Dwɔhyua Buluku ne 18:3 - BAEBOLO ANZƐƐ BULUKU NWUANZANWUANZA

³ Zɔhane ati Dwɔhyua zele Yizilayɛma kɛ, “Kenlenzu a bɛkɔ na bɛahɔva azɛlɛ ne mɔɔ Ɛdɛnkɛma, mɔɔ le bɛ nlenya mɔ Nyamenle ne, ɛva ɛmaa bɛ la a?

Dwɔhyua Buluku ne 18:3 ပူးပေါင်းရင်းမြစ်များ

Mrɛlɛbulɛ Buluku ne 10:4

Ehyia ku mgbovonle, yɛɛ gyima ɛsesebɛ ɛyɛlɛ maa sonla nyia ɔ nwo.

Mrɛlɛbulɛ Buluku ne 13:4

Mgbovonle sonla biala akunlu anu a anrɛɛ, noko ɔnnyia ɛhwee; na mɔɔ anye bolo yɛ gyima la nyia ninyɛne dɔɔnwo.

Mrɛlɛbulɛ Buluku ne 15:19

Mgbovonle adenle nu le mbowule ngome, na pɛlepɛle adenle nu le kpolomgbolo.

Nolo 9:10

Debie biala mɔɔ ɛkɛzɔ nu kɛ ɛyɛ la, fa wɔ anwosesebɛ yɛ, ɔluakɛ gyima anzɛɛ ndwenlenwo anzɛɛ adwenle anzɛɛ nrɛlɛbɛ biala ɛnle Ɛbolɔ mɔɔ ɛlɛkɔ la.

Zɛfanaya Buluku ne 3:16

Mekɛ ne anu bɛbaha bɛahile Gyɛlusalɛmma kɛ, “Zayɔn, mmasulo; mmamaa ɛ sa nu to.

Edwɛkpa ne kɛmɔ Mateyu hɛlɛle la 20:6

Mɔɔ ɔka ekyii bɛbɔ dɔne nnu la ɔvindele bieko ɔhɔle gua ne azo na ɔnwunle awie mɔ kɛ bɛgyigyi ɛkɛ ne. Ɔbizale bɛ kɛ, ‘Duzu ati a aleɛ bedevinli ye mɔɔ ɛhye la bɛgyigyi ye mgbovonle nu zɛhae ɛ?’

Dw 6:27

Bɛmmayɛ gyima bɛkpondɛ aleɛ mɔɔ ɛngyɛ na azɛkye la; bɛyɛ gyima bɛkpondɛ aleɛ mɔɔ fa bɛ kɔ ngoane mɔɔ ɛnlɛ awieleɛ la anu la. Aleɛ ɛhye yɛɛ medame Sonla Ra, mebava meamaa bɛ a, ɔboalekɛ Nyamenle Selɛ ne ɛlie me ɛdo nu na yemaa me tumi kɛ menyɛ ye zɔhane.”

Dwɔhyua Buluku ne 1:6

Mmasulo, gyinla kpundii, ɔluakɛ ɛbali menli ɛhye mɔ ati na bɛava azɛlɛ ne bɛadɛnla zolɛ, kɛmɔ menvale membɔle bɛ nlenya mɔ ɛwɔkɛ la.

Dwɔhyua Buluku ne 13:1

Dwɔhyua akee ɛli ɛvolɛ dɔɔnwo na yeyɛ kpanyinli kpalɛ. Ɛdɛnkɛma zele ye kɛ, “Wɔnyi, wɔli ɛvolɛ dɔɔnwo, noko azɛlɛ dɔɔnwo tɛbɔ ɛkɛ mɔɔ ɔwɔ kɛ bɛfa bɛyɛ bɛ ɛdeɛ a.

Dwɔhyua Buluku ne 18:2

Ɛnee Yizilayɛ mbusua ekpunli nsuu wɔ ɛkɛ mɔɔ bɛmɛ bɛtɛmanle bɛ azɛlɛ ne bie a.

Dwɔhyua Buluku ne 18:4

Bɛye abusua ekpunli ko biala anu menli nsa bɛmaa me. Mesoa bɛ wɔ maanle ne anu meamaa bɛahɔkpɔla azɛlɛ ne amuala, bɛahɔyɛ ɛleka mɔɔ bɛkulo kɛ bɛtɛnla la nzonlɛ na bɛazia bɛara.

Maanlebuvolɛma Buluku ne 18:9

Bɛzele bɛ kɛ, “Bɛdwazo bɛmaa yɛhɔteta bɛ, ɔluakɛ yɛhɔnwu azɛlɛ ne kɛ ɔle azɛlɛ mɔɔ kye aleɛ a. Bɛha bɛ nwo. Bɛmmamaa yɛtɛnla ɛke yɛfonla yɛ nwo. Bɛmaa yɛhɔ na yɛhɔva azɛlɛ ne.