Dwɔhyua Buluku ne 18:28 - BAEBOLO ANZƐƐ BULUKU NWUANZANWUANZA

²⁸ Zila, Hyilɛfe, Gyibɛse (anzɛɛ Gyɛlusalɛm), Gebɛya, yɛɛ Keleate Gyialem: azuamgbole bulu nee nna, nee namunamu mɔɔ zuozua bɛ la. Azɛlɛ ne mɔɔ Bɛngyaman abusua ekpunli ne anu amra nyianle ye yɛle bɛ ɛdeɛ la ɛne.

Dwɔhyua Buluku ne 18:28 ပူးပေါင်းရင်းမြစ်များ

2 Sam 21:14

Bɛziele Sɔɔlo nee ɔ ra Dwɔnatan mbowule ne mɔ wɔ Sɔɔlo ɔ ze Kehye nla ne anu wɔ Zila, wɔ Bɛngyaman maanzinli nu. Akee bɛyɛle mɔɔ belemgbunli ne hanle hilele bɛ la amuala. Na Nyamenle diele maanlema ne nzɛlɛlɛ.

2 Sam 5:6

Belemgbunli Devidi nee ye ɛlɔnema hɔtetale Gyɛlusalɛm. Gyibɛsema mɔɔ lɛ maanle ne la dwenlenle kɛ Devidi ɛnrɛhola suakpole ne anwo zo konim di, yemɔti bɛzele ye kɛ, “Ɛ gyakɛ ba ɛnrɛtia sua ye azo. Anyenzinliravolɛma nee abuburama a baha wɔ ado ɛbɔ nu a.”

2 Sam 5:8

Kenle ko ne, Devidi zele ye menli ne kɛ, “Awie wɔ ɛke mɔɔ kyi Gyibɛsema tɛla me, mɔɔ kɛhola kɛhu bɛ ɔ? Ɛnee bɛva azɛlɛ bo adenle ne anu na bɛva konle bɛhɔdoa anyenzinliravolɛma nee abuburama ne mɔ mɔɔ Devidi kyi bɛ la.” (Ɛhye ati yɛɛ bɛse, “Anyenzinliravolɛma nee abuburama ɛnrɛhɔ Ɛdɛnkɛma sua nu” la.)

1 Edk 8:28

Ɛhye mɔ a le mbusua mgbanyinli nee bɛ bo zo amra mɔɔ dɛnlanle Gyɛlusalɛm la.

Ayezaya Buluku ne 10:29

bɛpɛ ademgbole ne bɛhɔla Giba. Menli mɔɔ wɔ Releema la ahonle ɛdu, yɛɛ Belemgbunli Sɔɔlo sua zo Gebɛyama ɛgua ɛbɔ nu.

Gyɛlɛmaya Buluku ne 6:1

O Bɛngyamanema, bɛnriandi bɛvi Gyɛlusalɛm! Bɛlie bɛ ngoane! Bɛwu aweɛne tendenle ne anu wɔ Tɛkowa na bɛkpɔnla sɛkɛlɛneɛ wɔ Bɛte Hakɛlɛm, ɔluakɛ munzule ɛkpuke sɔlɔ ɛlɛba arazɛkye ninyɛne.

Hozia Buluku ne 10:9

Ɛdɛnkɛma se, “Sumunli kɛ Yizilayɛma yɛle ɛtane tiale me wɔ Gebɛya la, bɛtɛgyakyile ɛtane ɛyɛlɛ ne. Yemɔti konle bava bɛ aze wɔ Gebɛya.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 26:38

Wɔ Bɛngyaman abusua ekpunli ne anu: Bila, Ahyebɛle, Ahaelam,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 26:54

Gua nzeleba na wɔahyɛ azɛlɛ ne, abusua ekpunli mɔɔ anwo zonle la, maa ye azɛlɛ kpole, mɔɔ anwo anzo la, maa ye azɛlɛ ekyi.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 33:54

Bɛgua nzeleba bɛhyɛ azɛlɛ ne bɛmaa mbusua ekpunli ekpunli ne nee mbusua ekpulike ekpulike ne mɔ. Bɛmaa abusua ekpulike mɔɔ anwo zonle la azɛlɛ kpole, yɛɛ ekpulike mɔɔ le ekyi la azɛlɛ ekyi.

Dwɔhyua Buluku ne 15:63

Na Dwudama angola andu Gyibɛsema wɔ Gyɛlusalɛm. Ɛnɛ nee ɛnɛ ala Gyibɛsema nee Dwudama a de a.

Dwɔhyua Buluku ne 15:8

Akee ɛweɛne ne dua Henɛm Bɔnza wɔ boka ne mɔɔ bɛkyekyele Gyibɛsema suakpole Gyɛlusalɛm zolɛ la nyiakɛ. Ɛweɛne ne akee kɔdua boka ne azo wɔ Henɛm Bɔnza ne adɔleɛ, ɔkɔsɔ Relɛfeeyem Bɔnza ne sɔlɔ.

Dwɔhyua Buluku ne 18:16

Akee ɔlua boka ne mɔɔ awie gyi zolɛ a ɔnwu Henɛm Bɔnza ne anu la abo, wɔ Relɛfeeyem Bɔnza ne sɔlɔ. Akee ɔfa nyiakɛ, ɔlua Henɛm Bɔnza ne anu, ɔlua Gyibɛse boka ne nyiakɛ, ɔfinde Ɛnlogɛle.

Dwɔhyua Buluku ne 18:27

Rilikɛm, Yɛpii, Talala,

Dwɔhyua Buluku ne 19:1

Azɛlɛ ne mɔɔ tɔ zolɛ nwiɔ la, bɛvale bɛmanle Semɛyɔn abusua ekpunli ne anu amra. Bɛ azɛlɛ ne wolole Dwuda abusua ekpunli ne ɛdeɛ ne anu.

Maanlebuvolɛma Buluku ne 1:21

Bɛngyaman asa azo ɛdeɛ ne, bɛandu Gyibɛsema mɔɔ wɔ Gyɛlusalɛm la; yemɔti Gyibɛsema nee Bɛngyamanema ɛdɛnla toonwo a yeradwu ɛnɛ a.

Maanlebuvolɛma Buluku ne 19:10

Nrenya ne amkponle kɛ ɔkɛla bieko. Yemɔti ɔzile nu na ɔradwule Gyibɛse kandiba, ɔdaye, yɛɛ ye sonvolɛ ne nee ye mgbɔnla ne, yɛɛ ye asoaso nwiɔ mɔɔ mbia wɔ zolɛ la.

1 Sam 10:26

Sɔɔlo ɔdaye noko ɔhɔle ye sua zo Gebɛya. Menli mɔɔ anwo yɛ se na Nyamenle asa wɔ bɛ nwo zo la nee ye hɔle.