Dwɔhyua Buluku ne 22:22 - BAEBOLO ANZƐƐ BULUKU NWUANZANWUANZA

²² “Tumivolɛ Kokye ne ala a le Nyamenle a! Yemɔ a ɔle Ɛdɛnkɛma a! Tumivolɛ Kokye ne ala a le Nyamenle a! Yemɔ a ɔle Ɛdɛnkɛma a! Ɔze deɛ mɔɔ yemɔti yɛyɛle ɛhye la, na yɛmaa bɛdabɛ noko bɛanwu ye! Saa yɛanli nɔhalɛ yɛammaa Ɛdɛnkɛma na yɛhakyi yɛ nzi yɛzi ye, yɛde ɔ nwo atua a, ɛnee bɛhu yɛ!

Dwɔhyua Buluku ne 22:22 ပူးပေါင်းရင်းမြစ်များ

1 Arl 8:39

tie bɛ nzɛlɛlɛ wɔ anwuma lɔ, ɛleka mɔɔ ɛde la, fa bɛ ɛtane ne mɔ kyɛ bɛ na boa bɛ. Ɛ ngomekye yɛɛ ɛze ahonle nu a, yɛ maa awie biala, kɛmɔ bɛ nzɛlɛlɛ ne mɔ se la,

Dwobu Buluku ne 10:7

Ɛze kɛ menli fɔlɛ, yɛɛ awie biala ɛngola ɛnlie me ɛnvi ɛ sa nu.

Dwobu Buluku ne 23:10

Noko yemɔ, ɔze adenle mɔɔ mefa zo la; saa ɔsɔ me ɔnea a, mebavi kɛ ezukoa nvutuke.

Dwobu Buluku ne 31:22

ɛnee maa me awane vi me bati ɛkpane, na maa me sa baka ne ɛdu ɛdɔ.

Edwɛndolɛ Buluku ne 136:2

O bɛyɛ nyamenle ne mɔ Nyamenle ne mo; ɔluakɛ ye ɛhulolɛ kpundii ne wɔ ɛkɛ dahuu.

Edwɛndolɛ Buluku ne 37:6

Ɔbamaa wɔ benlelilɛ ala ali wienyi, wɔ tenleneyɛlɛ ada kɛ ewiazo sɛnzɛne.

Edwɛndolɛ Buluku ne 40:9

Meha wɔ ngoanelielɛ nwo edwɛkɛ fɛlɛko ne, wɔ mekɛ mɔɔ wɔ menli ne amuala yiale la. Kɛmɔ ɛdawɔ ɛze la, O Ɛdɛnkɛma, metɛgyakyile wɔ nolobɔlɛ ne.

Edwɛndolɛ Buluku ne 44:21

asoo anrɛɛ Nyamenle ɛnrɛnwu ye ɔ? Ɔluakɛ ɔze ahonle muala anu.

Edwɛndolɛ Buluku ne 44:22

Kyɛkyɛ, wɔmɔ ti bɛku yɛ alehyenlɛ biala, na bɛbu yɛ kɛ mboane mɔɔ bɛ nee bɛ ɛlɛkɔ ahunleɛ.

Edwɛndolɛ Buluku ne 50:1

Ɛdɛnkɛma Nyamenle, Tumivolɛ Ko ne fɛlɛ na ɔtendɛ ɔkile ewiade amra, ɔvi sɛnzɛne aduduleɛ mɔɔ kɔdwu adɔleɛ.

Edwɛndolɛ Buluku ne 82:1

Nyamenle ɛdɛnla ye ebia nu wɔ ayia nwuanzanwuanza ne anu; saa awozonle ne mɔ yia nu a ɔbua bɛ ndɛne kɛ,

Edwɛndolɛ Buluku ne 95:3

Ɔluakɛ Ɛdɛnkɛma le Nyamenle kpole, yɛɛ ɔle Belemgbunli kpole ɔbo nyamenle muala anwo zo.

