Dwɔhyua Buluku ne 17:13 - BAEBOLO ANZƐƐ BULUKU NWUANZANWUANZA

¹³ Nzinlii bɔbɔ mɔɔ Yizilayɛma anwo yɛle se kpalɛ la bɛandu Keenama ne amuala. Bɛmanle Keenama ne yɛle gyima manle bɛ.

Dwɔhyua Buluku ne 17:13 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 49:15

Ɔnwunle kɛ ɛnwomenlelielɛ ɛleka le kpalɛ, Yɛɛ azɛlɛ ne noko le kɛnlɛma; Yemɔti ɔhanle ɔ nwo aze ɔzoale adesoa, Na ɔyɛle gyima ɛsesebɛ ɛyɛlɛ nu kanra.

2 Sam 3:1

Sɔɔlo abusua ne ɛlɔnema nee Devidi ɛlɔnema ne honle hyɛle kpalɛ. Na Devidi tumi ne yɛle kpole na Sɔɔlo abusua ne ɛlɔnema anwo hanle aze.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:10

Awieleɛ ne, bɛlua Awulae tumi bedevinli ne azo bɛmaa bɛ nwo ɛyɛ se.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:13

Ɔlua anwosesebɛ ne mɔɔ Kelaese fa maa me la ati, mekola megyinla ninyɛne muala anloa.

Dwɔhyua Buluku ne 16:10

Noko bɛanvoa Keenama mɔɔ de Gizɛ la, yemɔti Keenama nee Yifelaemma ɛdɛnla toonwo a yeradwu ɛnɛ a, na bɛmaa Keenama yɛ gyima kɛ bɛle ahanra.

2 Pit 3:18

Bɛhɔ zolɛ bɛnyi wɔ yɛ Awulae nee Dievolɛ Gyisɛse Kelaese anwo nrɛlɛbɛ nee ɛlolɛ ne anu. Yemɔ yɛɛ anyunlunyia ɛha ye kɛkala nee mekɛ mɔɔ ɛnlɛ awieleɛ la a! Amen.

Maanlebuvolɛma Buluku ne 1:28

Mekɛ mɔɔ Yizilayɛma abo zo dɛlɛle la, bɛhyele Keenama ɛkpolekɛ zo bɛmanle bɛyɛle akɛlɛ gyima, na bɛandu bɛ.

Maanlebuvolɛma Buluku ne 1:30

Zɛbulɛn abusua ekpunli ne anu amra andu menli mɔɔ wɔ Ketelɔn la. Eza bɛandu Neehalɔnoma. Bɛ nee Keenama ne dɛnlanle na bɛmanle bɛyɛle akɛlɛ gyima.

Maanlebuvolɛma Buluku ne 1:33

Nafetalae abusua ekpunli ne anu amra andu menli mɔɔ wɔ Bɛte Hyimɛhye la yɛɛ bɛandu Bɛtanatema. Nafetalaema nee Keenama mɔɔ de azɛlɛ ne azo la dɛnlanle na bɛmanle Bɛte Hyimɛhyema nee Bɛtanatema yɛle akɛlɛ gyima manle Yizilayɛma.

Maanlebuvolɛma Buluku ne 1:35

Amɔlema bɔle mɔdenle kɛ bɛtɛnla Hilɛse Boka ne azo wɔ Ayegyalɔn nee Hyeeyalebem, na Yifelaem abo zo amra asa homonle bɛ nwo zo na bɛmanle bɛyɛle akɛlɛ gyima.