Dwɔhyua Buluku ne 2:1 - BAEBOLO ANZƐƐ BULUKU NWUANZANWUANZA

¹ Akee Nɛn ara Dwɔhyua zoanle menli nwiɔ awozinli nu, vi Akasea azokoɛleɛ ne kɛ, “Bɛhɔli busia bɛnleɛnlea kɛ Keena maanle ne anu si de la, bɔbɔ suakpole Gyɛleko.” Menli ne mɔ dwule suakpole ne azo la, bɛhɔlale raalɛ tuutuunli bie mɔɔ bɛfɛlɛ ye Releehabe la sua nu.

Dwɔhyua Buluku ne 2:1 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 42:16

Bɛzoa bɛ nuhua ko bɛmaa ɔhɔva bɛ diema ne ɔrɛla. Bɛdabɛ mɔɔ bɛha la, bɛbagua bɛ efiade, na bɛbagua ɛkɛ ne toonwo kɔkpula kɛ yɛkɛnwu nɔhalɛ mɔɔ wɔ bɛ edwɛkɛ ne anu la. Tɛ ye zɔhane ɛdeɛ a, meka yɛ belemgbunli ne ati kɛ bɛle busiama.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 42:9

Na Dwosefi hakyele ɛlalɛ ne mɔɔ ɔhanle wɔ bɛ nwo la, na ɔzele bɛ kɛ, “Bɛdabɛ, bɛle busiama mɔɔ ɛra banleɛnlea yɛ maanle ye anu bɛanwu ɛleka mɔɔ yɛtɔ sinli la.”

Maeka Buluku ne 6:5

O me menli, bɛhakye adwenle mɔɔ Mowabe Belemgbunli Beelake bɔle ye bɛ nwo, nee Biyɔ ara Beelam mualɛ mɔɔ vale manle ye la, na bɛhakye mɔɔ zile Akasea mɔɔ kɔ Gelegale adenle nu la, amaa bɛanwu nyɛleɛ mɔɔ medame Ɛdɛnkɛma mefa medie menli la.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 13:1

Ɛdɛnkɛma zele Mosisi kɛ,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 13:2

“Ye Yizilayɛ mbusua ekpunli bulu nee nwiɔ ne anu ko biala abusua kpanyinli ko soa bɛ maa bɛhɔli busia bɛkpɔla Keena azɛlɛ ne mɔɔ mefa meamaa bɛ la.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 25:1

Mɔɔ Yizilayɛma yɛle azokoɛleɛ wɔ Akasea Bɔnza la, Yizilayɛ mrenya bɔle ɔ bo kɛ bɛ nee Mowabe mraalɛ bɔ adwɔmane ɛbɛla.

Edwɛkpa ne kɛmɔ Mateyu hɛlɛle la 1:5

Salemɔn wole Bowaze, (bɛfɛlɛ ɔ nli Releehabe); Bowaze wole Obɛde (bɛfɛlɛ ɔ nli Wulutu), Obɛde wole Gyɛsi, yɛɛ

Edwɛkpa ne kɛmɔ Mateyu hɛlɛle la 10:16

“Bɛdie! Melɛsoa bɛ kɛ mboane la wɔ bedi avinli. Bɛmaa bɛ nye ɛla bɛ nwo zo kɛ nwɔlɛ, noko bɛyɛ bɛlɛvo kɛ abubule.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:5

Bɛde ɛhye abo kpalɛ, awie biala mɔɔ bɔ adwɔmane anzɛɛ ye ɛbɛla nwo ɛnde anzɛɛ ɔle anyebolo (anyebolo le awozonlezonlenlɛ) la ɛnrɛnyia agyadeɛ wɔ Kelaese nee Nyamenle Belemgbunlililɛ ne anu.

Kɛlata mɔɔ bɛhɛlɛle bɛhɔmanle Hibuluma la 11:31

Diedi zo yɛɛ ɔlua mɔɔ bɛangu tuutuunli Releehabe kɛ menli anzosesebɛ ne mɔ mɔɔ kpole Nyamenle la a, ɔluakɛ ɔliele Yizilayɛma mɔɔ rale banleɛnlea maanle ne anu na bɛahɔha la azie, na ɔnleanle bɛ gyɛlɛɛnye.

