Dwɔhyua Buluku ne 22:5 - BAEBOLO ANZƐƐ BULUKU NWUANZANWUANZA

⁵ Bɛnlea boɛ na bɛli mɛla ne mɔɔ Mosisi ɛva ɛmaa bɛ la azo. Bɛhulo Ɛdɛnkɛma bɛ Nyamenle ne, bɛyɛ ye ɛhulolɛdeɛ, bɛli ye mɛla ne mɔ azo, bɛli nɔhalɛ bɛmaa ye, na bɛva bɛ ahonle nee bɛ ɛkɛla muala bɛzulo ye.”

Dwɔhyua Buluku ne 22:5 ပူးပေါင်းရင်းမြစ်များ

Edwɛndolɛ Buluku ne 106:3

Nyilalɛ ɛha bɛdabɛ mɔɔ bɛdi pɛlepɛle, na bɛbɔ tenlene ɛbɛla mekɛ biala la.

Edwɛndolɛ Buluku ne 78:7

amaa bɛanyia Nyamenle nu anyelazo, amaa bɛ rɛle anvi Nyamenle gyima ne mɔ, na bɛali ye mɛla ne mɔ azo;

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:26

Ɔzele bɛ kɛ, “Saa bɛtie medame Ɛdɛnkɛma, bɛ Nyamenle ne me ne, bɛyɛ debie mɔɔ sɔ me nye, bɛdi me mɛla nee me ngyehyɛlɛ ne mɔ azo a, ewule ngakyile mɔɔ memanle ɔrale Yigyibitima anwo zo la, menrɛmaa bie ɛnrɛra bɛ nwo zo; ɔluakɛ medame a mele Ɛdɛnkɛma mɔɔ metondo bɛ ewule a.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:6

na mekile me ɛhulolɛ kpundii ne memaa awolɛndoazo apenle apenle mɔɔ kulo me na bɛdi me mɛla zo la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:13

“Edwɛkɛ biala mɔɔ meha mehile bɛ la, bɛdie ye boɛ. Bɛmmabɔ nyamenle gyɛne biala duma, yɛɛ bɛmmamaa bie duma finde bɛ nloa.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:25

Bɛzonle me ngomekye, Ɛdɛnkɛma bɛ Nyamenle ne, na mebayila bɛ aleɛ nee bɛ nzule zo; eza mebaye anwondolɛ meavi bɛ avinli.

Mrɛlɛbulɛ Buluku ne 4:23

Nea kɛ ɛsi ɛdwenle la boɛ, ɔluakɛ nuhua yɛɛ wɔ ngoane vi ba a.

Ayezaya Buluku ne 55:2

Duzu ati a bɛsɛkye bɛ ezukoa wɔ mɔɔ ɛnle aleɛ la anwo, na bɛsɛkye bɛ anwosesebɛ wɔ mɔɔ ɛmmaa ahunlundwolɛ la anwo ɛ? Bɛdie me kpalɛ, bɛli mɔɔ le kpalɛ la, na bɛmaa bɛ nye ɛlie aleɛ sosɔɔ nwo na bɛyɛ mbelane.

Gyɛlɛmaya Buluku ne 12:16

Na ɔbara kɛ, saa bɛbafa me menli ne agyakɛ bɛbɔ me duma bɛdi amonle kɛ, ‘Kɛmɔ Ɛdɛnkɛma de aze la.’ kɛmɔ bɛmanle Yizilayɛma vale bɛ bozonle Beeyale ne hanle ndane la a, bɛ nee me menli ne badɛnla na bɛakpazi.

Edwɛkpa ne kɛmɔ Mateyu hɛlɛle la 22:37

Gyisɛse buale ye kɛ, “Fa wɔ ahonle muala, wɔ ɛkɛla muala, nee wɔ adwenle muala kulo Awulae wɔ Nyamenle ne.

Edwɛkpa ne kɛmɔ Mateyu hɛlɛle la 4:10

Gyisɛse buale kɛ, “Seetan, dwazo ɛkɛ ne kɔ! Ɔluakɛ bɛhɛlɛ kɛ, ‘Yeyɛ Awulae wɔ Nyamenle ne na sonle ɔdaye ɔ ngome ala!’ ”

Edwɛkpa ne kɛmɔ Mateyu hɛlɛle la 6:24

“Awie biala ɛnrɛhola ɛnrɛzonle menlenlɛ nwiɔ, ɔluakɛ saa ɔyɛ ye zɔhane a ɔbahulo ko na yeakpɔ ko, anzɛɛ ɔbali ko eni na yeakpo ko. Zɔhane ala yɛɛ bɛnrɛhola Nyamenle nee ezukoa sonle a.

