Dwɔhyua Buluku ne 15:7 - BAEBOLO ANZƐƐ BULUKU NWUANZANWUANZA

⁷ ɔvi Ngyegyelɛ Bɔnza ɔkɔ Dibɛ, na yeabele ye ɛbɔ nu yeavinde Gelegale ɛleka mɔɔ nee Adɛmem anye bɔ zolɛ la, wɔ bɔnza ne nyiakɛ. Akee ɔlua Ɛnhyimɛhye azule ne anloa, ɔdwu Ɛnlogɛle.

Dwɔhyua Buluku ne 15:7 ပူးပေါင်းရင်းမြစ်များ

2 Sam 17:17

Ɛnee Dwɔnatan nee Ahaemaze ɛlɛkendɛ nzubula Ɛnlɔgɛle ne anloa wɔ Gyɛlusalɛm kandiba. Sonvolɛ raalɛ bie a kɔka edwɛkɛ mɔɔ ɛlɛsi la kile bɛ a na bɛdabɛ bɛahɔha bɛahile Belemgbunli Devidi, ɔluakɛ ɔnle kɛ bɛnwu bɛ kɛ bɛhɔ suakpole ne azo.

1 Arl 1:9

Kenle ko bie Adonaegya hunle nlankɛ nee mboane nee nyɛmoa ngakyile mɔɔ ɛlɔ la na ɔvale ɔbɔle azu wɔ Nwɔlɛ Bolɛ ne mɔɔ zua Ɛnlogɛle la azo. Ɔdole ɛsalɛ ɔvɛlɛle ɔ mediema mɔɔ le belemgbunli amra mrenya ne mɔ nee belemgbunli mbɔlɔba mgbanyinli mɔɔ wɔ Dwuda la amuala.

Ayezaya Buluku ne 65:10

Hyɛlɔn fienemgbole ne bayɛ adidileka amaa me menli ne mɔɔ ɛkpondɛ me bo zo la mboane nee nlankɛ, yɛɛ Ekɔ Bɔnza bayɛ ɛleka mɔɔ bɛ nlankɛ balie bɛ ɛnwomenle a.

Hozia Buluku ne 2:5

ɔluakɛ bɛ nli le tuutuunli. Raalɛ ne mɔɔ nrenzɛle bɛ la ɛbɔ anyiemgba ɛbɛla. Ɔluakɛ ɔhanle kɛ, “Metoa me kulovolɛma mɔɔ maa me aleɛ nee nzule, mboane enrinli nee lenen, ɔlivi nwole, yɛɛ nwanye la.”

Dwɔhyua Buluku ne 10:43

Ɛhye anzi, Dwɔhyua nee ye ɛlɔnema ne akee ziale rale bɛ azokoɛleɛ ne wɔ Gelegale.

Dwɔhyua Buluku ne 15:15

Ɔvi ɛkɛ ne la ɔ nee Dibɛ amra hɔhonle. (Suakpole ɛhye, anrɛɛ bɛfɛlɛ ye Keleate Sifɛ.)

Dwɔhyua Buluku ne 15:6

ɔlua Bɛte Hɔgela, ɔfa ye boka tɛtɛlɛ ne mɔɔ keda Dwɔdan Bɔnza ne azo la anwo. Akee ɔfa ye ɛkɛ ne ɔkɔ ye anwuma, ɔkɔdwu Bohan Bolɛ ne anwo (Bohan le Wulubɛn ara),

Dwɔhyua Buluku ne 18:17

Akee ɔkakyi ɔ nye ɔfa ɛbɔ nu, ɔlua Ɛnhyimɛhye, ɔkɔ Gɛlaelo mɔɔ nee Adɛmem bɛ nye bɔ zolɛ la. Ɛweɛne ne akee kɔ Bohan Bolɛ ne anwo (Bohan le Wulubɛn ara),

Dwɔhyua Buluku ne 4:19

Siane ne mɔɔ lumua la kenle bulu ne azo yɛɛ menli ne pɛle azule Dwɔdan ne a, na bɛyɛle bɛ azokoɛleɛ wɔ Gelegale, wɔ Gyɛleko aduduleɛ.

Dwɔhyua Buluku ne 7:24

Dwɔhyua nee Yizilayɛma zɔle Zila angabɛnzo Ekan nu, bɛvale dwɛtɛ fufule ne, tɛladeɛ ne, yɛɛ ezukoa nvutuke ne; akee bɛvale Ekan amra mrenya nee mraalɛ, ye nlankɛ, mboane, asoaso, yɛɛ ndanlɛ sua ne nee debie biala mɔɔ ɔlɛ la bɛhɔle Ngyegyelɛ Bɔnza ne anu.

Dwɔhyua Buluku ne 7:26

Bɛhuohuanle awolɛ edukue kpole kpalɛ ɔ nwo zo; ɔtɛbɔ ɛkɛ ne ɛnɛ nee ɛnɛ ala. Yemɔti bɛfɛlɛ ɛkɛ ne Ngyegyelɛ Bɔnza. Na Ɛdɛnkɛma akunlu dwole fɔɔnwo.