Dwɔhyua Buluku ne 22:27 - BAEBOLO ANZƐƐ BULUKU NWUANZANWUANZA

²⁷ na yɛyɛle, amaa yeayɛ sɛkɛlɛneɛ yeamaa yɛ menli ne nee bɛ menli ɛdeɛ ne, nee awolɛndoazo mɔɔ bara la kɛ, nɔhalɛ nu, yɛfa yɛ azubɔdeɛ yɛkɔ yɛmaa bɛyela bɛ na yɛbɔ azu, yɛɛ yɛfa yɛ mediemayɛlɛ azubɔdeɛ yɛkɔsonle Ɛdɛnkɛma wɔ ye Ndanlɛ Sua Nwuanzanwuanza ne anyunlu. Ɛhye ɛnrɛmaa bɛ bo zo amra ne ɛnrɛha kɛ yɛ nee Ɛdɛnkɛma ɛnlɛ ngitanwolilɛ.

Dwɔhyua Buluku ne 22:27 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 31:48

Leeban zele kɛ, “Ɛnɛ, awolɛ edukue ɛhye le daselɛ wɔ yɛ mu nwiɔ yɛ avinli.” Yemɔti bɛvɛlɛle awolɛ edukue ne Geelide,

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 31:52

Awolɛ edukue ne le daselɛ yɛɛ bolɛ sika ne le daselɛ, kɛ menrɛbɔ menrɛdɛla edukue ɛhye menrɛra ɛ nwo zo, yɛɛ ɛdawɔ noko ɛnrɛbɔ ɛnrɛdɛla edukue ne nee bolɛ sika ne ɛnrɛra me nwo zo kɛ ɛbayɛ me ɛtane.

Edwɛndolɛ Buluku ne 16:5

Ɛdɛnkɛma a le me afoa nu ɛdeɛ nee me debie biala a; wɔmɔ yɛɛ ɛlɛ me a.

Ayezaya Buluku ne 19:19

Mekɛ ne anu bɛbazi Ɛdɛnkɛma azukponle wɔ Yigyibiti azɛlɛ zo na bɛakpɔnla Ɛdɛnkɛma mpila wɔ maanle ne ɛweɛne zo.

Mɛla 12:11

yɛɛ bɛbahɔ ɛleka mɔɔ ɔdaye Ɛdɛnkɛma bɛ Nyamenle ne kɛhile kɛ bɛva ye duma bɛvɛlɛ ye la, na bɛahɔzonle a. Ɛkɛ ne yɛɛ bɛbava mɔɔ meha mehile bɛ la amuala: bɛ ɛyelalɛ azubɔlɛ ninyɛne, bɛ azubɔlɛ ngakyile ne mɔ ninyɛne, bɛ ngyɛnu bulu ɛkpɔ ngoko ne mɔ, bɛ ahyɛlɛ ninyɛne nee bɛ ɛwɔkɛ mɔɔ bɛbɔ Ɛdɛnkɛma la ɛyelɛ kɔsɔɔti bɛahɔ a.

Dwɔhyua Buluku ne 22:10

Mekɛ mɔɔ Wulubɛn, Gaade, yɛɛ Manasɛ Aduduleɛ amra dwule Gɛlaelo, mɔɔ ɛnee bɛtɛbɔ Dwɔdan adɔleɛ afoa nu la, bɛzile azukponle kpole kɛnlɛma ko wɔ azule ne anloa.

Dwɔhyua Buluku ne 22:26

Yemɔti yɛanzi azukponle ne kɛ yɛyela nane anzɛɛ yɛbɔ azu wɔ zolɛ,

Dwɔhyua Buluku ne 22:28

Yɛ adwenle a le kɛ, saa ɔba ye zɔhane a, yɛ nwo amra ne kɛhola kɛha kɛ, ‘Bɛnlea! Yɛ nlenya mɔ zile azukponle mɔɔ le kɛ Ɛdɛnkɛma ɛdeɛ ne la. Bɛanzi ye kɛ bɛfa bɛayela ɛyelalɛ azubɔdeɛ anzɛɛ bɛfa bɛabɔ azu, na ɔle sɛkɛlɛneɛ ɔmaa yɛ menli ne nee bɛ menli ɛdeɛ ne.’

Dwɔhyua Buluku ne 22:34

Wulubɛn nee Gaade amra zele kɛ, “Azukponle ɛhye le daselɛ maa yɛ muala kɛ Ɛdɛnkɛma ala a le Nyamenle a.” Yemɔti bɛvɛlɛle ye “Daselɛ.”

Dwɔhyua Buluku ne 24:27

na ɔzele Yizilayɛma amuala kɛ, “Bolɛ ɛhye bayɛ yɛ daselɛ. Yede edwɛkɛ mɔɔ Ɛdɛnkɛma ɛha ɛhile yɛ la amuala. Zɔhane ati ɔbayɛ daselɛ yeatia bɛ kɛ bɛkɛho bɛkɛtia bɛ Nyamenle ne a.”

1 Sam 7:12

Akee Samoɛle vale bolɛ kpɔnlanle Mezepa nee Hyɛn avinli na ɔvɛlɛle ye “Ɛbɛnizɛ” na ɔzele kɛ, “Ɛdɛnkɛma ɛboa yɛ toonwo a, yeradwu ɛnɛ a.”