Dwɔhyua Buluku ne 2:24 - BAEBOLO ANZƐƐ BULUKU NWUANZANWUANZA

²⁴ na bɛzele Dwɔhyua kɛ, “Yɛdie yɛdi bɔkɔɔ kɛ Ɛdɛnkɛma ɛva maanle ne amuala ɛmaa yɛ; menli mɔɔ wɔ maanle ne anu la amuala ɛzulo yɛ.”

Dwɔhyua Buluku ne 2:24 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:15

Akee Yidɔm arelemgbunli ahonle ɛdu; Mowabe katakyiema anwo ɛlɛwozo bɛ; Keena maanlema amuala ɛnwenwe.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:31

Mebagya bɛ ɛweɛne ne meavi Akaba Ebolo ne anu meahɔ Azule Yufileti ne anloa, na meava ye fienemgbole ne anu toonwo meahɔgua ye Mɛdetɛlenia Nyevile ne anloa. Mebamaa bɛali menli ne anwo zo konim na bɛavoa bɛ bɛavi azɛlɛ ne azo.

Mrɛlɛbulɛ Buluku ne 25:13

Soanvolɛ mɔɔ di nɔhalɛ la le kɛ ɛbuhenle nu nzule yɔlɔkɔkɔ; ɔnua ɔ menle ne mɔɔ soa ye la ahonle.

Dwɔhyua Buluku ne 1:8

Maa ɔyɛ wɔ gyima kɛ ɛkɛgenga Mɛla buluku ne dahuu wɔ bɛ ɛzonlenlɛ mekɛ biala anu. Dwenledwenle Mɛla ne anwo nɔɔzo nee ewiazo, na di mɔɔ bɛhɛlɛ ye nuhua la amuala azo. Ɛhye bamaa wɔ ɛbɛlabɔlɛ ne adenrɛ.

Dwɔhyua Buluku ne 2:23

Menli nwiɔ ne akee vi awoka ne mɔ azo ziale rapɛle Azule Dwɔdan ne na bɛziale bɛhɔle Nɛn ara Dwɔhyua anwo lɔ. Bɛhanle mɔɔ zile la amuala bɛhilele ye,

Dwɔhyua Buluku ne 5:1

Mɔɔ Amɔle arelemgbunli mɔɔ wɔ Dwɔdan adɔleɛ nee Keena arelemgbunli mɔɔ wɔ Mɛdetɛlenia Nyevile ne anloa lɔ la dele kɛ Ɛdɛnkɛma ɛmaa Azule Dwɔdan ne ɛsesa na yeye azɛlɛ resee yemaa Yizilayɛma ɛpɛ la, bɛ ahonle dule. Yizilayɛma ati, bɛ nwo mɔra dule bɔkɔɔ.

Dwɔhyua Buluku ne 6:2

Ɛdɛnkɛma zele Dwɔhyua kɛ, “Nea, meye Gyɛleko memaa wɔ. Sua ne azo belemgbunli ne nee ye ɛlɔnema mɔɔ anwo yɛ se la amuala wɔ ɛ bo.

Dwɔhyua Buluku ne 8:1

Ɛdɛnkɛma zele Dwɔhyua kɛ, “Fa wɔ ɛlɔnema ne kɔ Eyae. Mmasulo yɛɛ mmamaa wɔ ahonle tu. Mebamaa wɔali Eyae belemgbunli ne anwo zo konim; ye menli, ye suakpole ne, nee ye azɛlɛ ne amuala bayɛ wɔ ɛdeɛ.

Maanlebuvolɛma Buluku ne 1:2

Ɛdɛnkɛma buale kɛ, “Dwuda yɛɛ balumua a; bɛnlea, meye maanle ne memaa ye.”

Maanlebuvolɛma Buluku ne 18:10

Saa bɛkɔ a, bɛbanwu kɛ menli ne le menli mɔɔ ɛndwenle awie mɔ anwo a. Azɛlɛ ne tɛlɛ. Ɔle azɛlɛ mɔɔ debie biala anwo ɛngyia zolɛ a. Nyamenle yɛɛ ɛye ɛmaa yɛ a.”

Maanlebuvolɛma Buluku ne 7:9

Kenle ko ne nɔe ne Ɛdɛnkɛma zele Gedɛyɔn kɛ, “Dwazo na ɛ nee wɔ ɛlɔnema ɛhɔ Medeanema anwo zo. Wɔli konim wɔwie.