Dwɔhyua Buluku ne 23:1 - BAEBOLO ANZƐƐ BULUKU NWUANZANWUANZA

¹ Mekɛ ne hɔle bie la, Ɛdɛnkɛma bɔle Yizilayɛma anwo bane wɔ bɛ kpɔvolɛma mɔɔ ɛbɔ ɛyia bɛ la asa anu. Mekɛ ne anu ɛnee Dwɔhyua ɛyɛ kpanyinli,

Dwɔhyua Buluku ne 23:1 ပူးပေါင်းရင်းမြစ်များ

1 Arl 1:1

Mekɛ ne hɔle bie la ɛnee Belemgbunli Devidi akee ɛyɛ kpanyinli kpalɛ. Bɛfa ahundu bɛmundumundu ɔ nwo bɔbɔ a ɔ nwo ɛnyɛ wuluwulu.

1 Edk 23:25

Devidi zele bɛ kɛ, “Yizilayɛ Ɛdɛnkɛma Nyamenle ne ɛmaa ye menli ne anzo nu ɛdwo bɛ, yɛɛ ɔdaye mumua ne ɔbadɛnla Gyɛlusalɛm ɛke dahuu.

1 Edk 27:1

Yizilayɛ mbusua safohyenlema mɔɔ nea ɛlɔnema apenle nee ɛlɔnema ɛya nwo zo, nee mbɔlɔba mgbanyinli mɔɔ nleanle maanle ne bule la ɛne. Ɛvolɛ biala anu, siane ko biala ekpunli ko mɔɔ bɛ nloa le menli apenle ngoko abulanwiɔ nee nna la yɛɛ nee bɛ safohyenle kpanyinli ne bayɛ gyima a.

2 Edk 14:1

Belemgbunli Abaegya hɔle ayile nu na bɛwulale ye mrɛlatɛlɛ nu wɔ Devidi Suakpole zo, na ɔ ra Esa lile ebia ne. Wɔ Belemgbunli Esa mekɛ zo maanlema ne anzo nu dwole bɛ ɛvolɛ bulu.

2 Edk 14:5

Eza ɔbubule ɛleka ne mɔ mɔɔ menli mɔɔ ɛnze Nyamenle la sonle wɔ Dwuda azuamgbole ne mɔ azo la amuala na ɔbubule bɛ azukponle ne mɔ mɔɔ bɛkpu ɛyɛlɛ zolɛ la.

2 Edk 20:30

Yemɔti Belemgbunli Gyɛhɔhyafate akee ziele maanle ne anzonudwolɛ nu, ɔluakɛ Nyamenle bɔle ɔ nwo bane.

Edwɛndolɛ Buluku ne 46:9

Ɔmaa bɛgyakyi konle wɔ azɛlɛ ye amuala azo; ɔbubu ɛda nee atwɛ ne mɔ, ɔfa senle ɔyela konle ehwili ne mɔ!

Ayezaya Buluku ne 63:14

Ɛdɛnkɛma Sunsum ne manle bɛyɛle kɛ nlankɛ mɔɔ lua bɔnza nu la, na ɔmanle bɛliele bɛ ɛnwomenle. Yemɔti ɛdawɔ Ɛdɛnkɛma a ɛlile wɔ menli ne ati na ɛliele duma kpole ɛmanle ɛ nwo a.

Mɛla 31:2

Ɔzele bɛ kɛ, “Kɛkala meli ɛvolɛ ɛya ko abulanwiɔ. Mengola me nee bɛ ɛngɔ ɛmba kɛ dɛba ne la. Ɛdɛnkɛma ɛze me kɛ memmapɛ Dwɔdan ne mekɔ ɔ nzi lɔ.

Dwɔhyua Buluku ne 11:23

Dwɔhyua vale azɛlɛ ne amuala, kɛmɔ Ɛdɛnkɛma zele Mosisi la. Dwɔhyua vale azɛlɛ ne manle Yizilayɛma kɛ bɛ ɛdeɛ ɔ na bɛdɛnla zolɛ. Ɔhyɛle nu ngyebangyeba ɔmanle Yizilayɛ mbusua ekpunli ekpunli ne mɔ. Akee Yizilayɛma liele bɛ ɛnwomenle na bɛgyakyile konle.

Dwɔhyua Buluku ne 13:1

Dwɔhyua akee ɛli ɛvolɛ dɔɔnwo na yeyɛ kpanyinli kpalɛ. Ɛdɛnkɛma zele ye kɛ, “Wɔnyi, wɔli ɛvolɛ dɔɔnwo, noko azɛlɛ dɔɔnwo tɛbɔ ɛkɛ mɔɔ ɔwɔ kɛ bɛfa bɛyɛ bɛ ɛdeɛ a.

Dwɔhyua Buluku ne 21:44

Ɛdɛnkɛma manle bɛ anzonudwolɛ wɔ bɛ azɛlɛ ne azo, kɛmɔ ɛwɔkɛ ne mɔɔ ɔbɔle bɛ nlenya mɔ la se la. Bɛ kpɔvolɛma ne anu ko bɔbɔ angola bɛ nyunlu gyinla, ɔboalekɛ Ɛdɛnkɛma manle bɛlile konim wɔ bɛ muala bɛ nwo zo.

Dwɔhyua Buluku ne 22:4

Kɛkala, Ɛdɛnkɛma bɛ Nyamenle ne ɛmaa Yizilayɛma anzo nu ɛdwo bɛ, kɛmɔ ye ɛwɔkɛ ne se la. Yemɔti bɛhɔ sua nu, wɔ azɛlɛ ne mɔɔ bɛ sa ɛha ye la azo, wɔ Dwɔdan aduduleɛ lɔ. Ɛdɛnkɛma sonvolɛ Mosisi a vale manle bɛ a.

1 Sam 12:2

Kɛkala, bɛnyia belemgbunli mɔɔ bali bɛ ti a. Akee meyɛ kpanyinli; me ti zo ɛyɛ nwohyee. Eza bɛnlea, me mra mrenya ne mɔ wɔ bɛ avinli. Sumunli me mgbavolɛ nu, meli bɛ ti toonwo a yeradwu ɛnɛ a.