Gyemise Kɛlata ne 2:25

Kɛ tuutuunli Releehabe ɔdaye ɔyɛle ala la ɛne. Ɔliele Dwuu soanvolɛma ne mɔɔ rale banleɛnlea maanle ne anu ahɔ la azie na ɔboale bɛ ɔmanle bɛluale adenle fofolɛ nu bɛhɔle. Ye gyima ɛhye manle ɔzɔle Nyamenle anye.

Dwɔhyua Buluku ne 1:18

Awie biala mɔɔ kɛdu ɛ nloa kɛdo na ɔkɛhakyi ɔ nzi ɔkɛzi wɔ, na yeanli mɔɔ ɛkɛha la azo la, yɛbahu ye. Wɔmɔ gyinla kpundii na si pi.”

Dwɔhyua Buluku ne 2:2

Na awie mɔ hɔhanle hilele Gyɛleko belemgbunli ne kɛ, “Yizilayɛma bie ɛra ɛke nɔsolɛ ye ala kɛ bɛbanleɛnlea maanle ye anu.”

Dwɔhyua Buluku ne 21:31

Hɛlekate, yɛɛ Rilihɔbo, nee nwolɛ adidileka.

Dwɔhyua Buluku ne 3:1

Aleɛ hyenle la Dwɔhyua nee Yizilayɛma amuala dwazole nwonlomɔ mangyee ne ala; bɛvi Akasea azokoɛleɛ ne bɛdule bɛ bo bɛrazokoɛle Dwɔdan ne anloa bɛrahendɛle bɛ nwo kolaa na bɛapɛ.

Dwɔhyua Buluku ne 5:10

Mɔɔ ɛnee bɛtɛbɔ Gelegale azokoɛleɛ ɛkɛ ne la, Yizilayɛma lile “Akpabɛnwo Ɛvoyia” ne wɔ fienemgbole ne mɔɔ bikye Gyɛleko la anu. Bɛlile ɛvoyia ne wɔ siane ne anu kenle bulu nee nna ne azo nɔsolɛ nu.

Maanlebuvolɛma Buluku ne 18:14

Akee menli nnu ne mɔɔ hɔlile Leeyehye azɛlɛ ne azo busia la zele bɛ mediema ne mɔ kɛ, “Asoo bɛze kɛ azua ɛhye mɔ, mmonle ngyikyi, ananze mɔɔ bɛze nee mɔɔ bɛholo dwɛtɛ fufule bɛgua nwolɛ la, nee nwolɛ ɛzonlenlɛ tɛladeɛ wɔ ko anu ɔ? Yemɔti bɛdwenle mɔɔ ɔwɔ kɛ bɛyɛ la anwo.”

Maanlebuvolɛma Buluku ne 18:17

Menli nnu ne mɔɔ hɔlile busia ne la bɔle hɔle sua ne anu. Bɛsesale ananze ne mɔ mɔɔ bɛze nee mɔɔ bɛholo dwɛtɛ fufule bɛgua nwolɛ, mmonle ngyikyi ne mɔ, yɛɛ ɛzonlenlɛ tɛladeɛ ne amuala. Mekɛ ɛhye noko ɛnee sɛlɛvolɛ ne nee ɛlɔnema ɛya nsia ne mɔɔ dedɛ konle ninyɛne la gyi anlenkɛ kpole ne anloa nehane.

Maanlebuvolɛma Buluku ne 18:2

Yemɔti Danema yele mrenya akɛnrasesebɛ nnu wɔ Zɔla nee Ɛhyeteeyɔlo na bɛzoanle bɛ kɛ bɛhɔli busia bɛhɔkpɔla azɛlɛ ne na bɛyɛ bie anyenle. Bɛzele soanvolɛma ne kɛ, “Bɛhɔ na bɛhɔnlea bɛkpondɛ azɛlɛ.” Bɛhɔle sua ne mɔɔ gua Yifelaem boka ne azo la azo. Bɛhɔle Maeka sua nu na bɛhɔzokoɛle ye.