Dwɔhyua Buluku ne 18:7 - BAEBOLO ANZƐƐ BULUKU NWUANZANWUANZA

⁷ Livaema, bɛmɛ bɛnrɛnyia azɛlɛ ne bie, ɔboalekɛ bɛ ɛdeɛ a le kɛ bɛle Ɛdɛnkɛma sɛlɛvolɛma. Na Gaade, Wulubɛn, yɛɛ Manasɛ Aduduleɛ amra, bɛmɛ bɛ sa ɛha bɛ azɛlɛ ɛdeɛ ne mɔɔ Ɛdɛnkɛma sonvolɛ Mosisi vale manle bɛ dɛbadɛba la wɔ Dwɔdan Aduduleɛ lɔ.”

Dwɔhyua Buluku ne 18:7 ပူးပေါင်းရင်းမြစ်များ

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:20

Ɛdɛnkɛma zele Aalɔn kɛ, “Ɛnrɛnyia agyadeɛ biala wɔ bɛ azɛlɛ ne azo, yɛɛ ɛnrɛnyia kyɛfoa biala wɔ bɛ avinli. Medame a mele wɔ kyɛfoa nee wɔ agyadeɛ wɔ Yizilayɛma avinli a.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:23

Livaema bayɛ Ndanlɛ Sua ne anwo gyima na bɛdabɛ bɛali bɛ ɛtane nwo ɛzonle. Ɛhye le mɛla mɔɔ bala ɛkɛ amaa bɛ bo zo amra dahuu a. Livaema ɛnrɛnyia agyadeɛ biala wɔ Yizilayɛma avinli.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:7

Na ɛdawɔ nee ɛ mra mrenya noko bayɛ bɛ sɛlɛvolɛ gyima ne mɔɔ fane azukponle ne nee Nwuanzanwuanza Nu Nwuanzaanwu ɛleka ne anwo la. Ɛhye mɔ le bɛ gyima, ɔboalekɛ meva sɛlɛvolɛlilɛ ne kɛ ahyɛlɛdeɛ la memaa bɛ. Awie gyɛne biala mɔɔ kɛbikye ninyɛne nwuanzanwuanza ne mɔ la, ɔwɔ kɛ bɛku ye.”

Mɛla 10:9

Ɛhye ati Livae abusua ekpunli ne anu amra ɛnlɛ azɛlɛ anzɛɛ agyadeɛ, kɛmɔ bɛ mediema ne mɔ lɛ ye la. Bɛ agyadeɛ anzɛɛ azɛlɛ ɛdeɛ mɔɔ bɛdidi zolɛ la a le kɛ, bɛle Ɛdɛnkɛma sɛlɛvolɛma, kɛmɔ ɔdaye Ɛdɛnkɛma bɛ Nyamenle ne zele la.)

Dwɔhyua Buluku ne 12:6

Ɛdɛnkɛma sonvolɛ Mosisi nee Yizilayɛma a lile arelemgbunli nwiɔ ɛhye mɔ anwo zo konim a. Na Ɛdɛnkɛma sonvolɛ Mosisi vale bɛ azɛlɛ ne mɔ manle Wulubɛn nee Gaade mbusua ekpunli ne mɔ kɛ bɛva bɛyɛ bɛ ɛdeɛ.

Dwɔhyua Buluku ne 13:33

Na Mosisi anva azɛlɛ biala ammaa Livae abusua ekpunli ne. Ɔzele bɛ kɛ Yizilayɛ Ɛdɛnkɛma Nyamenle ne a le bɛ agyadeɛ a.