Dwɔhyua Buluku ne 18:1 - BAEBOLO ANZƐƐ BULUKU NWUANZANWUANZA

¹ Yizilayɛma honle vale azɛlɛ ne la, nzinlii bɛ muala bɛyiale Hyaelo na bɛzile Ɛdɛnkɛma Ɛzonlenlɛ Ndanlɛ Sua ne.

Dwɔhyua Buluku ne 18:1 ပူးပေါင်းရင်းမြစ်များ

2 Sam 7:6

Sumunli kɛ menyele Yizilayɛma menvile Yigyibiti azɛlɛ zo mɔɔ yeradwu ɛnɛ la, metɛtɛnlanle sua nu ɛlɛ. Meli tutɛnla wɔ ndanlɛ azua nu.

1 Arl 14:2

Yemɔti Gyɛlɔbowam hanle hilele ɔ ye kɛ, “Dwazo, kakyi ɛ nwo sonla gyɛne bie mɔɔ awie ɛngola ɛnnwu wɔ sonla holɛ la na kɔ Hyaelo, wɔ Nyamenle kpɔmanvolɛ Ahaegya mɔɔ zele me kɛ mebazie Yizilayɛma la ɛkɛ ne.

1 Arl 14:4

Gyɛlɔbowam aye ne yɛle ye zɔhane; ɔhɔle Ahaegya ɛkɛ wɔ Hyaelo. Ɛnee Ahaegya ɛyɛ kpanyinli kpalɛ, ɔ nye ɛyɛ, yemɔti ɔnnwu debie kpalɛ.

1 Arl 2:27

Ɛhye ati Sɔlɔmɔn yele Abayata gyima nu kɛ ɔnle Ɛdɛnkɛma sɛlɛvolɛ bieko. Ɔyɛle ɛhye, amaa Ɛdɛnkɛma edwɛkɛ ne mɔɔ ɔhanle wɔ Yilae abusua ne anwo wɔ Hyaelo la ayɛ nɔhalɛ.

Nihɛmaya Buluku ne 9:24

Bɛlile Keenama anwo zo konim bɛvale azɛlɛ ne, ɛvole menli mɔɔ wɔ ɛkɛ ne la akɔme zo; ɛmanle wɔ menli ne tumi bɛvale Keena arelemgbunli nee menli bɛyɛle mɔɔ bɛdabɛ bɛkulo la.

Edwɛndolɛ Buluku ne 78:60

Ɔkpole ye tɛnlabelɛ ne mɔɔ wɔ Hyaelo, ɛleka mɔɔ ɔdɛnlanle ye menli ne avinli la.

Edwɛndolɛ Buluku ne 78:66

Ɔmanle ye kpɔvolɛma guale ɛbɔ nu, na ɔguale bɛ nyunlu aze kpɔtɔɔ.

Gyɛlɛmaya Buluku ne 26:6

mebayɛ Ɛzonlenlɛ Sua ɛhye kɛ mɔɔ menyɛle Hyaelo la, na meayɛ suakpole ɛhye mgbane meamaa maanle maanle kɔsɔɔti ahyi ye.’ ”

Gyɛlɛmaya Buluku ne 26:9

Duzu ati a wɔva Ɛdɛnkɛma duma wɔha nrɛlaleɛ kɛ Ɛzonlenlɛ Sua ɛhye bayɛ kɛ Hyaelo, na suakpole ɛhye ayɛ suadu, mɔɔ awie fee ɛnrɛdɛnla zolɛ a?” Menli ne kɔsɔɔti bɔle yiale Gyɛlɛmaya wɔ Ɛdɛnkɛma Ɛzonlenlɛ Sua ne anu.

Gyɛlɛmaya Buluku ne 41:5

menli abulatwɛ vi Hyikɛm, Hyaelo, yɛɛ Samɛlea rale kɛ bɛlɛ ma azubɔdeɛ nee ɛyɛlɛ bɛba Ɛdɛnkɛma Ɛzonlenlɛ Sua ne anu. Ɛnee menli zɔhane mɔ ɛkpa bɛ kɛsa, ɛsuosua bɛ adɛladeɛ nu, na bɛbodɛboda bɛ nwo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 32:22

na ɔkɛva azɛlɛ ne la a, yemɔ ɔwɔ kɛ bɛsia bɛ nzi, ɔboalekɛ bɛwie bɛ gyima ne di bɛmaa Ɛdɛnkɛma nee Yizilayɛma, na azɛlɛ ɛhye bayɛ bɛ agyadeɛ wɔ Ɛdɛnkɛma anyunlu.

Ɛzoanvolɛma Gyima ne 7:45

Nzinlii yɛ nlenya mɔ vale Ɛdanlɛ Sua ne mɔɔ bɛliele ye bɛ ze mɔ ɛkɛ ne la lile bɛ nyunlu na bɛ nee Dwɔhyua hɔle bɛhɔhonle bɛvale maanle maanle mɔɔ Nyamenle manle bɛlile bɛ nwo zo konim la. Na ɔwoale bɛ nwo ɛkɛ ne toonwo ɔradwule Devidi mekɛ zo.

Dwɔhyua Buluku ne 18:2

Ɛnee Yizilayɛ mbusua ekpunli nsuu wɔ ɛkɛ mɔɔ bɛmɛ bɛtɛmanle bɛ azɛlɛ ne bie a.

