Dwɔhyua Buluku ne 2:4 - BAEBOLO ANZƐƐ BULUKU NWUANZANWUANZA

^4-6 Releehabe buale bɛ kɛ, “Ɔle nɔhalɛ kɛ menli bie rale me sua nu ɛke, noko menze ɛleka mɔɔ bɛvi la. Bɛziale na sɛnzɛne ne adɔ, kolaa na bɛado suakpole ne anlenkɛ kpole ne anu. Meambiza bɛ ɛleka mɔɔ bɛkɔ la; bɛhɔle la ɛtɛkyɛle. Saa bɛkpo bɛ a, bɛbahɔdo bɛ adenle nu.” (Mekɛ ne anu ɛnee Releehabe ɛva menli nwiɔ ne ɛhɔvea ye sua ne ati zo anwuma na yevula bolɔfodɔ nzoleɛ yegua bɛ nwo zo.)

Dwɔhyua Buluku ne 2:4 ပူးပေါင်းရင်းမြစ်များ

2 Arl 6:19

Yilaehya hɔle bɛ nwo ɛkɛ na ɔzele bɛ kɛ, “Ayi mɔ, bɛminli. Tɛ adenle ne ɛne yɛɛ tɛ suakpole ne mɔɔ bɛkɔ zo la ɛne. Bɛdoa me na me nee bɛ ɛhɔ ahenle mɔɔ bɛkpondɛ ye la ɛkɛ ne.” Na ɔlile bɛ nyunlu ɔ nee bɛ hɔle Samɛlea.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 1:19

Awolɛdievolɛma ne mɔ hanle hilele belemgbunli ne kɛ, “Ɔboalekɛ Hibulu mraalɛ ɛnle kɛ Yigyibiti mraalɛ la; bɛkola bɛ nwo sɔ; toonwo mɔ awolɛdievolɛma ne kadwu ɛkɛ la ɛnee bɛwo dɛbadɛba.”

Gyemise Kɛlata ne 2:25

Kɛ tuutuunli Releehabe ɔdaye ɔyɛle ala la ɛne. Ɔliele Dwuu soanvolɛma ne mɔɔ rale banleɛnlea maanle ne anu ahɔ la azie na ɔboale bɛ ɔmanle bɛluale adenle fofolɛ nu bɛhɔle. Ye gyima ɛhye manle ɔzɔle Nyamenle anye.

Dwɔhyua Buluku ne 2:3

Yemɔti belemgbunli ne zoanle manle bɛhɔzele Releehabe kɛ, “Menli mɔɔ ɛra wɔ sua nu ɛkɛ ne la ɛra kɛ bɛbali yɛ nwo busia bɛanleɛnlea kɛ yɛ maanle ye anu si de la. Yemɔti fa bɛ bɛla ɛke!”

Dwɔhyua Buluku ne 6:17

Bɛzɛkye suakpole ne nee debie biala mɔɔ wɔ zolɛ la bɔkɔɔ bɛva bɛbɔ azu bɛmaa Ɛdɛnkɛma. Tuutuunli Releehabe nee bɛdabɛ mɔɔ bɛwɔ ye sua nu ɛkɛ ne la ala a bɛgyakyi bɛ a, ɔboalekɛ ɔvale yɛ menli ne mɔɔ yɛzoanle bɛ la ɔveale.

Dwɔhyua Buluku ne 6:25

Noko Dwɔhyua liele tuutuunli Releehabe nee ye mbusua ne mɔ ngoane, ɔboalekɛ ɔvale Yizilayɛma nwiɔ ne mɔɔ bɛzoanle bɛ Gyɛleko la ɔveale. (Ɛnɛ nee ɛnɛ ala Releehabe abo zo amra tɛbɔ Yizilayɛ azɛlɛ zo.)