Dwɔhyua Buluku ne 22:29 - BAEBOLO ANZƐƐ BULUKU NWUANZANWUANZA

²⁹ Nɔhalɛ, yɛnrɛhola yɛnrɛzi azukponle kɛ yɛfa yɛayela ninyɛne wɔ zolɛ yɛabɔ azu anzɛɛ yɛabɔ aleɛnyianlɛ anzɛɛ agɔnwolɛyɛlɛ azu na yɛakpo Ɛdɛnkɛma anzɛɛ yɛagyakyi ye ɛdoalɛ. Yɛnrɛzi azukponle gyɛne biala yɛnrɛmaa Ɛdɛnkɛma yɛ Nyamenle ne, kyesɛ mɔɔ gyi Ɛzonlenlɛ Ndanlɛ Sua ne anyunlu la ala.”

Dwɔhyua Buluku ne 22:29 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 44:17

Dwosefi zele kɛ, “Ɔkɛbɔ me tɔ kɛ menwɔyɛ debie zɛhae a. Ahenle ne mɔɔ vale me kɔpo ne la, yemɔ ala a bayɛ me kanranli a. Bɛdabɛ mɔɔ bɛha la, bɛzia bɛhɔ bɛ ze anwo lɔ anzonudwolɛ nu.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 44:7

Na bɛzele ye kɛ, “Duzu ati a yɛmenle kɛraha edwɛkɛ zɛhae kɛhile yɛ ɛ? Ɔkɛbɔ yɛ tɔ kɛ wɔ sonvolɛma, yɛkɛbɔ ɛbɛla mɔɔ le zɛhae a.

1 Arl 21:3

Neebɔto buale Ehabe kɛ, “Menlile me mgbanyinli agya a menvale ɛya ne a; ɔle me mgbanyinli debie, yemɔti saa meminli ɔ bo zo a ɔnrɛyɛ boɛ. Nyamenle ɛkpa ɛhye ɛgua!”

2 Arl 18:22

Aselea safohyenle ne eza zɔle zo kɛ, “Anzɛɛ bɛka bɛahile me kɛ bɛ rɛle wɔ Ɛdɛnkɛma bɛ Nyamenle ne anu ɔ? Tɛ Ɛdɛnkɛma azua ne yɛɛ ye azukponle ne mɔ a Hɛzikaya ɛmaa bɛbubu bɛ na yeze Dwudama amuala nee bɛdabɛ mɔɔ bɛwɔ Gyɛlusalɛm ɛke la kɛ azukponle ne mɔɔ wɔ Gyɛlusalɛm ɛke la azo ala a ɔwɔ kɛ bɛbɔ azu na bɛsonle la ɔ?

2 Edk 32:12

Tɛ Hɛzikaya ɛhye ala a ɛbubu bɛ azukponle nee ɛleka ne mɔ mɔɔ bɛsonle la ɛgua, na yeze bɛdabɛ mɔɔ bɛwɔ Dwuda nee Gyɛlusalɛm amuala la kɛ azukponle kokye ala azo yɛɛ ɔwɔ kɛ bɛbɔ azu na bɛsonle la ɔ?

Wulo 3:6

Ɔnle nɔhalɛ! Saa Nyamenle ɛnli pɛlepɛle a, ɛnee kɛ ɔkɛzi ɔkɛbua ewiade ndɛne ɛ?

Wulo 6:2

Kyɛkyɛ! Saa ɛtane maa yɛwu a, ɛnee kɛ yɛsi yɛtɛnla ɛtane nu bieko ɛ?

Wulo 9:14

Ɛnee kɛ yɛka yɛse ɛ? Yɛha ye kɛ ɛhye ati, ɛnee Nyamenle le amile ɔ? Kyɛkyɛ, ɔnle zɔhane fee.

Mɛla 12:11

yɛɛ bɛbahɔ ɛleka mɔɔ ɔdaye Ɛdɛnkɛma bɛ Nyamenle ne kɛhile kɛ bɛva ye duma bɛvɛlɛ ye la, na bɛahɔzonle a. Ɛkɛ ne yɛɛ bɛbava mɔɔ meha mehile bɛ la amuala: bɛ ɛyelalɛ azubɔlɛ ninyɛne, bɛ azubɔlɛ ngakyile ne mɔ ninyɛne, bɛ ngyɛnu bulu ɛkpɔ ngoko ne mɔ, bɛ ahyɛlɛ ninyɛne nee bɛ ɛwɔkɛ mɔɔ bɛbɔ Ɛdɛnkɛma la ɛyelɛ kɔsɔɔti bɛahɔ a.

Dwɔhyua Buluku ne 22:23

Saa yɛdule Ɛdɛnkɛma anloa yɛdole yɛɛ yɛzi yɛdayɛ yɛ ti anwo azukponle mɔɔ yɛyela azubɔdeɛ wɔ zolɛ anzɛɛ yɛfa yɛabɔ aleɛ ɛnyianlɛ anzɛɛ agɔnwolɛyɛlɛ azu a, ɛnee Ɛdɛnkɛma ɔdaye ɔdua yɛ kakɛ.

Dwɔhyua Buluku ne 22:26

Yemɔti yɛanzi azukponle ne kɛ yɛyela nane anzɛɛ yɛbɔ azu wɔ zolɛ,

Dwɔhyua Buluku ne 22:28

Yɛ adwenle a le kɛ, saa ɔba ye zɔhane a, yɛ nwo amra ne kɛhola kɛha kɛ, ‘Bɛnlea! Yɛ nlenya mɔ zile azukponle mɔɔ le kɛ Ɛdɛnkɛma ɛdeɛ ne la. Bɛanzi ye kɛ bɛfa bɛayela ɛyelalɛ azubɔdeɛ anzɛɛ bɛfa bɛabɔ azu, na ɔle sɛkɛlɛneɛ ɔmaa yɛ menli ne nee bɛ menli ɛdeɛ ne.’

Dwɔhyua Buluku ne 22:30

Sɛlɛvolɛ Fenɛhaze nee mbusua mgbanyinli ne dele mɔɔ Wulubɛn, Gaade, yɛɛ Manasɛ Aduduleɛ amra hanle la, akee bɛ kunlu dwole.

Dwɔhyua Buluku ne 24:16

Yizilayɛma ne buale kɛ, “Yɛnrɛgyakyi Ɛdɛnkɛma yɛnrɛzonle awozonle fee!

1 Sam 12:23

Na mame, Ɛdɛnkɛma ɛkpa ɛgua kɛ menwɔyɛ ɛtane kɛ menrɛzɛlɛ menrɛmaa bɛ a. Mebahilehile bɛ nɔhalɛ adenle ne nee mɔɔ le kpalɛ kɛ ɔwɔ kɛ bɛyɛ la.