Dwɔhyua Buluku ne 17:1 - BAEBOLO ANZƐƐ BULUKU NWUANZANWUANZA

¹ Bɛpɛle Dwɔdan Adɔleɛ azɛlɛ ne bie bɛmanle Dwosefi ara kpanyinli Manasɛ abusua ekpunli ne anu amra ne bie mɔ. Geleade ɔ ze Meekɛ le Manasɛ ara nrenya kpanyinli, yɛɛ ɔle katakyie wɔ ɛlɔne avinli. Yemɔti bɛvale Geleade nee Beehyan mɔɔ wɔ Dwɔdan Aduduleɛ la bɛmanle ye.

Dwɔhyua Buluku ne 17:1 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 41:51

Dwosefi donle ralɛ nrenya kpanyinli ne Manasɛ. Ɔse, “Nyamenle ɛmaa me rɛle ɛvi me nyane nee egya sua nu amra.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 41:52

Ralɛ nrenya ne mɔɔ tɔ zolɛ nwiɔ la, ɔdonle ye Yifelaem. Ɔluakɛ ɔse, “Nyamenle ɛmaa mebɔ ɛdane wɔ me amaneɛnwunlɛ azɛlɛ zo.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 46:20

Dwosefi amra mrenya mɔɔ ɔwole bɛ wɔ Yigyibiti azɛlɛ zo la a le Manasɛ nee Yifelaem. Bɛ nli a le Hɛleɔpɔlese kɔmenle Pɔtefɛla ara raalɛ Asɛnate.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 48:17

Mɔɔ Dwosefi nwunle kɛ ɔ ze ɛva ɔ sa fema ne ɛdo Yifelaem ati zo la, yeanyɛ ye fɛ, yemɔti ɔyele ɔ ze asa wɔ Yifelaem ati zo kɛ ɔfa yeado Manasɛ ati zo.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 48:18

Ɔhanle ɔhilele ɔ ze kɛ, “Kyɛkyɛ, egya, mmayɛ ye zɔhane, ɔluakɛ ɛhye a le kpanyinli a na fa ɛ sa fema ne to ɔ ti zo.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 50:23

Dwosefi nwunle Yifelaem amra nee nlɔnra yɛɛ Manasɛ ara Meekɛ amra mɔɔ ɔwole bɛ ɔguale ɔdaye Dwosefi ɔ gyakɛ azo la.

2 Sam 2:9

na yehɔzie ye Geleade, Ahya, Gyɛzɛli, Yifelaem, Bɛngyaman nee Yizilayɛ maanle ne kɔsɔɔti belemgbunli.

1 Edk 2:23

Na Gihyɔ nee Ɛlam amra honle vale maanle ne anu azua abulasia; Gyeeyɛɛ nee Kinate namunamu ne mɔ nee azua mɔɔ bikye ɛkɛ ne afoa nu la amuala boka nwolɛ. Menli mɔɔ ɛnee wɔ azua ɛhye mɔ azo la amuala le Meekɛ mɔɔ ɔ ra a le Geleade la abo zo amra.

Yizikeɛle Buluku ne 47:13

Awulae Nyamenle ne zele me kɛ, “Azɛlɛ ne mɔɔ ɛbahyɛ wɔamaa Yizilayɛ mbusua ekpunli ekpunli bulu nee nwiɔ ne mɔ kɛ ɔle bɛ agyadeɛ la, bɛ ɛweɛne ne mɔ ɛne. Dwosefi banyia ɛkpɔ nwiɔ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 26:29

Wɔ Manasɛ abusua ekpunli ne anu: Manasɛ ara nrenya Meekɛ wole Geleade. Mbusua ekpulike ɛhye mɔ kɔsɔɔti abo vi Geleade anu:

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 27:1

Dwosefi wole Manasɛ, Manasɛ wole Meekɛ, Meekɛ wole Geleade, Geleade wole Hifɛ, yɛɛ Hifɛ wole Zilɔfɛhade. Zilɔfɛhade wole mralɛ mraalɛ ɛhye mɔ: Maala, Nowa, Hɔgela, Melekaa, yɛɛ Tɛza.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 32:33

Na Mosisi vale Amɔle Belemgbunli Saehɔn nee Beehyan Belemgbunli Ɔɔgo arelemgbunli maanle ne mɔ, bɛ azuamgbole nee azua mɔɔ zuozua bɛ nee nwolɛ azɛlɛ kɔsɔɔti manle Gaade nee Wulubɛn mbusua ekpunli ne mɔ nee Dwosefi ara Manasɛ abusua ekpunli ne foa ko.

Mɛla 21:17

Ɔwɔ kɛ ɔfa raalɛ ne mɔɔ ɔngulo ye la ara nrenya ne kpanyinli ne ɔmaa ye, na ɔmaa ye ninyɛne ɛdeɛ ne yɛ mɔnwo tɛla ekyi ne ɛdeɛ ne. Ɔwɔ kɛ nrenya biala die ɔ ra nrenya kpanyinli ne gyinlabelɛ ne to nu, ɔboalekɛ yemɔ yɛɛ ɔlumuale ɔwole ye a. Kpanyinli gyinlabelɛ ne le ye ɛdeɛ.

Dwɔhyua Buluku ne 17:2

Bɛvale Dwɔdan Adɔleɛ azɛlɛ ne bie bɛmanle Manasɛ abusua ekpunli ne anu amra mɔɔ hale la: Ebayizɛ, Hilɛke, Aseleɛle, Hyikɛm, Hifɛ, yɛɛ Hyemaeda. Ɛhye mɔ le Dwosefi ara Manasɛ abo zo amra yɛɛ bɛle abusua ne anu mgbanyinli mɔɔ gyigyi bɛ ze mɔ awuke ne mɔ ati a.

Maanlebuvolɛma Buluku ne 5:14

Bɛvi Yifelaem bɛrale bɔnza ne anu, bɛdoale wɔmɔ Bɛngyaman nee ɛ nwo amra, safohyenle mgbanyinli vi Meekɛ rale, yɛɛ Zɛbulɛn konle nu mgbanyima rale.