Dwɔhyua Buluku ne 22:6 - BAEBOLO ANZƐƐ BULUKU NWUANZANWUANZA

^6-8 Dwɔhyua yilale bɛ na ɔvale ɔzɔle zolɛ kɛ, “Bɛlɛ anwonyia dɔɔnwo a bɛlɛsia bɛahɔ bɛ nzi a: nyɛmoa, dwɛtɛ fufule, ezukoa nvutuke, kɔbele, bulalɛ, yɛɛ adɛladeɛ dɔɔnwo. Ɛhye mɔ le ninyɛne mɔɔ bɛnyianle bɛ wɔ bɛ kpɔvolɛma ne ɛkɛ a. Bɛ nee bɛ mediema ne mɔ ɛhyɛ mɔɔ bɛnyia ye la.” Akee ɔmanle bɛ adenle ɔmanle bɛhɔle. Mosisi vale Dwɔdan aduduleɛ azɛlɛ ne bie manle Manasɛ abusua ekpunli ne foa ko yɛɛ foa ko ne mɔɔ hale la, Dwɔhyua ɛmaa bɛ nee mbusua ekpunli ekpunli mɔɔ hale la azɛlɛ wɔ Dwɔdan adɔleɛ.

Dwɔhyua Buluku ne 22:6 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 14:19

Na ɔyilale Ebilam ɔzele kɛ, “Ebilam, Anwuma Anwuma Nyamenle ne, mɔɔ bɔle anwuma nee aze la ɛyila wɔ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 47:10

Akee Gyekɔbo Yileyilale belemgbunli ne bieko na ɔhɔle.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 47:7

Akee Dwosefi vale ɔ ze Gyekɔbo rahilele belemgbunli ne. Na Gyekɔbo yileyilale belemgbunli ne.

2 Sam 6:18

Ɔwiele azu ne bɔ la, ɔyilale menli ne mɔ wɔ Tumivolɛ Ɛdɛnkɛma duma nu.

2 Sam 6:19

Na ɔvale ahyɛlɛ ninyɛne ɔmanle Yizilayɛma kɔsɔɔti, mraalɛ nee mrenya. Ɔmanle awie biala kpanwo ko, nane ndondo sinli nee vanye ma welera ndɛlamoa ko. Akee awie biala hɔle sua nu.

2 Sam 6:20

Nzinlii Devidi hɔle kɛ ɔkayila ye awuke nu amra, na Sɔɔlo ara raalɛ Maekale rayiale ye na ɔzele ye kɛ, “Yizilayɛ belemgbunli ne ɛlie duma kpole ɛmaa ɔ nwo ɛnɛ. Yeye ɔ nwo yehile ye sonvolɛma sonvolɛ mraalɛ anyiemgba nu bie kɛ koasea la.”

1 Arl 8:66

Sɔlɔmɔn manle ɛlɔne ne zandele kenle mɔtwɛ ne azo. Awie biala anye liele Sɔlɔmɔn anwo na ɔvale fɛlɛkolilɛ ɔhɔle sua nu kɛ Ɛdɛnkɛma ɛyila ye akɛlɛ Devidi nee ye menli Yizilayɛma a.

2 Edk 30:18

Ɔluakɛ ɛnee menli dɔɔnwo kpalɛ mɔɔ vi Yifelaem, Manasɛ, Yesakaa nee Zɛbulɛn maanzinli ne mɔ anu rale la ɛtɛnuanle bɛ nwo, noko bɛmanle bɛ adenle bɛmanle bɛlile Akpabɛnwo aleɛ ne bie. Ɛhye nee ngyehyɛlɛ mɔɔ wɔ Akpabɛnwo aleɛ ne ɛlilɛ nwo la ɛnle ko, noko bɛmanle bɛ adenle bɛlile bie, ɔboalekɛ Belemgbunli Hɛzikaya ɛnee ɛzɛlɛ kɛ,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 39:43

Mosisi nleɛnleanle bɛ kɔsɔɔti na ɔnwunle kɛ bɛyɛ bɛ, kɛmɔ Ɛdɛnkɛma ɛha ɛhile ye la. Yemɔti Mosisi yilale bɛ.

Edwɛkpa ne kɛmɔ Luku hɛlɛle la 2:34

Semɛyɔn yilale bɛ na ɔzele ɔ nli Mɛle kɛ, “Nyamenle ɛye kakula ɛhye ɛzie ɛkɛ. Yizilayɛma dɔɔnwo balua ɔ nwo zo adu koti, na dɔɔnwo noko alua ɔ nwo zo anyia ngoane; ɔbayɛ Nyamenle sɛkɛlɛneɛ mɔɔ menli dɔɔnwo ɛnrɛlie ɛnrɛdo nu,

Edwɛkpa ne kɛmɔ Luku hɛlɛle la 24:50

Akee Gyisɛse nee bɛ vi suakpole ne azo hɔle mɔɔ asɛɛ bɛdwu Bɛtani la, na ɔmanle ɔ sa zo ɔyilale bɛ.

Dwɔhyua Buluku ne 14:13

Dwɔhyua yilale Gyɛfɛni ara Kalɛbe na ɔvale suakpole Hibulɔn ɔmanle ye kɛ ye agyadeɛ ɔ.

Dwɔhyua Buluku ne 24:28

Na Dwɔhyua manle menli ne mɔ hɔle, awie biala ziale hɔle ɔdaye ye sua zo.

1 Sam 10:25

Akee Samoɛle hanle belemgbunli dibilɛ nee ye gyima hilele menli ne. Ɔhɛlɛle ɛhye mɔ buluku nu, na ɔvale ɔdole ɛleka nwuanzanwuanza wɔ Ɛdɛnkɛma anyunlu. Akee Samoɛle manle menli ne kɔsɔɔti hɔle bɛ azua nu.

1 Sam 13:2

Sɔɔlo yele Yizilayɛma anu apenle nsa; ɔvale apenle nwiɔ ɔ nee bɛ woale Mekemahye yɛɛ Bɛtɛle mɔɔ wɔ awoka ne mɔ azo la. Ɔvale apenle ko ne ɔmanle Dwɔnatan vale bɛ hɔle Gebɛya mɔɔ wɔ Bɛngyaman maanzinli nu la. Na menli mɔɔ hale la Sɔɔlo manle bɛziale bɛhɔle sua nu.

1 Sam 2:20

Saa bɛwie a Yilae yila Ɛlekana nee ɔ ye na ɔse Ɛlekana kɛ, “Ɛdɛnkɛma ɛmaa ɛ nee ɛ ye ɛhye ɛbɔ ɛdane ɛva ɛzie ko ye mɔɔ wɔdu wɔzie ɛkɛ wɔmaa ye la agyakɛ anu.” Akee saa bɛwie a bɛsia bɛkɔ bɛ sua zo.