Dwɔhyua Buluku ne 2:10 - BAEBOLO ANZƐƐ BULUKU NWUANZANWUANZA

¹⁰ Yɛde kɛ Ɛdɛnkɛma zile manle Nyevile kɔkɔlɛ ne sesanle bɔkɔɔ manle bɛpɛle ye wɔ mekɛ mɔɔ bɛvi Yigyibiti bɛlɛba la. Eza yɛde kɛ bɛzile bɛhunle Amɔle arelemgbunli nwiɔ ne, Saehɔn nee Ɔɔgo, wɔ Dwɔdan aduduleɛ lɔ la.

Dwɔhyua Buluku ne 2:10 ပူးပေါင်းရင်းမြစ်များ

Edwɛndolɛ Buluku ne 74:15

Ɛmanle nzufeanvea nee azule mralɛ zenzenle, na ɛmanle azudenle sesanle wele resee.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 20:14

Mosisi zoanle menli wɔ Yidɔm belemgbunli ne ɛkɛ manle bɛhɔzele ye kɛ, “Nrɛlaleɛ ɛhye vi ɛ mediema Yizilayɛma ɛkɛ. Ɛze anwubɛnyunlu mɔɔ ɛdo yɛ,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 23:22

Nyamenle ɛye bɛ ɛvi Yigyibiti; Ɔko ɔmaa bɛ kɛ ɛnlankɛ kokonyinli.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 24:8

Nyamenle yele bɛ vile Yigyibiti; Ɔko ɔmaa bɛ kɛ ɛnlankɛ kokonyinli, Ɔbazɛkye ye kpɔvolɛ maanle maanle ne mɔ, Yeabubu bɛ mbowule nu dwɔkɔdwɔkɔ, Yeatoto ye ɛda ne mɔ yeawowɔ bɛ.

Mɛla 2:30

“Na Hɛhyebɔn Belemgbunli Saehɔn amkponle kɛ ɔkɛmaa yɛkɛze ye azɛlɛ ne azo. Ɔluakɛ ɛnee Ɛdɛnkɛma bɛ Nyamenle ne ɛmaa yɛsolo na yeyɛ dapele, amaa yeaye ye yeamaa bɛ, kɛmɔ ɔde kɛkala la.

Dwɔhyua Buluku ne 24:12

Mekɛ mɔɔ bɛ nee Amɔle arelemgbunli nwiɔ ne ko la, membɔle bɛ ɛlɔnema ne asande, amaa bɛadu bɛ ɛkɛ ne. Tɛ bɛ anwosesebɛ anzɛɛ asɛɛ bɛze konle nye zo la ati ɔ. (Bɛ konle dadeɛ nee bɛ ɛda ne mɔ anyɛ ɛhwee.)

Dwɔhyua Buluku ne 4:24

Ɔlua ɛhye ati awie biala mɔɔ wɔ azɛlɛ ye azo la banwu kɛ Ɛdɛnkɛma lɛ tumi kpole, na bɛazulo Ɛdɛnkɛma bɛ Nyamenle ne wɔ mekɛ mɔɔ ɛnlɛ awieleɛ la.”

Dwɔhyua Buluku ne 5:1

Mɔɔ Amɔle arelemgbunli mɔɔ wɔ Dwɔdan adɔleɛ nee Keena arelemgbunli mɔɔ wɔ Mɛdetɛlenia Nyevile ne anloa lɔ la dele kɛ Ɛdɛnkɛma ɛmaa Azule Dwɔdan ne ɛsesa na yeye azɛlɛ resee yemaa Yizilayɛma ɛpɛ la, bɛ ahonle dule. Yizilayɛma ati, bɛ nwo mɔra dule bɔkɔɔ.

Dwɔhyua Buluku ne 9:10

nee mɔɔ ɔvale ɔhilele Amɔle arelemgbunli nwiɔ ne mɔɔ wɔ Dwɔdan ne anzi mɔɔ di kɔ aduduleɛ la. Arelemgbunli ɛhye mɔ a le Saehɔn, mɔɔ le Hɛhyebɔn belemgbunli ne nee Ɔɔgo mɔɔ le Beehyan belemgbunli ne mɔɔ dɛnlanle Ahyetalo la.