Dw 12:26

Awie mɔɔ kpondɛ kɛ ɔsonle me la ɔwɔ kɛ toa me bo zo, amaa ɛleka mɔɔ mewɔ la, me sonvolɛ ne ɔdaye yeara ɛkɛ ne, yɛɛ Egya bawula mɔɔ sonle me la anyunlunyia.

Dw 14:15

“Saa bɛkulo me a, bɛbali me mɛla ne mɔ azo.

Ɛzoanvolɛma Gyima ne 11:23

Mɔɔ ɔhɔdwule na ɔnwunle kɛ Nyamenle ɛzi ɛlo menli ne la, ɔlile fɛlɛko na ɔzile bɛ kɛnra kɛ bɛva bɛ ahonle muala bɛzɔ diedi ne anu kpalɛ na bɛli nɔhalɛ bɛmaa Awulae.

Ɛzoanvolɛma Gyima ne 27:23

Nɔe, Nyamenle ne mɔɔ mele ye ɛdeɛ na mesonle ye la soanvolɛ rale me nwo ɛke,

Wulo 1:9

Nyamenle ne mɔɔ medua ɔ Ra ne anwo Edwɛkɛ Kpalɛ ne nolobɔlɛ zo mefa me ahonle muala mesonle ye la di me daselɛ kɛ mɔɔ melɛka la le nɔhalɛ. Nyamenle ze kɛ dahuu mekakye bɛ

Wulo 12:9

Bɛmaa bɛ ɛhulolɛ ɛyɛ nɔhalɛ ɛhulolɛ; bɛhyi mɔɔ le ɛtane la na bɛzɔ mɔɔ le kpalɛ la anu.

Wulo 8:28

Yɛze kɛ wɔ debie biala anu, Nyamenle maa debie biala yɛ kpalɛ maa bɛdabɛ mɔɔ bɛkulo ye la, meka bɛdabɛ mɔɔ yevɛlɛ bɛ, kɛmɔ ye ngyehyɛlɛ ne de la.

Mɛla 10:20

Bɛzulo Ɛdɛnkɛma bɛ Nyamenle ne, bɛzonle ye na bɛva bɛ nwo bɛmaa ye, na bɛva ye duma ne ala bɛha ndane.

Mɛla 11:1

“Zɔhane ati bɛhulo Ɛdɛnkɛma bɛ Nyamenle ne na bɛli ye mɛla nee ye ngyehyɛlɛ ne mɔ azo dahuu.

Mɛla 11:13

“Saa bɛdi mɛla mɔɔ melɛfa meamaa bɛ la azo, bɛkulo Ɛdɛnkɛma bɛ Nyamenle ne, bɛfa bɛ ahonle muala nee bɛ ɛkɛla muala bɛsonle ye a,

Mɛla 11:22

“Ɔluakɛ saa bɛnea boɛ, bɛdi mɛla ɛhye mɔ mɔɔ melɛfa meamaa bɛ la azo, bɛkulo Ɛdɛnkɛma bɛ Nyamenle ne, bɛdua ye adenle ne anu, na bɛfa bɛ nwo bɛmaa ye bɔkɔɔ a,

Mɛla 13:4

Bɛdoa Ɛdɛnkɛma bɛ Nyamenle ne abo zo na bɛzulo ye, bɛli ye mɛla ne mɔ azo, bɛdie ɔ ne, bɛzonle ye na bɛva bɛ nwo amuala bɛmaa ye.

Mɛla 4:29

Na ɛkɛ ne yɛɛ akee bɛbakpondɛ Ɛdɛnkɛma bɛ Nyamenle ne a. Na saa bɛfa bɛ ahonle kpokpoti nee bɛ ɛkɛla kpokpoti bɛkpondɛ ye ɛdeɛ a, yemɔ bɛbanwu ye.

Mɛla 4:4

Bɛdabɛ noko mɔɔ bɛhɔle zo bɛzonlenle Ɛdɛnkɛma bɛ Nyamenle ne nɔhalɛ nu la tɛte aze kɛkala.

