Dwɔhyua Buluku ne 14:12 - BAEBOLO ANZƐƐ BULUKU NWUANZANWUANZA

¹² Yemɔti fa azɛlɛ ne mɔɔ wɔ awoka ne mɔ azo lɔ la maa me. Ɛdɛnkɛma vale bɔle me ɛwɔkɛ wɔ mekɛ mɔɔ me nee me menli ne yɛrale la. Yɛhanle yɛhilele wɔ kɛ menli kakanyinli bie mɔɔ bɛfɛlɛ bɛ ‘Anakema’ la wɔ maanle ne anu, na bɛdede azuamgbole mɔɔ bɛlie nwolɛ bane la azo. Ɛdɛnkɛma baboa me yeamaa meavoa bɛ, kɛmɔ ɔdaye yeha la.”

Dwɔhyua Buluku ne 14:12 ပူးပေါင်းရင်းမြစ်များ

2 Arl 19:4

Aselea belemgbunli ne ɛzoa ye safohyenlema kpanyinli ne yemaa yerabɔ tease Nyamenle ne aholoba. Medie medi kɛ Ɛdɛnkɛma Nyamenle dele mɔɔ ɔhanle la. Yemɔti sɛlɛ Ɛdɛnkɛma wɔ Nyamenle ne kɛ ɔdie zɛhae aholobabɔlɛ ne na ɔdua menli mɔɔ bɔle aholoba ne la kakɛ, na sɛlɛ Nyamenle maa ye menli ekyi ne mɔɔ ɛha la.”

2 Edk 14:11

Na Belemgbunli Esa zɛlɛle Ɛdɛnkɛma ye Nyamenle ne kɛ, “O Ɛdɛnkɛma, awie biala ɛnle ɛkɛ mɔɔ kola boa, kɛ ɛdawɔ ala yɛɛ ɛkɛgyinla tumima nee koahweabanema avinli a. Boa yɛ, O Ɛdɛnkɛma yɛ Nyamenle, ɔluakɛ wɔmɔ yɛɛ yɛ rɛle wɔ wɔ nu a, yɛɛ wɔ duma nu a yɛra yɛbadoa menli pemgbenleamgbe ɛhye mɔ yɛ nee bɛ aho a. O Ɛdɛnkɛma, wɔmɔ a ɛle yɛ Nyamenle a. Mmamaa dasanli di ɛ nwo zo konim.”

Edwɛndolɛ Buluku ne 44:3

Bɛdabɛ bɛanva bɛ dadeɛ bɛango bɛanva azɛlɛ, bɛdabɛ bɛanva bɛ anwosesebɛ bɛanli konim; na ɛvale wɔ tumi kpole ne nee wɔ anwosesebɛ ne, yɛɛ ɛ nyunlu ɛdalɛ kpole ne ɛlile konim; ɔluakɛ ɛ nye die bɛ nwo.

Edwɛndolɛ Buluku ne 60:12

Saa Nyamenle boka yɛ nwo a yɛbaho yɛadɔ zo; yemɔ yɛɛ ɔbaha kpɔvolɛma ne yeagua a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 13:28

Noko menli mɔɔ wɔ zolɛ la anwo yɛ se, yɛɛ bɛbɔ bɛ azuamgbole ne mɔ anwo bane kpalɛ. Mɔɔ yɛ ɛzulolɛ kpole kpalɛ la a le kɛ, yɛnwunle kakanyinlima bie mɔɔ le Anake abo zo amra la wɔ ɛkɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 13:33

Eza yɛnwunle menli ndendenle mbelane bie mɔɔ le Anake abo zo amra mɔɔ vi Nɛfelem anu la wɔ ɛkɛ. Yɛgyi bɛ nyunlu a yɛle kɛ ngɛkɛba bie, yɛɛ bɛdabɛ noko bɛnea yɛ a ɛnee yɛle ngɛkɛba bie wɔ bɛ nye zo.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 21:34

Ɛdɛnkɛma zele Mosisi kɛ, “Mmasulo ye. Memaa wɔali ye nee ye menli ne kɔsɔɔti anwo zo konim na wɔava azɛlɛ ne. Yɛ ye kɛ ɛyɛle Amɔle Belemgbunli Saehɔn mɔɔ ziele Hɛhyebɔn la.”

