Dwɔhyua Buluku ne 21:44 - BAEBOLO ANZƐƐ BULUKU NWUANZANWUANZA

⁴⁴ Ɛdɛnkɛma manle bɛ anzonudwolɛ wɔ bɛ azɛlɛ ne azo, kɛmɔ ɛwɔkɛ ne mɔɔ ɔbɔle bɛ nlenya mɔ la se la. Bɛ kpɔvolɛma ne anu ko bɔbɔ angola bɛ nyunlu gyinla, ɔboalekɛ Ɛdɛnkɛma manle bɛlile konim wɔ bɛ muala bɛ nwo zo.

Dwɔhyua Buluku ne 21:44 ပူးပေါင်းရင်းမြစ်များ

2 Edk 13:16

Yizilayɛ ɛlɔnema ne guale ɛbɔ nu, na Nyamenle yele bɛ manle Dwudama.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:31

Mebagya bɛ ɛweɛne ne meavi Akaba Ebolo ne anu meahɔ Azule Yufileti ne anloa, na meava ye fienemgbole ne anu toonwo meahɔgua ye Mɛdetɛlenia Nyevile ne anloa. Mebamaa bɛali menli ne anwo zo konim na bɛavoa bɛ bɛavi azɛlɛ ne azo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 33:14

Ɛdɛnkɛma zele kɛ, “Me nee wɔ bahɔ, yɛɛ mebamaa ɛ nzo nu adwo wɔ.”

Ayezaya Buluku ne 63:14

Ɛdɛnkɛma Sunsum ne manle bɛyɛle kɛ nlankɛ mɔɔ lua bɔnza nu la, na ɔmanle bɛliele bɛ ɛnwomenle. Yemɔti ɛdawɔ Ɛdɛnkɛma a ɛlile wɔ menli ne ati na ɛliele duma kpole ɛmanle ɛ nwo a.

Mɛla 2:36

Ɔvi Alowɛ mɔɔ wɔ Azule Anɔn ne bɔnza ne anloa, nee suakpole ne mɔɔ wɔ bɔnza ne avinli la azo toonwo mɔɔ kɔdwu Geleade la, suakpole biala ɛnle ɛkɛ ne mɔɔ holale yɛ nyunlu gyinla a. Ɛdɛnkɛma yɛ Nyamenle ne yele bɛ muala manle yɛ.

Mɛla 21:10

“Saa Ɛdɛnkɛma bɛ Nyamenle ne maa bɛdi konim wɔ konle nu na menli mɔɔ bɛkɛhye bɛ nuokɛ la,

Kɛlata mɔɔ bɛhɛlɛle bɛhɔmanle Hibuluma la 4:9

Ɛhye ati Ɛnwomenlelielɛ Kenle tɛbɔ ɛkɛ ne tɛmaa Nyamenle menli ne, kɛmɔ Nyamenle liele ye ɛnwomenle wɔ kenle ne mɔɔ tɔ zolɛ nsuu la azo la.

Dwɔhyua Buluku ne 1:13

“Bɛhakye edwɛkɛ mɔɔ Ɛdɛnkɛma sonvolɛ Mosisi hanle hilele bɛ la. Ɔse, ‘Ɛdɛnkɛma bɛ Nyamenle ne ɛmaa bɛ ɛleka mɔɔ bɛtɛnla bɛalie bɛ ɛnwomenle a, na yeva azɛlɛ ɛhye yemaa bɛ.’

Dwɔhyua Buluku ne 1:15

kɔkpula kɛ bɛkɛva Dwɔdan adɔleɛ azɛlɛ ne mɔɔ Ɛdɛnkɛma bɛ Nyamenle ne ɛva ɛmaa bɛ la, na akee bɛazia bɛaradɛnla bɛdabɛ bɛ azɛlɛ ne mɔɔ Ɛdɛnkɛma sonvolɛ Mosisi vale manle bɛ wɔ Dwɔdan aduduleɛ ɛke la azo.”

Dwɔhyua Buluku ne 1:5

Awie biala ɛnrɛhola ɛnrɛli ɛ nwo zo konim wɔ mekɛ mɔɔ ɛde aze la. Me nee wɔ balua, kɛmɔ me nee Mosisi luale la. Menrɛye ɛ rɛle menrɛdo ɛ sa nu yɛɛ menrɛkpo wɔ ɛlɛ.

Dwɔhyua Buluku ne 11:12

Dwɔhyua vale azuamgbole ne mɔ amuala, ɔhunle arelemgbunli ne mɔ, ɔhunle menli mɔɔ wɔ zolɛ la amuala, kɛmɔ Ɛdɛnkɛma sonvolɛ Mosisi zele la.

Dwɔhyua Buluku ne 11:23

Dwɔhyua vale azɛlɛ ne amuala, kɛmɔ Ɛdɛnkɛma zele Mosisi la. Dwɔhyua vale azɛlɛ ne manle Yizilayɛma kɛ bɛ ɛdeɛ ɔ na bɛdɛnla zolɛ. Ɔhyɛle nu ngyebangyeba ɔmanle Yizilayɛ mbusua ekpunli ekpunli ne mɔ. Akee Yizilayɛma liele bɛ ɛnwomenle na bɛgyakyile konle.

Dwɔhyua Buluku ne 11:8

Ɛdɛnkɛma manle Yizilayɛma lile konim. Yizilayɛma voanle bɛ toonwo bɛhɔdwule Mezelɛfo Meeyem nee Saedɛn, toonwo bɛhɔdwule Mezepa Bɔnza ne anu wɔ aduduleɛ nehane. Na bɛhonle toonwo Yizilayɛma wiele bɛ kpɔvolɛma ne amuala ku.

Dwɔhyua Buluku ne 2:24

na bɛzele Dwɔhyua kɛ, “Yɛdie yɛdi bɔkɔɔ kɛ Ɛdɛnkɛma ɛva maanle ne amuala ɛmaa yɛ; menli mɔɔ wɔ maanle ne anu la amuala ɛzulo yɛ.”

Dwɔhyua Buluku ne 22:4

Kɛkala, Ɛdɛnkɛma bɛ Nyamenle ne ɛmaa Yizilayɛma anzo nu ɛdwo bɛ, kɛmɔ ye ɛwɔkɛ ne se la. Yemɔti bɛhɔ sua nu, wɔ azɛlɛ ne mɔɔ bɛ sa ɛha ye la azo, wɔ Dwɔdan aduduleɛ lɔ. Ɛdɛnkɛma sonvolɛ Mosisi a vale manle bɛ a.

Dwɔhyua Buluku ne 22:9

Yemɔti Wulubɛn, Gaade, yɛɛ Manasɛ Aduduleɛ mbusua ekpunli ne mɔ ziale hɔle bɛ maanle nu. Bɛgyakyile Yizilayɛma mɔɔ hale la wɔ Hyaelo, wɔ Keena azɛlɛ zo, na bɛbɔle ɔ bo kɛ bɛkɔ bɛdabɛ bɛ maanle nu wɔ Geleade. Azɛlɛ ɛhye a Ɛdɛnkɛma luale Mosisi anwo zo vale manle bɛ a.

Dwɔhyua Buluku ne 23:1

Mekɛ ne hɔle bie la, Ɛdɛnkɛma bɔle Yizilayɛma anwo bane wɔ bɛ kpɔvolɛma mɔɔ ɛbɔ ɛyia bɛ la asa anu. Mekɛ ne anu ɛnee Dwɔhyua ɛyɛ kpanyinli,