Dwɔhyua Buluku ne 18:6 - BAEBOLO ANZƐƐ BULUKU NWUANZANWUANZA

⁶ Ye nsuu ne mɔɔ bɛkɛhyɛ ye la, bɛhɛlɛ ko biala anwo edwɛkɛ bɛrɛlɛ me na menwɔbiza Ɛdɛnkɛma yɛ Nyamenle ne menwɔmaa bɛ.

Dwɔhyua Buluku ne 18:6 ပူးပေါင်းရင်းမြစ်များ

Edwɛndolɛ Buluku ne 105:11

na ɔzele kɛ, “Mebava Keena azɛlɛ ne meamaa bɛ kɛ ɔle bɛ ɛdeɛ bɔkɔɔ” la, ɔ rɛle ɛnrɛvi.

Mrɛlɛbulɛ Buluku ne 16:33

Menli twe adunyi kpondɛ mɔɔ ɔwɔ kɛ bɛyɛ la, na Ɛdɛnkɛma ɔdaye a ɔkile mɔɔ ɔwɔ kɛ sonla yɛ la a.

Mrɛlɛbulɛ Buluku ne 18:18

Adunyi pɛ butule biala azo na ɔkpɔda menli mɔɔ ko tia bɛ nwo la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 33:54

Bɛgua nzeleba bɛhyɛ azɛlɛ ne bɛmaa mbusua ekpunli ekpunli ne nee mbusua ekpulike ekpulike ne mɔ. Bɛmaa abusua ekpulike mɔɔ anwo zonle la azɛlɛ kpole, yɛɛ ekpulike mɔɔ le ekyi la azɛlɛ ekyi.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 34:13

Mosisi hanle hilele Yizilayɛma kɛ, “Azɛlɛ ne mɔɔ Ɛdɛnkɛma ɛva ɛmaa mbusua ekpunli ngɔnla nee foa ne, mɔɔ bɛbagua nwolɛ nzeleba bɛahyɛ bɛava la ɛne.

Ɛzoanvolɛma Gyima ne 13:19

Wɔ Keena noko, Nyamenle zɛkyele maanle maanle nsuu na ɔvale bɛ azɛlɛ ne ɔmanle ye menli ne mɔ.

Dwɔhyua Buluku ne 14:2

Kɛmɔ Ɛdɛnkɛma zele Mosisi la, bɛguale azɛlɛ ne mɔɔ la Dwɔdan Adɔleɛ la anwo nzeleba a bɛhyɛle a.

Dwɔhyua Buluku ne 18:10

Dwɔhyua guale nzeleba bizale nwolɛ manle bɛ, ɔhyɛle azɛlɛ ne ɔmanle mbusua ekpunli nsuu ne mɔ mɔɔ hale la.

Dwɔhyua Buluku ne 18:7

Livaema, bɛmɛ bɛnrɛnyia azɛlɛ ne bie, ɔboalekɛ bɛ ɛdeɛ a le kɛ bɛle Ɛdɛnkɛma sɛlɛvolɛma. Na Gaade, Wulubɛn, yɛɛ Manasɛ Aduduleɛ amra, bɛmɛ bɛ sa ɛha bɛ azɛlɛ ɛdeɛ ne mɔɔ Ɛdɛnkɛma sonvolɛ Mosisi vale manle bɛ dɛbadɛba la wɔ Dwɔdan Aduduleɛ lɔ.”

Dwɔhyua Buluku ne 18:8

Dwɔhyua akee zele menli mɔɔ bɛyele bɛ bɛmanle ye la kɛ, “Bɛhɔ azɛlɛ ne amuala azo na bɛhɛlɛ nwolɛ edwɛkɛ wɔ ngɛlata zo bɛrɛlɛ me. Mebagua nzeleba wɔ Hyaelo ɛke meabiza Ɛdɛnkɛma nwolɛ edwɛkɛ meamaa bɛ.”