Wulo 8:31

Saa ɔle zɛhae ɛdeɛ a, ɛnee akee kɛ yɛzi yɛha ye ɛ? Saa Nyamenle gyi yɛ nzi a nwane a kɛhola yɛ a?

Mɛla 1:28

Nienwu ɛleka a yɛhɔ a? Mediema mɔɔ hɔle rale la edwɛkɛ mɔɔ ɛha bɔbɔ la ɛmaa yɛ ahonle ɛdu. Bɛkile kɛ menli ne le mgbole na bɛwowale bɛtɛla yɛ. Bɛ azuamgbole ne mɔ le mgbole yɛɛ bɛhye nwolɛ bɛmaa yehɔ anwuma kpalɛ.’

Mɛla 9:1

“O Yizilayɛma, bɛdie! Ɛnɛ kenle ye, bɛpɛ Dwɔdan ne bɛhɔ ɔ nzi lɔ, bɛhɔ maanle mɔɔ le kpole, na menli mɔɔ wɔ nu la anwo yɛ ɛzulolɛ tɛla bɛ la bɛhɔza bɛ bɛlie bɛ azɛlɛ ne, nee bɛ azuamgbole mɔɔ bɛlie nwolɛ bane bɛmaa yehɔ anwuma la.

Mɛla 9:3

Na ɛnɛ yɛɛ bɛbanwu kɛ ahenle ne mɔɔ li Yizilayɛma ati kɛ sendɔlɔra la a le Ɛdɛnkɛma bɛ Nyamenle ne a. Ɔbazɛkye bɛ na yeali bɛ nwo zo konim, bɛbavoa bɛ bɛaminli bɛ bo zo ndɛndɛ, kɛmɔ Ɛdɛnkɛma vale bɔle bɛ ɛwɔkɛ la.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:13

Ɔlua anwosesebɛ ne mɔɔ Kelaese fa maa me la ati, mekola megyinla ninyɛne muala anloa.

Kɛlata mɔɔ bɛhɛlɛle bɛhɔmanle Hibuluma la 11:33

Bɛluale diedi zo bɛhonle na bɛlile maanle dɔɔnwo anwo zo konim. Bɛnleanle bɛmanle pɛlepɛlelilɛ yɛle gyima na bɛnyianle Nyamenle ɛwɔkɛ ne mɔ. Bɛluale diedi zo bɛhanle awenade nloa bɛdole nu,

Dwɔhyua Buluku ne 15:14

Kalɛbe dule Enake abo zo amra ne wɔ suakpole ne azo. Bɛmɛ a le Hyihyae, Ahaeman, yɛɛ Talemae nee bɛ sua nu amra.

Maanlebuvolɛma Buluku ne 1:20

Kɛmɔ Mosisi hanle la, bɛvale Hibulɔn bɛmanle Kalɛbe, na ɔdule Anake amra mrenya nsa ne ɛkɛ.

1 Sam 14:6

Dwɔnatan zele kpavolɛ ne mɔɔ soa ye konle ninyɛne ne la kɛ, “Maa yɛhɔ menli ne mɔɔ ɛnze Nyamenle la azokoɛleɛ lɔ; ɔkɛyɛ kɛ Ɛdɛnkɛma bayɛ gyima ne amaa yɛ, ɔluakɛ kanzɛ yɛanzo bɔbɔ a, debie biala ɛnle ɛkɛ mɔɔ kola tua Ɛdɛnkɛma adenle mɔɔ ɔnrɛmaa ɔnrɛlie yɛ a.”