Dwɔhyua Buluku ne 18:16 - BAEBOLO ANZƐƐ BULUKU NWUANZANWUANZA

¹⁶ Akee ɔlua boka ne mɔɔ awie gyi zolɛ a ɔnwu Henɛm Bɔnza ne anu la abo, wɔ Relɛfeeyem Bɔnza ne sɔlɔ. Akee ɔfa nyiakɛ, ɔlua Henɛm Bɔnza ne anu, ɔlua Gyibɛse boka ne nyiakɛ, ɔfinde Ɛnlogɛle.

Dwɔhyua Buluku ne 18:16 ပူးပေါင်းရင်းမြစ်များ

2 Sam 17:17

Ɛnee Dwɔnatan nee Ahaemaze ɛlɛkendɛ nzubula Ɛnlɔgɛle ne anloa wɔ Gyɛlusalɛm kandiba. Sonvolɛ raalɛ bie a kɔka edwɛkɛ mɔɔ ɛlɛsi la kile bɛ a na bɛdabɛ bɛahɔha bɛahile Belemgbunli Devidi, ɔluakɛ ɔnle kɛ bɛnwu bɛ kɛ bɛhɔ suakpole ne azo.

2 Sam 5:18

Filisitiama rale na bɛrakpondenle Relɛfeeyem bɔnza ne anu.

1 Arl 1:9

Kenle ko bie Adonaegya hunle nlankɛ nee mboane nee nyɛmoa ngakyile mɔɔ ɛlɔ la na ɔvale ɔbɔle azu wɔ Nwɔlɛ Bolɛ ne mɔɔ zua Ɛnlogɛle la azo. Ɔdole ɛsalɛ ɔvɛlɛle ɔ mediema mɔɔ le belemgbunli amra mrenya ne mɔ nee belemgbunli mbɔlɔba mgbanyinli mɔɔ wɔ Dwuda la amuala.

2 Arl 23:10

Belemgbunli Dwosaya eza zɛkyele Tofɛte amonle sua ne mɔɔ wɔ Henɔm Bɔnza ne anu la, amaa awie anyela ɔ ra raalɛ anzɛɛ nrenya wɔ ɛkɛ ne ambɔ azu ammaa bozonle Molɛke.

1 Edk 14:9

Filisitiama rale Relɛfeeyem Bɔnza ne anu na bɛbɔle ɔ bo kɛ bɛsɛkye Yizilayɛma aleɛ mɔɔ wɔ ɛkɛ ne la.

2 Edk 28:3

ɔkpunle ɛyɛlɛ ɔbɔle azu wɔ Henɔm Bɔnza, na ɔyelale ɔ mra mrenya ɔbɔle azu. Ɔbɔle ɛbɛla mgbane mgbane ne mɔ mɔɔ menli mɔɔ ɛnee de azɛlɛ ne azo la bɔle a Ɛdɛnkɛma dule bɛ vile Yizilayɛma anyunlu la bie.

2 Edk 33:6

Ɔyelale ɔ mra mrenya ɔbɔle azu wɔ Henɔm Bɔnza. Ɔhwenle adunyi, ɔyele ngonyia, yɛɛ ɔ nee nyɛne nee menli mɔɔ tendɛ nwomenle nloa zo la dule. Ɔyɛle ɛtane kpole ɔtiale Ɛdɛnkɛma ɔmanle ɔvale ɛya.

Ayezaya Buluku ne 30:33

Bɛziezie ɛleka wɔ ɛkɛ ne dɛbadɛba mɔɔ bɛbava bɛayela Aselea belemgbunli ne a. Nuhua le kuma, ɔtɛlɛ, yɛɛ bɛziezie ɛyɛne dɔɔnwo wɔ nuhua. Ɛdɛnkɛma bava ye ɛnwomenle ne mɔɔ sɔ kɛ sɔlefe la yeamaa yeazɔ.

Gyɛlɛmaya Buluku ne 19:11

na menga mengile bɛ kɛ, “Tumivolɛ Ɛdɛnkɛma se: Kɛmɔ sonla gologolo nwovolɛ dwora na bɛfa ye bieko a ɔnva la, zɔhane ala yɛɛ mebagologolo menli ɛhye mɔ nee suakpole ɛhye a. Bɛbazie avunli wɔ Tofɛte, ɔboalekɛ bɛnrɛnyia azie bɛnrɛzie avunli ne mɔ zo.

Gyɛlɛmaya Buluku ne 19:2

na ɛ nee bɛ ɛpe Foandɛkɛ Anlenkɛ Kpole ne anu ɛhɔ Henɛm Bɔnza, na ka me nrɛlaleɛ ne kile bɛ.

Gyɛlɛmaya Buluku ne 19:6

Yemɔti bɛnlea, mekɛ ɛlɛba mɔɔ medame Ɛdɛnkɛma mese: Bɛnrɛvɛlɛ azɛlɛ ɛhye Tofɛte anzɛɛ Henɛm Bɔnza bieko; bɛbavɛlɛ ye Ahunleɛ Bɔnza.

Gyɛlɛmaya Buluku ne 32:35

Bɛzile azukponle wɔ Henɔm Bɔnza bɛmanle bozonle Beeyale, bɛvale bɛ mra mrenya nee bɛ mra mraalɛ bɛbɔle azu zolɛ bɛmanle bɛ bozonle Molɛke. Meanzoa bɛ kɛ bɛyɛ ɛhye, yɛɛ meanga nwolɛ ɛlalɛ bɔbɔ ɛlɛ kɛ memaa bɛayɛ bɛkyi debie zɔhane na Dwudama alua zolɛ ayɛ ɛtane.”

Dwɔhyua Buluku ne 15:63

Na Dwudama angola andu Gyibɛsema wɔ Gyɛlusalɛm. Ɛnɛ nee ɛnɛ ala Gyibɛsema nee Dwudama a de a.

Dwɔhyua Buluku ne 18:28

Zila, Hyilɛfe, Gyibɛse (anzɛɛ Gyɛlusalɛm), Gebɛya, yɛɛ Keleate Gyialem: azuamgbole bulu nee nna, nee namunamu mɔɔ zuozua bɛ la. Azɛlɛ ne mɔɔ Bɛngyaman abusua ekpunli ne anu amra nyianle ye yɛle bɛ ɛdeɛ la ɛne.

Maanlebuvolɛma Buluku ne 1:21

Bɛngyaman asa azo ɛdeɛ ne, bɛandu Gyibɛsema mɔɔ wɔ Gyɛlusalɛm la; yemɔti Gyibɛsema nee Bɛngyamanema ɛdɛnla toonwo a yeradwu ɛnɛ a.

Maanlebuvolɛma Buluku ne 1:8

Dwudama nee Gyɛlusalɛmma honle na bɛbole Gyɛlusalɛmma bɛvale sua ne. Bɛhunle menli mɔɔ wɔ zolɛ la na bɛyelale suakpole ne.

Maanlebuvolɛma Buluku ne 19:10

Nrenya ne amkponle kɛ ɔkɛla bieko. Yemɔti ɔzile nu na ɔradwule Gyibɛse kandiba, ɔdaye, yɛɛ ye sonvolɛ ne nee ye mgbɔnla ne, yɛɛ ye asoaso nwiɔ mɔɔ mbia wɔ zolɛ la.