Dwɔhyua Buluku ne 18:8

Dwɔhyua akee zele menli mɔɔ bɛyele bɛ bɛmanle ye la kɛ, “Bɛhɔ azɛlɛ ne amuala azo na bɛhɛlɛ nwolɛ edwɛkɛ wɔ ngɛlata zo bɛrɛlɛ me. Mebagua nzeleba wɔ Hyaelo ɛke meabiza Ɛdɛnkɛma nwolɛ edwɛkɛ meamaa bɛ.”

Dwɔhyua Buluku ne 19:51

Sɛlɛvolɛ Ɛlieza nee Nɛn ara Dwɔhyua nee mgbanyinli mɔɔ gyigyi Yizilayɛ mbusua ekpunli ekpunli ne mɔ ati la vale awolɛ guale nzeleba bizale Ɛdɛnkɛma kɛ bɛzi bɛhyɛ azɛlɛ ne la, wɔ Hyaelo. Bɛyɛle ɛhye wɔ Ɛdɛnkɛma Ndanlɛ Sua ne anlenkɛ ne anyunlu bɛhyɛle azɛlɛ ne. Adenle mɔɔ bɛluale nu bɛhyɛle azɛlɛ ne la ɛne.

Dwɔhyua Buluku ne 21:2

wɔ Hyaelo mɔɔ wɔ Keena azɛlɛ zo la, na bɛzele bɛ kɛ, “Ɛdɛnkɛma luale Mosisi anwo zo zele kɛ bɛmaa yɛ azuamgbole bɛmaa yɛdɛnla zolɛ, yɛɛ azɛlɛ mɔɔ yɛ nee yɛ nyɛmoa yɛbadidi zolɛ la, wɔ bɛ azɛlɛ ne mɔ azo.”

Dwɔhyua Buluku ne 22:12

Mɔɔ Yizilayɛma ne dele ɛhye la, bɛ muala bɛyiale Hyaelo na bɛyɛle kɛ bɛ nee aduduleɛ mbusua ekpunli ekpunli ne mɔ kaho.

Dwɔhyua Buluku ne 22:19

Saa bɛnea na bɛ azɛlɛ ne ɛnle ɛleka mɔɔ bɛtɛnla bɛsonle Nyamenle a, ɛnee bɛrɛla Ɛdɛnkɛma azɛlɛ ye azo, ɛleka mɔɔ ye Ndanlɛ Sua ne wɔ la na bɛralie yɛ azɛlɛ ne bie. Bɛmmasi azukponle bɛboka Ɛdɛnkɛma yɛ Nyamenle ne ɛdeɛ ne anwo. Bɛmmako bɛtia Ɛdɛnkɛma yɛɛ bɛmmamaa yɛte atua.

Dwɔhyua Buluku ne 22:9

Yemɔti Wulubɛn, Gaade, yɛɛ Manasɛ Aduduleɛ mbusua ekpunli ne mɔ ziale hɔle bɛ maanle nu. Bɛgyakyile Yizilayɛma mɔɔ hale la wɔ Hyaelo, wɔ Keena azɛlɛ zo, na bɛbɔle ɔ bo kɛ bɛkɔ bɛdabɛ bɛ maanle nu wɔ Geleade. Azɛlɛ ɛhye a Ɛdɛnkɛma luale Mosisi anwo zo vale manle bɛ a.

Maanlebuvolɛma Buluku ne 18:31

Yemɔti bɛziele Maeka ananze nyamenle ne mɔ na bɛzɔle mekɛ dɔɔnwo, kɛmɔ ɛnee Nyamenle Sua ne wɔ Hyaelo la.

Maanlebuvolɛma Buluku ne 21:12

Bɛnyianle mbɛlɛra mɔɔ ɛtɛnwunle mrenya ɛlɛ la ɛya nna wɔ Gyeebɛhye Geleade, na bɛ nee bɛ hɔle Hyaelo mɔɔ wɔ Keena la.

Maanlebuvolɛma Buluku ne 21:19

Yemɔti bɛhanle kɛ, “Ɛdɛnkɛma ɛvoyia ne mɔɔ bɛdi ye wɔ Hyaelo la ɛdwu. Hyaelo wɔ Bɛtɛle sɔlɔ, wɔ Bɛtɛle nee Hyikɛm ademgbole ne aduduleɛ afoa nu wɔ Lɛbona nyiakɛ.”

1 Sam 1:24

Mɔɔ kakula ne pɛle nyɛfonlɛ na ɔ nwo kputile la, Hana vale ɛnlankɛ nyinli mɔɔ ɛli ɛvolɛ nsa la, esamo kilo bulu yɛɛ nwanye nwoma kodoku ko na ɔvale kakula dɛkɛɛ ne ɔhɔle Ɛdɛnkɛma Ɛzonlenlɛ Sua ne anu wɔ Hyaelo.

1 Sam 1:3

Ɛvolɛ biala Ɛlekana vi Releema kɔ Hyaelo. Ɛkɛ ne a sɛlɛvolɛ Yilae amra mrenya nwiɔ ne, Hɔfenae nee Fenɛhaze yɛ bɛ sɛlɛvolɛ gyima ne a. Ɛlekana kɔ ɛkɛ ne ɛvolɛ biala kɔsonle na ɔbɔ azu ɔmaa Tumivolɛ Ɛdɛnkɛma.