Dwɔhyua Buluku ne 18:12 - BAEBOLO ANZƐƐ BULUKU NWUANZANWUANZA

¹² Azɛlɛ ne sɔlɔ ɛweɛne ne bɔ ɔ bo wɔ Dwɔdan ne anloa, ɔlua boka ne ndololeɛ nu wɔ Gyɛleko anwuma, ɔse ye adɔleɛ ɔlua awoka ne mɔ azo ɔkɔ ɛsɛlɛ ne azo lɔ wɔ Bɛteevɛn.

Dwɔhyua Buluku ne 18:12 ပူးပေါင်းရင်းမြစ်များ

Hozia Buluku ne 10:5

Menli mɔɔ de suakpole Samɛlea azo la bazulo, bɛ nwo awozo bɛ, wɔ bɛ nvutuke ɛnlankɛ ananze ne mɔɔ ɛvi Bɛtɛle la ati. Menli ne bazu ye, yɛɛ sɛlɛvolɛma ne mɔ mɔɔ sonle ananze ne la bazu aye awolɛ wɔ ye anyunlunyia ne mɔɔ ɛdɔ aze ɛbɔ la ati.

Hozia Buluku ne 4:15

“Saa bɛmɛ Yizilayɛma, bɛbɔ tuutuu ɛbɛla a, Dwudama ɛnli nwolɛ fɔlɛ. Bɛmmakɔ Gelegale anzɛɛ Bɛteevɛn kɛ bɛkazonle, yɛɛ bɛmmafa ‘Tease Ɛdɛnkɛma’ duma bɛka ndane.

Hozia Buluku ne 5:8

Bɛwu konle aweɛne ndendenle ne mɔ anu wɔ Gebɛya! Bɛbɔ nolo ne wɔ Releema! Bɛbɔ bubu wɔ Bɛteevɛn. Bɛli bɛ nzi, Bɛngyaman asa azo!

Dwɔhyua Buluku ne 16:1

Azɛlɛ mɔɔ bɛvale bɛmanle Dwosefi abo zo amra ne la, ye nyiakɛ ɛweɛne ne bɔ ɔ bo wɔ azule Dwɔdan ne anloa wɔ Gyɛleko afoa nu, ɔvi Gyɛleko nzubula ne mɔ aduduleɛ ɔkɔ ɛsɛlɛ ne azo. Ɔla ɛkɛ ne, ɔvi Gyɛleko, ɔlua awoka ne mɔ anu ɔkɔdwu Bɛtɛle.

Dwɔhyua Buluku ne 18:11

Bɛngyaman abusua ekpunli ne a bɛlumuale bɛmanle ye azɛlɛ ne bie a. Bɛ azɛlɛ ne la Dwuda nee Dwosefi mbusua ekpunli ne ɛdeɛ ne mɔ avinli.

Dwɔhyua Buluku ne 2:1

Akee Nɛn ara Dwɔhyua zoanle menli nwiɔ awozinli nu, vi Akasea azokoɛleɛ ne kɛ, “Bɛhɔli busia bɛnleɛnlea kɛ Keena maanle ne anu si de la, bɔbɔ suakpole Gyɛleko.” Menli ne mɔ dwule suakpole ne azo la, bɛhɔlale raalɛ tuutuunli bie mɔɔ bɛfɛlɛ ye Releehabe la sua nu.

Dwɔhyua Buluku ne 3:16

ɔgyakyile ɛzenlɛ a; ye sɔlɔ nzule ne tikale na ɔyɛle bonrabonra toonwo ɔhɔdwule suakpole ne mɔɔ bikye Zalɛtan mɔɔ bɛfɛlɛ ye Adam la. Nyiakɛ azule ne mɔɔ kɔgua Nyevile Wulera ne anu la sesanle yɛle resee, na menli ne luale azɛlɛ resee zo pɛle, wɔ ɛleka mɔɔ bikye Gyɛleko la.

Dwɔhyua Buluku ne 6:1

Yizilayɛma ati, Gyɛleko amra totole bɛ sua bɔdenle ne anuhɔlɛ ne mɔ anu. Awie vi sua ne azo ɛnvinde yɛɛ bie ɛmba sua ne azo.

Dwɔhyua Buluku ne 7:2

Dwɔhyua zoanle menli bie vi Gyɛleko kɛ bɛhɔ Eyae, sua bie mɔɔ wɔ Bɛtɛle aduduleɛ afoa nu na ɔbikye Bɛteevɛn la kɛ bɛhɔli busia bɛnlea kɛ azɛlɛ ne si de la. Menli ne mɔ hɔle na bɛziale bɛrale.

Dwɔhyua Buluku ne 8:15

Dwɔhyua nee ye ɛlɔnema ne yɛle kɛ asɛɛ bɛho bɛgua, na bɛbɔle ɔ bo kɛ bɛnriandi bɛahɔ ɛsɛlɛ ne azo lɔ.

1 Sam 13:5

Filisitiama boɔboale bɛ nwo kɛ bɛ nee Yizilayɛma kaho. Bɛvale ɛlɔnema mɔɔ ka konle ehwili la apenle ngoko abulasa, ɛlɔnema mɔɔ ka mgbɔnwɔ la apenle nsia, yɛɛ ɛlɔnema mɔɔ dua aze la kɛyɛ kɛ ɛnweazo ɛnwea. Bɛrayɛle azokoɛleɛ wɔ Mekemahye, wɔ Bɛtehavɛn aduduleɛ afoa nu.