Dwɔhyua Buluku ne 21:45 - BAEBOLO ANZƐƐ BULUKU NWUANZANWUANZA

⁴⁵ Ɛdɛnkɛma lile ɛwɔkɛ biala mɔɔ ɔbɔle Yizilayɛma la azo.

Dwɔhyua Buluku ne 21:45 ပူးပေါင်းရင်းမြစ်များ

1 Arl 8:15

ɔzele bɛ kɛ, “Bɛye Yizilayɛ Ɛdɛnkɛma Nyamenle ne ayɛlɛ. Yeli ye ɛwɔkɛ mɔɔ ɔbɔle Egya Devidi la azo. Ɔzele ye kɛ,

1 Arl 8:20

“Ɛdɛnkɛma ɛli ye ɛwɔkɛ ne mɔɔ ɔbɔle la azo. Ɔluakɛ meli Egya Devidi agya, meli ye ebia ne, melɛsie Yizilayɛ maanle ne, yɛɛ mezi Ɛzonlenlɛ Sua memaa Yizilayɛ Ɛdɛnkɛma Nyamenle ne.

1 Arl 8:24

Ɛbɔle Egya Devidi ɛwɔkɛ; na ɛnɛ wɔmaa edwɛkɛ biala mɔɔ ɛhanle la ɛyɛ nɔhalɛ.

1 Arl 8:56

“Bɛye Ɛdɛnkɛma ayɛlɛ kɛ yemaa ye menli ne anzo nu ɛdwo bɛ a. Mɔɔ ɔhanle la ɛyɛ zɔhane. Edwɛkɛ mɔɔ ɔluale ye akɛlɛ Mosisi anwo zo ɔhanle la ɛyɛ nɔhalɛ mɔɔ ko bɔbɔ anga nu a.

Nihɛmaya Buluku ne 9:8

Ɛnwunle kɛ ɔdi nɔhalɛ ɔmaa wɔ, na ɛ nee ye yɛle ngyekyeleɛ. Ɛbɔle ye ɛwɔkɛ kɛ ɛkɛva Keenama, Hɛtema, yɛɛ Amɔlema, Pɛlɛzema nee Gyibɛsema, yɛɛ Gɛgahyema azɛlɛ ne mɔ ɛkɛmaa ɔ bo zo amra. Ɛlile wɔ ɛwɔkɛ zo, ɔboalekɛ ɛdi nɔhalɛ.

Ayezaya Buluku ne 48:3

Ɛdɛnkɛma se, “Ɔvi tete, menganle mɔɔ kenle bie bazi la, ɔvi me nloa anu ɔvindele na memanle bɛdele ɔ bo, akee arɛlevilɛ nu menyɛle na memanle ɔyɛle nɔhalɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 23:19

Nyamenle ɛnle kɛ sonla na yeabɔ adalɛ, Ɔnle kɛ dasanli mɔɔ yɛ na yeavu ɔ nwo. Ye ɛwɔkɛ biala, ɔdi zo; Ɔka, na ɔyɛ zɔ.

1 Kɔl 1:9

Bɛkola bɛfa bɛ rɛle bɛwula Nyamenle ne mɔɔ vɛlɛle bɛ kɛ bɛ nee ɔ Ra Gyisɛse Kelaese, yɛ Awulae ɛradila agɔnwolɛ la anu.

1 Tɛs 5:24

Bɛkola bɛfa bɛ rɛle bɛwula Nyamenle ne mɔɔ fɛlɛ bɛ la anu, ɔluakɛ ɔkola ɔyɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:2

Yɛ nyamenlezonlenlɛ ne gyi anyelazo zo kɛ kenle bie yɛbanyia ngoane mɔɔ ɛnlɛ awieleɛ la. Nyamenle, mɔɔ ɔmbɔ adalɛ ɛlɛ la, vale ngoane ɛhye bɔle yɛ ɛwɔkɛ kolaa na yeabɔ ewiade.

Kɛlata mɔɔ bɛhɛlɛle bɛhɔmanle Hibuluma la 6:18

Ɛhye ati, ninyɛne nwiɔ ɛhye mɔ a wɔ ɛkɛ mɔɔ ɛngakyi na ɔkile kɛ Nyamenle ɛnrɛbɔ adalɛ ɛlɛ a, amaa yɛdayɛ mɔɔ yɛnriandi yɛahɔvea ye nu la yɛanyia akɛnrasesebɛ yɛazɔ anyelazo ɛhye mɔɔ bɛva bɛzie yɛ nyunlu la anu kpalɛ.

1 Sam 3:19

Samoɛle dule zolɛ; Ɛdɛnkɛma nee ye luale na ɔmanle edwɛkɛ biala mɔɔ Samoɛle hanle la yɛle nɔhalɛ.