Dwɔhyua Buluku ne 14:3 - BAEBOLO ANZƐƐ BULUKU NWUANZANWUANZA

^3-4 Azɛlɛ ne mɔɔ la Dwɔdan Aduduleɛ la, Mosisi hyɛle manle Yizilayɛma mbusua ekpunli nwiɔ nee foa ne dɛba. (Dwosefi abusua ekpunli ne bɛhyɛle nu nwiɔ: Manasɛ yɛɛ Yifelaem.) Livae abusua ekpunli ne ɛdeɛ, Mosisi manle bɛmanle bɛ azuamgbole nee azɛlɛ mɔɔ bɛdidi zolɛ, bɛsie bɛ mboane nee nlankɛ zolɛ la kɛ bɛdɛnla zo, na bɛammaa bɛ azɛlɛ kpalɛ biala.

Dwɔhyua Buluku ne 14:3 ပူးပေါင်းရင်းမြစ်များ

Yizikeɛle Buluku ne 45:1

“Saa ɛkyɛ azɛlɛ ne ɛmaa abusua ekpunli biala nyia ye afoa nu ɛdeɛ a, akee gya azɛlɛ ne bie kpole mɔɔ ye tendenle le kilomita bulu nee nwiɔ nee foa ko na ye tɛtɛlɛ le kilomita bulu la maa Ɛdɛnkɛma; azɛlɛ zɔhane bayɛ azɛlɛ nwuanzanwuanza.

Dwɔhyua Buluku ne 12:6

Ɛdɛnkɛma sonvolɛ Mosisi nee Yizilayɛma a lile arelemgbunli nwiɔ ɛhye mɔ anwo zo konim a. Na Ɛdɛnkɛma sonvolɛ Mosisi vale bɛ azɛlɛ ne mɔ manle Wulubɛn nee Gaade mbusua ekpunli ne mɔ kɛ bɛva bɛyɛ bɛ ɛdeɛ.

Dwɔhyua Buluku ne 13:14

Mosisi anva azɛlɛ ammaa Livae abusua ekpunli ne. Kɛmɔ Ɛdɛnkɛma zele Mosisi la, bɛ afoa nu ɛdeɛ a le azubɔlɛ ninyɛne ne mɔɔ bɛyela bɛabɔ azu bɛamaa Yizilayɛ Ɛdɛnkɛma Nyamenle ne la anu bie.

Dwɔhyua Buluku ne 13:16

Bɛ azɛlɛ ne anloa pɛ Alowɛ (wɔ Anɔn Bɔnza ne anloa) nee suakpole ne mɔɔ wɔ bɔnza ne avinli la, nee azɛlɛ ne mɔɔ wɔ boka azo sɛsɛ ne mɔɔ bikye Midɛba la azo.

Dwɔhyua Buluku ne 13:17

Hɛhyebɔn nee azuamgbole ne mɔ mɔɔ gua boka azo sɛsɛ ne azo: Daebɔn, Beemo-beeyale, yɛɛ Bɛte Beeyalemiyɔn amuala boka nwolɛ.

Dwɔhyua Buluku ne 13:8

Wulubɛn nee Gaade mbusua ekpunli ne mɔ nee Manasɛ abusua ekpunli foa ko ne asa hanle azɛlɛ ne mɔɔ wɔ Azule Dwɔdan ne aduduleɛ la. Mosisi a vale manle bɛ a.