo; Ɔka, na ɔyɛ zɔ.

Edwɛkpa ne kɛmɔ Luku hɛlɛle la 21:33

Anwuma nee aze bapɛ nu aze, na me nloa edwɛkɛ ɛdeɛ ɔnrɛpɛ nu ɛlɛ.”

Kɛlata mɔɔ bɛhɛlɛle bɛhɔmanle Hibuluma la 9:27

Bɛhyehyɛ bɛmaa sonla biala kɛ ɔwu kokye, na ewule ne anzi Nyamenle abua ye ndɛne.

1 Sam 3:19

Samoɛle dule zolɛ; Ɛdɛnkɛma nee ye luale na ɔmanle edwɛkɛ biala mɔɔ Samoɛle hanle la yɛle nɔhalɛ.