Dwɔhyua Buluku ne 22:15 - BAEBOLO ANZƐƐ BULUKU NWUANZANWUANZA

¹⁵ Bɛrale Wulubɛn, Gaade, yɛɛ Manasɛ Aduduleɛ mbusua ekpunli ne mɔ ɛkɛ wɔ Geleade maanzinli nu.

Dwɔhyua Buluku ne 22:15 ပူးပေါင်းရင်းမြစ်များ

1 Edk 21:3

Dwowabe buale kɛ, “Yɛsɛlɛ kɛ Ɛdɛnkɛma ɛmaa ye menli ne ɛzo ɛyɛ mɔnwo fane ɛya ɛdɛla kɛmɔ ɛnɛ bɛde la. Nana, menli ne kɔsɔɔti le wɔ menli. Duzu ati yɛɛ ɛkulo kɛ ɛmaa bɛtia bɛ na yɛfa ndeanlɛ yɛba yɛ nwo zo ɛ?”

2 Edk 10:19

Yemɔti Yizilayɛma ɛyɛ Devidi abo zo amra ne anwo ɛlɔne toonwo a yeradwu ɛnɛ a.

2 Edk 25:27

Ɔvi mekɛ ne mɔɔ ɔhakyile ɔ nzi ɔzile Ɛdɛnkɛma la yɛɛ menli bɔle ɔ bo kɛ bɛbɔ ɔ nwo tokule wɔ Gyɛlusalɛm a, yemɔti ɔnriandile ɔhɔle Leekehye. Noko bɛzoanle menli wɔ Leekehye bɛmanle bɛhɔhunle ye wɔ ɛkɛ ne.

2 Edk 26:18

bɛhɔduale belemgbunli ne adenle na bɛzele ye kɛ, “Tɛ wɔmɔ, Ɛzaya, yɛɛ ɔwɔ kɛ ɛkpu ɛyɛlɛ ɛbɔ azu ɛmaa Ɛdɛnkɛma a. Sɛlɛvolɛma mɔɔ le Aalɔn nlɔnra ne mɔ mɔɔ bɛmɛ a bɛdu bɛ bɛmaa Ɛdɛnkɛma la yɛɛ ɔwɔ kɛ kpu ɛyɛlɛ ne wɔ ɛyɛlɛ azukponle ne azo a. Ɛvi ɛleka nwuanzanwuanza ye finde, ɔluakɛ wɔyɛ ɛtane, yemɔti mɔɔ ɛlɛyɛ la ɛnrɛzɔ Ɛdɛnkɛma Nyamenle ne anye.”

2 Edk 28:13

na bɛzele bɛ kɛ, “Bɛmmafa menli mɔɔ bɛhye bɛ nuokɛ la biala bɛba ɛke. Saa bɛyɛ ye zɔhane a ɛnee bɛlɛmaa yɛayɛ ɛtane kpole yɛatia Ɛdɛnkɛma yɛadɛla dɛba ɛdeɛ ne. Yɛdayɛ mumua ne yɛ ɛtane mɔɔ yɛzo la, yɛngola ye, yɛɛ Nyamenle ɛya mɔɔ ɛva wɔ Yizilayɛma anwo la le kpole.”

Ɛzela Buluku ne 9:15

O Ɛdɛnkɛma, Yizilayɛ Nyamenle, wɔmɔ ɛdi pɛlepɛle, noko wɔnwu yɛ anwunvɔne wɔva yɛ ɛtane ne mɔ wɔhyɛ yɛ wɔmaa yɛdayɛ ekyi mɔɔ yɛha la yɛtɛte ngoane nu. Yɛka yɛto gua kɛ yɛdi fɔlɛ na yɛnfɛta ɛ nyunlu.”

Ɛzela Buluku ne 9:2

Dwuuma bie mɔ ɛgya azɛlɛ ne azo amra bie mɔ amra mraalɛ na bɛmaa bɛ mra mrenya noko ɛgya bɛ mra mraalɛ, ɔlua zolɛ yemaa menli nwuanzanwuanza ɛhye mɔ nee azɛlɛ ne azo amra ɛli afonla. Nyɛleɛ ɛtane zɛhae, mbusua mgbanyinli ne mɔ nee mbɔlɔba ne mɔ bɔbɔ a yɛle ye kpalɛ a.

Edwɛndolɛ Buluku ne 78:8

amaa bɛanyɛ kɛ bɛ nlenya mɔ, bɛanyɛ awolɛndoazo atuadelɛma nee anzosesebɛ; awolɛndoazo mɔɔ ɛnnea ɛleka ko, mɔɔ ɛnli nɔhalɛ ɛmmaa Nyamenle la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:8

Adenle ne mɔɔ mengilele bɛ kɛ bɛlua nu la, bɛanlua nuhua; bɛgua ɛnlankɛ nyinli ananze na bɛzonle ye, bɛbɔ azu bɛmaa ye na bɛha kɛ, ‘O Yizilayɛ, yɛ nyamenle ne mɔɔ yele yɛ vile Yigyibiti azɛlɛ zo la, yemɔ ɛne!’

Ayezaya Buluku ne 63:10

Noko bɛdele ɔ nwo atua na bɛmanle ye Sunsum Nwuanzanwuanza ne lile nyane. Yemɔti ɔhakyile ɔ nwo ɔyɛle bɛ kpɔvolɛ na ɔdaye mumua ne ɔhonle ɔtiale bɛ.

