Dwɔhyua Buluku ne 2:12 - BAEBOLO ANZƐƐ BULUKU NWUANZANWUANZA

¹² Zɔhane ati bɛha Ɛdɛnkɛma kɛ boɛ mɔɔ meyɛ memaa bɛ la, bɛkɛmaa me nee egya sua nu amra yɛ nwo kɛdɔ yɛ, na bɛhile me sɛkɛlɛneɛ mɔɔ bamaa mealie bɛ meali la.

Dwɔhyua Buluku ne 2:12 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 21:23

Zɔhane ati fa Nyamenle ka ndane kile me kɛ, ɛnrɛbɛlɛbɛla me, anzɛɛ me mra, anzɛɛ me bo zo amra mɔɔ bara la amuala, na kɛmɔ meli nɔhalɛ memaa wɔ la, zɔhane ala yɛɛ ɛbayɛ wɔamaa me nee azɛlɛ ye mɔɔ wɔra zolɛ la azo amra a.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 24:3

Mekulo kɛ ɛfa Ɛdɛnkɛma, Nyamenle ne mɔɔ bɔle anwuma nee aze la ɛka ndane kɛ, ɛnrɛgya Keenama mɔɔ mede bɛ avinli la amra mraalɛ ne mɔ bie ɛnrɛmaa me ra nrenya ne,

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 24:9

Yemɔti sonvolɛ ne vale ɔ sa vulale ɔ menle Ebileham ɛzɔlɛ nu na ɔhanle ndane ɔhilele Ebileham wɔ edwɛkɛ ɛhye anwo.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 40:14

Na saa ɔyɛ boɛ ɔmaa wɔ a, anrɛɛ kakye me na yɛ boɛ ɛhye maa me. Mebodo wɔ, bɔ me duma kile belemgbunli ne maa ɔye me ɔvi efiade ɛke.

2 Edk 36:13

Belemgbunli Zɛdikaya dele Belemgbunli Nɛbukadenɛza mɔɔ manle ɔvale Nyamenle ɔhanle ndane la anwo atua. Ɔyɛle anzosesebɛ na ɔzuanle anyetele kɛ ɔnrɛzonle Ɛdɛnkɛma, Yizilayɛ Nyamenle ne.

Ɛseta Buluku ne 8:6

Ɔluakɛ menrɛhola munzule kpole ɛhye mɔɔ bazi me menli ne mɔ anwo zo la anloa gyinla, yɛɛ menrɛhola me nwo sɔ kɛ megyinla meanlea, wɔ mekɛ mɔɔ bɛlɛku me menli ne amuala bɛabɔ bɛ bo zo la.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:13

Mogya ne bayɛ azua mɔɔ bɛwɔ nu la sɛkɛlɛneɛ, ɛleka biala mɔɔ menwɔnwu mogya la, mebapɛ nu, amaa saa melɛku Yigyibitima a meangu bɛ.

Gyɛlɛmaya Buluku ne 12:16

Na ɔbara kɛ, saa bɛbafa me menli ne agyakɛ bɛbɔ me duma bɛdi amonle kɛ, ‘Kɛmɔ Ɛdɛnkɛma de aze la.’ kɛmɔ bɛmanle Yizilayɛma vale bɛ bozonle Beeyale ne hanle ndane la a, bɛ nee me menli ne badɛnla na bɛakpazi.

Edwɛkpa ne kɛmɔ Maake hɛlɛle la 14:44

Mɔɔ yele ye manle la ɛmaa ɛlɔne ne ɛde ɔ bo kɛ, “Sonla ne mɔɔ menwɔvo ɔ nloa anwo la a le ahenle ne mɔɔ bɛkpondɛ ye la. Bɛhye ye na bɛnlea ye boɛ bɛva ye bɛhɔ.”

Wulo 1:31

bɛle ahɔnwɔne, bɛnlɛ diedi, bɛnze ahunlunyele yɛɛ bɛ ti yɛ se kpalɛ kpalɛ.

1 Tem 5:8

Saa awie ɛngola ye mbusua nea, bɔbɔ ɔngola ye awovolɛ boɛ nea a, ɛnee yekpo diedi ne na yezɛkye yedɛla sonla mɔɔ ɛnlɛ diedi la.

Gyemise Kɛlata ne 2:13

Sonla mɔɔ ɛnze anwunvɔne la, Nyamenle ɛnrɛze ye anwunvɔne wɔ ye ndɛnebualɛ nu; anwunvɔnezelɛ fo keda ndɛnebualɛ zo.

Dwɔhyua Buluku ne 2:13

Bɛbɔ me ɛwɔkɛ kɛ bɛkɛlie egya nee ɔmɔ, me mediema mrenya nee mraalɛ, nee bɛ nwo amra amuala ngoane na bɛnrɛhu bɛ.”

Dwɔhyua Buluku ne 2:18

Mɔɔ ɔwɔ kɛ ɛyɛ la ɛne: Mekɛ mɔɔ yɛkɛva bɛ azɛlɛ ye la, fa nyɛma kɔkɔlɛ ɛhye kenda nvɛnzɛlɛ ne mɔɔ ɛvale yɛ ɛluale nu ɛdwulale yɛ aze la. Boɔboa ɛ ze, ɛ nli, ɛ mediema mrenya ne mɔ, yɛɛ ɛ ze anwo amra ne mɔ amuala anloa wɔ wɔ sua nu ɛke.

Dwɔhyua Buluku ne 2:19

Mɔɔ kɛye ɔ nwo wɔ sua nu ɛke kɛvinde la, ye mogya ɛgua ɔdaye ɔ ti zo; yɛnli nwolɛ ɛzonle. Na saa awie biala mɔɔ nee wɔ wɔ ɛke la anwo bu ɛbonle a, ye mogya ɛgua yɛ ti zo.

Dwɔhyua Buluku ne 6:22

Dwɔhyua akee zele menli nwiɔ ne mɔɔ lumuale hɔkpɔlale azɛlɛ ne la kɛ, “Bɛhɔ tuutuunli raalɛ ne sua nu bɛhɔva ye nee ye mbusua ne bɛvinde, kɛmɔ bɛ ɛwɔkɛ ne mɔɔ bɛbɔle ye la se la.”

Dwɔhyua Buluku ne 9:15

Dwɔhyua nee Gebɛyɔnoma ne yɛle anzonudwolɛ ngyehyɛlɛ mɔɔ bamaa bɛadɛnla ngoane nu a. Yizilayɛma mgbanyinli ne mɔ hanle ndane kɛ bɛkɛli ngyehyɛlɛ ne azo.

Maanlebuvolɛma Buluku ne 1:24

Busiama ne nwunle kɛ nrenya bie vi suakpole ne azo ɛvinde ɛlɛba. Bɛzele nrenya ne kɛ, “Yɛsɛlɛ wɔ, kile yɛ suakpole ne azo adenle ne na yɛbayɛ wɔ boɛ.”

1 Sam 30:15

Devidi bizale ye kɛ, “Ɛ nee me kɛhɔ nwule ɛhye mɔ anwo lɔ ɔ?” Yigyibitinli ne buale ye kɛ, “Ka Nyamenle kɛ ɛnrɛhu me yɛɛ ɛnrɛye me ɛnrɛmaa me menle ne, na me nee wɔ kɛhɔ.”