Dwɔhyua Buluku ne 16:10 - BAEBOLO ANZƐƐ BULUKU NWUANZANWUANZA

¹⁰ Noko bɛanvoa Keenama mɔɔ de Gizɛ la, yemɔti Keenama nee Yifelaemma ɛdɛnla toonwo a yeradwu ɛnɛ a, na bɛmaa Keenama yɛ gyima kɛ bɛle ahanra.

Dwɔhyua Buluku ne 16:10 ပူးပေါင်းရင်းမြစ်များ

1 Arl 9:15

Belemgbunli Sɔlɔmɔn vale maanle gyimayɛlɛ a zile Ɛdɛnkɛma Ɛzonlenlɛ Sua ne, ɔbule belemgbunli awuke ne, ɔduale suakpole ne aduduleɛ kuma ne na ɔliele suakpole ne anwo bane a. Eza ɔvale maanle gyimayɛlɛ a ɔkyekyele azuamgbole Heezɔ, Mɛgedo nee Gizɛ a.

1 Arl 9:16

(Ɛnee Yigyibiti belemgbunli ne ɛhɔho ɛva Gizɛ, yehu ezuavolɛ ne na yeyela sua ne. Ɔvale sua ne ɔmanle ɔ ra raalɛ ne mɔɔ Sɔlɔmɔn gyale ye la kɛ ye atɔfolɛ ahyɛlɛdeɛ ɔ.

Dwɔhyua Buluku ne 10:33

Belemgbunli Hɔlam mɔɔ vi Gizɛ la rale kɛ ɔbaboa Leekehyema, na Dwɔhyua bɛlɛle ye nee ye ɛlɔnema ne aze na ɔhunle bɛ muala; ko bɔbɔ anga.

Dwɔhyua Buluku ne 15:63

Na Dwudama angola andu Gyibɛsema wɔ Gyɛlusalɛm. Ɛnɛ nee ɛnɛ ala Gyibɛsema nee Dwudama a de a.

Dwɔhyua Buluku ne 16:9

Bɛvale azua nee namunamu mɔɔ wɔ Manasɛ ɛweɛne zo la noko bɛmanle Yifelaem abusua ekpunli ne.

Dwɔhyua Buluku ne 17:12

Manasɛma angola andu menli mɔɔ wɔ azuamgbole ɛhye mɔ azo la, yemɔti Keenama dɛnlanle ɛkɛ.

Dwɔhyua Buluku ne 17:13

Nzinlii bɔbɔ mɔɔ Yizilayɛma anwo yɛle se kpalɛ la bɛandu Keenama ne amuala. Bɛmanle Keenama ne yɛle gyima manle bɛ.

Maanlebuvolɛma Buluku ne 1:29

Yifelaem abusua ekpunli ne anu amra noko andu Keenama mɔɔ wɔ Gizɛ la. Keenama dɛnlanle Gizɛ ɛkɛ ne ala.