Dwɔhyua Buluku ne 22:10 - BAEBOLO ANZƐƐ BULUKU NWUANZANWUANZA

¹⁰ Mekɛ mɔɔ Wulubɛn, Gaade, yɛɛ Manasɛ Aduduleɛ amra dwule Gɛlaelo, mɔɔ ɛnee bɛtɛbɔ Dwɔdan adɔleɛ afoa nu la, bɛzile azukponle kpole kɛnlɛma ko wɔ azule ne anloa.

Dwɔhyua Buluku ne 22:10 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 12:7

Akee Ɛdɛnkɛma yele ɔ nwo hilele Ebilam, na ɔzele ye kɛ, “Mebava azɛlɛ ɛhye meamaa ɛ bo zo amra.” Yemɔti Ebilam zile azukponle wɔ ɛkɛ ne manle Ɛdɛnkɛma, mɔɔ ɛye ɔ nwo ɛhile ye la.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 12:8

Akee ɔvi ɛkɛ ne ɔhɔle boka bie mɔɔ wɔ Bɛtɛle aduduleɛ la azo na ɔbɔle aseseɛ wɔ ɛkɛ ne. Ɛnee Bɛtɛle ɛha ye adɔleɛ yɛɛ Eyae wɔ ye aduduleɛ. Ɔzile azukponle wɔ ɛkɛ ne ɔmanle Ɛdɛnkɛma na ɔzonlenle ye.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 28:18

Yemɔti Gyekɔbo dwazole nwonlomɔ mangyee ne ala, ɔvale bolɛ ne mɔɔ ɔvale ɔzɔle ɔ ti la ɔkpɔnlanle ye sika na ɔguale nwole zolɛ.

Ayezaya Buluku ne 19:19

Mekɛ ne anu bɛbazi Ɛdɛnkɛma azukponle wɔ Yigyibiti azɛlɛ zo na bɛakpɔnla Ɛdɛnkɛma mpila wɔ maanle ne ɛweɛne zo.

Dwɔhyua Buluku ne 22:11

Awie hɔhanle hilele Yizilayɛma mɔɔ hale la kɛ, “Bɛdie, Wulubɛnema, Gaadema, nee Manasɛ Aduduleɛ amra ɛzi azukponle bie wɔ Gɛlaelo, mɔɔ nee Keena anye bɔ zolɛ la wɔ Dwɔdan adɔleɛ nehae.”

Dwɔhyua Buluku ne 22:9

Yemɔti Wulubɛn, Gaade, yɛɛ Manasɛ Aduduleɛ mbusua ekpunli ne mɔ ziale hɔle bɛ maanle nu. Bɛgyakyile Yizilayɛma mɔɔ hale la wɔ Hyaelo, wɔ Keena azɛlɛ zo, na bɛbɔle ɔ bo kɛ bɛkɔ bɛdabɛ bɛ maanle nu wɔ Geleade. Azɛlɛ ɛhye a Ɛdɛnkɛma luale Mosisi anwo zo vale manle bɛ a.