Sɛlɛ 26:40

“Na saa bɛka bɛ amumuyɛ ne mɔ bɛto gua, bɛka bɛ ze mɔ amumuyɛ ne mɔ mɔɔ bɛ nye la nwo bɛyɛle bɛtiale me na bɛkpole me,

Sɛlɛ 5:19

Ɔle fɔlɛlilɛ azubɔdeɛ, ɔluakɛ ɔdi fɔlɛ wɔ Ɛdɛnkɛma anyunlu.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:43

Saa bɛ nee Amalɛkema nee Keenama yia konle nu a, bɛ bie fee ɛnrɛha, ɔluakɛ bɛhakyi bɛ nzi bɛzi Ɛdɛnkɛma, yemɔti Ɛdɛnkɛma nee bɛ ɛnrɛhɔ.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 32:15

Saa bɛandoa ɔ bo zo na bɛkakyi bɛ nzi bɛsi ye a, eza ɔbakpo bɛ wɔ fienemgbole ye anu, na ɛnee bɛbamaa menli ne amuala adɔ gyebilisanza.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 5:6

“Ka kile Yizilayɛma kɛ, saa nrenya anzɛɛ raalɛ anli nɔhalɛ ammaa Ɛdɛnkɛma na ɔyɛ ɛtane ɔtia awie a,

Edwɛkpa ne kɛmɔ Mateyu hɛlɛle la 18:17

Saa yeandie bɛ edwɛkɛ a, ka kile asɔnema amuala. Eza saa ɔnrɛdie asɔnema amuala noko edwɛkɛ a, ɛnee fa ye kɛ ɔnze Nyamenle anzɛɛ ɔle kɛ adwuledievolɛ la.

1 Kɔl 1:10

Mediema, melɛ yɛ Awulae Gyisɛse Kelaese duma ne mesɛlɛ bɛ kɛ bɛmaa bɛ muala bɛ nloa ɛzɛ bɛ nwo; bɛmmamaa mgbakyemgbakye biala bada bɛ avinli. Bɛhye bɛ nwo file wɔ adwenle nu nee bɛ kpɔkɛbɔlɛ nu.

1 Kɔl 5:4

Saa me sunsum ne nee bɛ di ayia a, bɛlua Awulae Gyisɛse tumi ne mɔɔ boka yɛ nwo la azo

Mɛla 30:17

“Na saa bɛyɛ anzosesebɛ na bɛandie ye, bɛtwe bɛ nwo bɛkɔbɔ bɛ ti aze bɛmaa awozonle, bɛsonle bɛ a,

Mɛla 7:4

Saa bɛyɛ ye zɔhane a bɛbahakyi bɛ mra mrenya ne mɔ, bɛnrɛli Ɛdɛnkɛma anzi bieko, na bɛbahɔzonle awozonle. Ɔba ye zɛhae a, Ɛdɛnkɛma bava bɛ nwo ɛya na yeazɛkye bɛ muala ndɛndɛ.

Kɛlata mɔɔ bɛhɛlɛle bɛhɔmanle Hibuluma la 12:25

Zɔhane ati, bɛnlea boɛ, na bɛamkpo kɛ bɛnrɛdie mɔɔ ɛlɛtendɛ la. Bɛdabɛ mɔɔ bɛkpole kɛ bɛnrɛdie mɔɔ hanle Nyamenle anloa edwɛkɛ ne hilele bɛ wɔ azɛlɛ ye azo la, anvi ɛsalɛ. Na saa akee yɛmɛ yɛkpo kɛ yɛnrɛdie mɔɔ tendɛ fi anwuma lɔ kile yɛ la a, kɛ ɔkɛyɛ na yɛavi ɛsalɛ ɛ?

Dwɔhyua Buluku ne 22:12

Mɔɔ Yizilayɛma ne dele ɛhye la, bɛ muala bɛyiale Hyaelo na bɛyɛle kɛ bɛ nee aduduleɛ mbusua ekpunli ekpunli ne mɔ kaho.

Dwɔhyua Buluku ne 22:14

Mgbanyinli bulu a nee Fenɛhaze hɔle a, abusua ekpunli ko biala anu sonla ko, yɛɛ yemɔ a ɔle abusua ne kpanyinli a.

Dwɔhyua Buluku ne 22:16

Bɛgyinlanle Ɛdɛnkɛma menli ne mɔ amuala agyakɛ anu bɛbizale bɛ kɛ, “Duzu munzule debie a bɛyɛ bɛtia Yizilayɛ Nyamenle ne la? Saa bɛzi azukponle ɛhye bɛmaa bɛ nwo a ɛnee bɛkpo Ɛdɛnkɛma! Bɛkpo kɛ bɛnrɛdoa ɔ bo zo bieko!

Dwɔhyua Buluku ne 22:18

Yemɔti ɛnɛ noko eza bɛkpo kɛ bɛnrɛdoa ye ɔ? Saa bɛkpo Ɛdɛnkɛma ɛnɛ a, ɛhyema ɔbava Yizilayɛnli biala anwo ɛya.

1 Sam 15:23

Atuadelɛ le kɛ mizemiza ɛtaneyɛlɛ, yɛɛ anzosesebɛ le ɛtane kɛ amumuyɛ ɛyɛlɛ nee awozonle ɛzonlenlɛ. Kɛmɔ wɔkpo Ɛdɛnkɛma edwɛkɛ ne la, ɔdaye noko yekpo wɔ kɛ ɛnle belemgbunli.”