Edwɛndolɛ Buluku ne 97:7

Bɛdabɛ mɔɔ bɛsonle ananze la anyunlu ɛgua aze; bɛdabɛ mɔɔ bɛfa mmonle bɛtu bɛ nwo la anyunlu ɛgua aze; nyamenle kɔsɔɔti bɔ bɛ ti aze maa ye.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 18:11

Na kɛkala, menwu kɛ Ɛdɛnkɛma le kpole tɛla nyamenle biala, ɔboalekɛ ɔliele menli ne ɔvile Yigyibitima asa anu wɔ mekɛ mɔɔ ɛnee bɛlɛyɛ bɛ mgbane mgbane la.”

Gyɛlɛmaya Buluku ne 12:3

Na wɔmɔ, O Ɛdɛnkɛma, ɛze me; ɛnwu me, yɛɛ ɛsɔ adwenle mɔɔ melɛ ye ɛ nwo la ɛnea. Twili amumuyɛma ɛhye mɔ kɛ mboane mɔɔ bɛkahu bɛ la, fa bɛ sie kɔdwu kenle mɔɔ bɛku bɛ la.

Gyɛlɛmaya Buluku ne 17:10

Medame Ɛdɛnkɛma a meneɛnlea sonla adwenle nu na meneɛnlea ye ahonle nu a. Meboa awie biala, kɛmɔ ye ndenle ne mɔ de la, kɛmɔ ye nyɛleɛ ne si kɔ ye la.”

Daneɛle Buluku ne 11:36

“Selea belemgbunli ne bayɛ debie biala mɔɔ ɔdaye ɔkulo la; ɔbamemaa ɔ nwo zo yeayɛ ɔ nwo kpole yeadɛla nyamenle biala, na yeaheha azibɛnwo edwɛkɛ yeatia nyamenle ne mɔ Nyamenle ne. Ɔbayɛ ɛhye yeahɔdwu mekɛ mɔɔ Nyamenle kɛhwe ɔ nzo la, ɔluakɛ ɔwɔ kɛ mɔɔ Nyamenle ɛhyehyɛ ɛdo ɛkɛ la yɛ zɔhane.

Daneɛle Buluku ne 2:47

Belemgbunli ne hanle hilele Daneɛle kɛ, “Nɔhalɛ, wɔ Nyamenle ne le nyamenle kɔsɔɔti bɛ Nyamenle, yɛɛ ɔle arelemgbunli kɔsɔɔti bɛ Awulae. Ɔle Nyamenle mɔɔ sa fealera nu ninyɛne gua zolɛ a. Ɔboalekɛ wɔhola wɔla me fealera nu edwɛkɛ ɛhye ali.”

Maeka Buluku ne 7:9

Mekponle Ɛdɛnkɛma ndeanlɛ ne azo, ɔboalekɛ meyɛ ɛtane metia ye. Na nzinlii ɔbanwu me anwunvɔne na yeali me edwɛkɛ yeamaa me. Ɔbava me yeara wienyi nu; mebanwu ye ngoanelielɛ ne.

Malakae Buluku ne 3:18

Na akee bɛbanwu ngakyile mɔɔ wɔ sonla mɔɔ di pɛlepɛle nee mɔɔ yɛ amumuyɛ la avinli la, nee ngakyile mɔɔ wɔ sonla mɔɔ sonle Nyamenle nee mɔɔ ɛnzonle Nyamenle la avinli la.”

Dw 21:17

Fane nsa ne azo eza Gyisɛse bizale Pita kɛ, “Dwɔn ara Saemɔn, asoo ɛkulo me?” Nyane hanle Pita kɛ Gyisɛse ɛbiza ye fane nsa kɛ, “Asoo ɛkulo me?” a, na ɔbuale ye kɛ, “Awulae ɛze debie biala; ɛze kɛ mekulo wɔ.” Gyisɛse zele ye kɛ, “Nea me mboane ne mɔ boɛ.

