Dwɔhyua Buluku ne 22:20 - BAEBOLO ANZƐƐ BULUKU NWUANZANWUANZA

²⁰ Bɛhakye Zila ara Ekan. Yeanli mɛla ne mɔɔ fane ninyɛne mɔɔ ɔwɔ kɛ bɛsɛkye bɛ la azo la, ɔmanle Yizilayɛma amuala nyianle nwolɛ ndeanlɛ. Tɛ Ekan angome a wule wɔ ye ɛtane ne mɔɔ ɔyɛle la ati a.”

Dwɔhyua Buluku ne 22:20 ပူးပေါင်းရင်းမြစ်များ

2 Edk 24:18

Bɛgyakyile ɛzonlenlɛ wɔ Ɛdɛnkɛma, bɛ ze mɔ Nyamenle ne Ɛzonlenlɛ Sua ne anu, na bɛhɔzonlenle bɛ bozonle raalɛ Ahyela ne ananze ne mɔ, na bɛzɔle mmonle. Na Nyamenle ɛya ne rale Gyɛlusalɛm amra nee Dwudama amuala anwo zo.

Dwobu Buluku ne 35:8

Wɔ amumuyɛ ne mɔ ka sonla mɔɔ le kɛ ɛdawɔ la, yɛɛ wɔ tenleneyɛlɛ ka sonla ala.

Sɛlɛ 10:6

Na Mosisi zele Aalɔn nee ɔ mra mrenya Ɛlieza nee Yetamaa kɛ, “Bɛmmamaa bɛ ti enrinli kendɛhenda nwolɛ yɛɛ bɛmmasuosua bɛ adɛladeɛ nu bɛkile kɛ bɛlɛdi nyane, anrɛɛ bɛkɛwu, na bɛkɛmaa bɛkɛva menli mɔɔ ɛrayia ɛke la amuala anwo ɛya. Noko bɛ mediema Yizilayɛma amuala kola su bɛ wɔ senle ɛhye mɔɔ Ɛdɛnkɛma ɛva ɛyela bɛ la ati.

1 Kɔl 10:6

Ninyɛne ɛhye mɔ le kɔkɔbɔlɛ maa yɛ, na bɛbɔ yɛ kɔkɔ amaa yɛ ti akunlu amba ninyɛndane ɛyɛlɛ zo, kɛmɔ bɛ bie mɔ yɛle la,

Dwɔhyua Buluku ne 22:21

Wulubɛn nee Gaade nee Manasɛ Aduduleɛ amra buale mbusua mgbanyinli mɔɔ vi adɔleɛ rale la kɛ,

Dwɔhyua Buluku ne 7:1

Ɛdɛnkɛma mɛla ne mɔɔ ɔlile ɔmanle Yizilayɛma kɛ awie biala mmafa ɔ sa ka debie biala mɔɔ ɔwɔ kɛ bɛsɛkye ye wɔ Gyɛleko la, bɛanli zolɛ. Nrenya bie mɔɔ bɛfɛlɛ ye Ekan la donle mɛla ne. Ɛdɛnkɛma vale Yizilayɛma anwo ɛya kpole. (Ekan le Zila angabɛnzo. Ɔ ze a le Kaamae yɛɛ ɔ nlenya a le Zabedae. Ɔbɔ Dwuda abusua ekpunli ne bie.)

Dwɔhyua Buluku ne 7:18

Zabedae vale ye awuke nu amra ne rale ngoko ngoko, na ɔbɔle Ekan, mɔɔ ɔ ze a le Kaamae na ɔ nlenya a le Zabedae la. Kaamae le Zila alɔnra yɛɛ ɔvi Dwuda abusua ekpunli ne anu.

Dwɔhyua Buluku ne 7:24

Dwɔhyua nee Yizilayɛma zɔle Zila angabɛnzo Ekan nu, bɛvale dwɛtɛ fufule ne, tɛladeɛ ne, yɛɛ ezukoa nvutuke ne; akee bɛvale Ekan amra mrenya nee mraalɛ, ye nlankɛ, mboane, asoaso, yɛɛ ndanlɛ sua ne nee debie biala mɔɔ ɔlɛ la bɛhɔle Ngyegyelɛ Bɔnza ne anu.

Dwɔhyua Buluku ne 7:5

Eyaema voanle Yizilayɛma vile sua ne anuhɔlɛ kpole ne anloa na bɛvoanle bɛ toonwo bɛhɔdwule Hyɛbalem boka ne azo lɔ, bɛ sa hanle Yizilayɛma anu abulasa nee nsia bɛhunle bɛ wɔ boka ne ndololeɛ nu. Yizilayɛma anwo bubule bɛ na bɛzulole.

2 Pit 2:6

saa Nyamenle anvavi na ɔdeanle azuamgbole Sodɔm nee Gomɔla, ɔvale senle ɔzɛkyele bɛ, ɔhilele kɛ kenle bie bɛdabɛ mɔɔ bɛngulo Nyamenle la kɛzi kɛwie ye la,