Dwɔhyua Buluku ne 20:9 - BAEBOLO ANZƐƐ BULUKU NWUANZANWUANZA

⁹ Azuamgbole ɛhye mɔ a bɛvale bɛyɛle ɛvealeka ne mɔ bɛmanle Yizilayɛma amuala nee nyɛvolɛ mɔɔ bɛ nee bɛ de la a. Awie biala mɔɔ ɔ nye ɛnla nwolɛ na ɔkɛhu sonla la kola kɔ ɛkɛ ɔmaa bɛbɔ ɔ nwo bane wɔ ahenle mɔɔ kpondɛ kɛ ɔku ye bie ɔtua la asa anu. Bɛngola bɛngu ye, kyesɛ bɛli ye edwɛkɛ bagua nu na yeli fɔlɛ.

Dwɔhyua Buluku ne 20:9 ပူးပေါင်းရင်းမြစ်များ

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 35:13

Ɛvealeka azuamgbole ne mɔ ɔwɔ kɛ yɛ nsia ala.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 35:15

Ɛhye mɔ bayɛ ɛvealeka amaa Yizilayɛma nee nyɛvolɛ mɔɔ de maanle ne anu kpɔkpɔ anzɛɛ nyɛvolɛ mɔɔ ɛlɛpɛ nu aze la. Awie biala mɔɔ anye ɛnla nwo na ɔkɛhu sonla la kola nriandi kɔfea biala azo.

Dwɔhyua Buluku ne 20:4

Ɔkola ɔnriandi ɔkɔ azuamgbole ne mɔ bie azo ndɛnebualɛ ɛleka ne mɔɔ wɔ sua ne anuhɔlɛ kpole ne anloa la, na ɔkile edwɛkɛ mɔɔ ɛzi la anu ɔkile mgbanyima ne. Akee bɛbamaa ye ɛleka wɔ sua ne azo, amaa yeadɛnla ɛkɛ.

Dwɔhyua Buluku ne 20:6

Ɔbadɛnla sua ne azo toonwo kɔkpula kɛ bɛkɛli ye edwɛkɛ bagua nu, na mekɛ ne anu sonla ne mɔɔ le sɛlɛvolɛ kpanyinli la kɛwu la. Ɛnee akee ɔkola ɔsia ɔkɔ ye sua zo, ɛleka mɔɔ ɔde mɔɔ ɔnriandile ɔrale la.”

Dwɔhyua Buluku ne 20:8

Wɔ Dwɔdan Aduduleɛ noko, bɛvale Bizɛ mɔɔ wɔ Wulubɛn azɛlɛ zo wɔ ɛsɛlɛ ne mɔɔ wɔ Gyɛleko aduduleɛ la, Releemɔto mɔɔ wɔ Geleade mɔɔ wɔ Gaade azɛlɛ zo la, yɛɛ Golan mɔɔ wɔ Beehyan mɔɔ wɔ Manasɛ azɛlɛ zo la.