Ɛzoanvolɛma Gyima ne 1:24

Bɛyɛle nzɛlɛlɛ bɛzele kɛ, “Awulae, wɔmɔ yɛɛ ɛze menli kɔsɔɔti ahonle nu a. Zɔhane ati Awulae, ɛdawɔ kilehile yɛ maa yɛye menli nwiɔ ye anu ko mɔɔ wɔvɛlɛ ye la,

Ɛzoanvolɛma Gyima ne 25:11

Saa medo mɛla bie mɔɔ maa mefɛta ewule a menzulo kɛ bɛkɛhu me. Na saa nɔhalɛ biala ɛnle bɛ ɛzonledonlɛ ne anu ɛdeɛ a, ɛnee noko ɔnle kɛ awie biala ye me maa bɛ. Zɔhane ati medo me edwɛkɛ ne memaa Maanle Maanle belemgbunli ne.”

2 Kɔl 11:11

Duzu ati a melɛka ɛhye a? Mengulo bɛ edwɛkɛ ɔ? Nyamenle ze kɛ mekulo bɛ.

2 Kɔl 11:31

Nyamenle mɔɔ le Awulae Gyisɛse ɔ Ze ne, yemɔ yɛɛ nyilalɛ ɛha ye duma ne dahuu a, ɔluakɛ ɔze kɛ membɔ adalɛ.

2 Kɔl 5:11

Kɛmɔ yɛze kɛ Nyamenlezulolɛ si de la ati, yɛbɔ mɔdenle kɛ yɛkɛmaa menli kɛzulo Nyamenle; na kɛ yɛmɛ yɛde la, Nyamenle ɔdaye ɔze, yɛɛ meze kɛ bɛdabɛ bɛze ye wɔ bɛ adwenle nu.

Mɛla 10:17

Ɔluakɛ Ɛdɛnkɛma bɛ Nyamenle ne le nyamenle kɔsɔɔti bɛ Nyamenle nee awulae mɔ Awulae; ɔle kpole, ɔle bedevinli na ɔle Nyamenle anwo ɛzulolɛ, mɔɔ ɔnli mɔguazo yɛɛ ɔnlie ndoloboa a.

1 Tem 6:16

Ɔdaye ala a ɔle damɛnlangoate na ɔde wienyi ne mɔɔ awie ɛngola ɛmbikye ye la anu a. Awie biala ɛtɛnwunle ye ɛlɛ, yɛɛ awie ɛnrɛhola ɛnrɛnwu ye ɛlɛ. Enililɛ nee belemgbunlililɛ mɔɔ ɛmbɔ aze ɛlɛ la le ye ɛdeɛ dahuu! Amen.

Kɛlata mɔɔ bɛhɛlɛle bɛhɔmanle Hibuluma la 4:13

Wɔ Nyamenle anyunlu, debie biala ɛnvea; debie biala mɔɔ wɔ aleɛabo la la ɔ nyunlu wienyi, na yemɔ yɛɛ yɛbabu yɛ mgbonda yɛahile ye a.

Dwɔhyua Buluku ne 22:21

Wulubɛn nee Gaade nee Manasɛ Aduduleɛ amra buale mbusua mgbanyinli mɔɔ vi adɔleɛ rale la kɛ,

Yekile 19:16

Wɔ ye tɛladeɛ ne anu nee ye ɛzɔlɛ nwo, bɛhɛlɛ duma ɛhye, “Arelemgbunli Belemgbunli yɛɛ awulae mɔ Awulae.”

Yekile 2:23

Eza menli mɔɔ li ɔ nzi la, mebahu bɛ muala na asɔnema ne amuala anwu kɛ medame a menwu sonla biala ati anu nee ye ahonle nu a. Me nee bɛ nuhua ko biala bali wɔ mɔɔ yeyɛ la anwo.

1 Sam 15:23

Atuadelɛ le kɛ mizemiza ɛtaneyɛlɛ, yɛɛ anzosesebɛ le ɛtane kɛ amumuyɛ ɛyɛlɛ nee awozonle ɛzonlenlɛ. Kɛmɔ wɔkpo Ɛdɛnkɛma edwɛkɛ ne la, ɔdaye noko yekpo wɔ kɛ ɛnle belemgbunli.”

1 Sam 2:3

Bɛmmaka mgbole ko; bɛmmatu bɛ nloa anu ko. Ɔluakɛ Ɛdɛnkɛma le Nyamenle mɔɔ ze debie biala a, ɔbu nyɛleɛ biala anwo mgbonda.