Mɛla 4:6

Bɛva bɛzie na bɛli zolɛ, ɔluakɛ yemɔ yɛɛ ɔbahile bɛ nrɛlɛbɛ nee ndelebɛbo mɔɔ bɛlɛ ye wɔ menli ne anyunlu a. Ɔboalekɛ saa bɛte mɛla ɛhye mɔ amuala a, bɛbaha kɛ, ‘Amgba, maanle kpole ɛhye anu amra ze nrɛlɛbɛ, bɛlɛ ndelebɛbo.’

Mɛla 4:9

Bɛnlea boɛ na bɛzie bɛ adwenle koonwu, amaa bɛ rɛle anvi ninyɛne mɔɔ bɛdabɛ bɛnwu ye bɛ nye zo la. Bɛmmamaa bɛ rɛle fi ye ɛlɛ wɔ mekɛ mɔɔ bɛde ngoane nu la. Bɛhilehile bɛ mra nee bɛ nlɔnra

Mɛla 5:10

na mekile me ɛhulolɛ kpundii ne wɔ apenle apenle mɔɔ kulo me na bɛdi me mɛla ne mɔ azo la anwo zo.

Mɛla 6:17

Bɛli Ɛdɛnkɛma bɛ Nyamenle ne mɛla ne nee ye ngyehyɛlɛ ne mɔ mɔɔ yeva yemaa bɛ la azo kpalɛ kpalɛ.

Kɛlata mɔɔ bɛhɛlɛle bɛhɔmanle Hibuluma la 12:15

Bɛnlea boɛ na bɛ bie ande anvi Nyamenle ɛlolɛ ne anwo. Bɛnlea boɛ na bɛ bie angakyi ɔ nwo “baka gyangoyi” ambɛkɛbɛka mbaka gyɛne nwo anguhu ɔ gɔnwo mɔ.

Gyemise Kɛlata ne 1:12

Nyilalɛ ɛha sonla ne mɔɔ kɛgyinla kpundii wɔ sɔnea nu la, ɔboalekɛ saa ɔko ɔtɔ zolɛ a ye ahatualɛ a le ngoane ne mɔɔ Nyamenle ɛva ɛbɔ menli mɔɔ kulo ye la ɛwɔkɛ la.

Gyemise Kɛlata ne 2:5

Me mediema kulovolɛma, bɛdie! Bɛdabɛ mɔɔ bɛle ehyianvolɛma wɔ aleɛabo la, bɛmɛ a Nyamenle ɛkpa nu ɛye bɛ, ɛyɛ bɛ diedi nu sukoavolɛma na bɛnyia Nyamenle belemgbunlililɛ ne, mɔɔ yeva yebɔ ɛwɔkɛ yemaa bɛdabɛ mɔɔ bɛkulo ye la a.

Dwɔhyua Buluku ne 23:8

Bɛli nɔhalɛ bɛmaa Ɛdɛnkɛma, kɛmɔ bɛyɛ toonwo yeradwu ɛnɛ la.

Yekile 15:3

Ɛnee bɛlɛto Nyamenle sonvolɛ Mosisi nee Boaneralɛ ne anwo edwɛne. Bɛse, “Awulae Nyamenle Bedevinli, wɔ nyɛleɛ yɛ ɛzulolɛ, ɔyɛ nwanwane! Damɛnlangoate Belemgbunli, wɔ ndenle le fɔɔnwo nee nɔhalɛ.

1 Sam 12:20

Na Samoɛle zele menli ne kɛ, “Bɛmmasulo; bɛbɔ munzule bɔbɔ ɛdeɛ, noko bɛmmakpo kɛ bɛnrɛdoa Ɛdɛnkɛma abo zo. Bɛva bɛ ahonle kɔsɔɔti bɛzonle ye.

1 Sam 12:24

Bɛyɛ tieyɛ bɛmaa Ɛdɛnkɛma na bɛva bɛ ahonle muala bɛzonle ye nɔhalɛ nu. Bɛhakye ninyɛne mgbole mɔɔ yeyɛ yemaa bɛ la.

1 Sam 7:3

Samoɛle zele Yizilayɛma kɛ, “Saa bɛfa bɛ ahonle kɔsɔɔti bɛazia bɛara Ɛdɛnkɛma ɛkɛ ne a ɛnee bɛkpo bɛ maanle gyɛne nu nyamenle ne mɔ kɔsɔɔti nee bɛ bozonle raalɛ Asetate ananze ne ɛzonlenlɛ. Bɛdu bɛ nwo kɔsɔɔti bɛmaa Ɛdɛnkɛma na bɛzonle ɔ ngomekye na ɔkɛlie bɛ ɔkɛvi Filisitiama asa anu.”