Dwɔhyua Buluku ne 13:6 - BAEBOLO ANZƐƐ BULUKU NWUANZANWUANZA

⁶ Saedɛnema mɔɔ de awoka ne mɔ azo la azɛlɛ ne, ɔvi Lɛbanɔn awoka ne mɔ anu mɔɔ kɔdwu Mezelɛfo Meeyem la amuala. Medame mebadu bɛ muala meavi azɛlɛ ne azo na meava meamaa Yizilayɛma. Ɔwɔ kɛ ɛkyɛ azɛlɛ ne ɛmaa Yizilayɛma, kɛmɔ meha mehile wɔ kɛ ɛyɛ la.

Dwɔhyua Buluku ne 13:6 ပူးပေါင်းရင်းမြစ်များ

Edwɛndolɛ Buluku ne 80:8

Ɛvale vanye baka ɛvile Yigyibiti ɛrale; ɛvoanle maanle maanle ne mɔ na ɛluale.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 33:54

Bɛgua nzeleba bɛhyɛ azɛlɛ ne bɛmaa mbusua ekpunli ekpunli ne nee mbusua ekpulike ekpulike ne mɔ. Bɛmaa abusua ekpulike mɔɔ anwo zonle la azɛlɛ kpole, yɛɛ ekpulike mɔɔ le ekyi la azɛlɛ ekyi.

Dwɔhyua Buluku ne 1:6

Mmasulo, gyinla kpundii, ɔluakɛ ɛbali menli ɛhye mɔ ati na bɛava azɛlɛ ne bɛadɛnla zolɛ, kɛmɔ menvale membɔle bɛ nlenya mɔ ɛwɔkɛ la.

Dwɔhyua Buluku ne 11:12

Dwɔhyua vale azuamgbole ne mɔ amuala, ɔhunle arelemgbunli ne mɔ, ɔhunle menli mɔɔ wɔ zolɛ la amuala, kɛmɔ Ɛdɛnkɛma sonvolɛ Mosisi zele la.

Dwɔhyua Buluku ne 11:8

Ɛdɛnkɛma manle Yizilayɛma lile konim. Yizilayɛma voanle bɛ toonwo bɛhɔdwule Mezelɛfo Meeyem nee Saedɛn, toonwo bɛhɔdwule Mezepa Bɔnza ne anu wɔ aduduleɛ nehane. Na bɛhonle toonwo Yizilayɛma wiele bɛ kpɔvolɛma ne amuala ku.

Dwɔhyua Buluku ne 13:7

Kyɛ azɛlɛ ɛhye maa mbusua ngɔnla ne nee Manasɛ abusua ekpunli ne foa ko ne maa ɔyɛ bɛ ɛdeɛ bɔkɔɔ.”

Dwɔhyua Buluku ne 23:13

ɛnee bɛnwu ye kɛ, Ɛdɛnkɛma bɛ Nyamenle ne ɛnrɛdu menli ɛhye mɔ wɔ mekɛ mɔɔ bɛ nee bɛ kɛnyia konle la. Menli zɔhane anwo bayɛ ɛzulolɛ kɛ ɛhane anzɛɛ kuma la amaa bɛ; na nyane mɔɔ bɛbanwu ye la bayɛ kɛ bɛlɛ empele bɛlɛbila bɛ nzi kuma nu anzɛɛ bɛlɛ mbowule bɛlɛwowɔ bɛ nye zo la. Na ɛhye bahɔ zolɛ toonwo kɔkpula kɛ bɛ muala bɛkɛwie azɛlɛ kpalɛ ɛhye mɔɔ Ɛdɛnkɛma bɛ Nyamenle ne ɛva ɛmaa bɛ la azo.

Dwɔhyua Buluku ne 23:4

Mehyɛ azɛlɛ ne mɔɔ maanle maanle mɔɔ yɛtɛtule bɛ la de zolɛ la, nee maanle maanle mɔɔ ɛbɔ ye Azule Dwɔdan aduduleɛ toonwo mɔɔ kɔgua Mɛdetɛlenia Nyevile ne anu mɔɔ meli bɛ nwo zo konim la memaa bɛ, memaa abusua ekpunli ko biala ɛnyia bie.

Dwɔhyua Buluku ne 23:5

Ɛdɛnkɛma bɛ Nyamenle ne bamaa maanle maanle zɔhane mɔ agua ndwɛlɛ aze na yeavoa bɛ, wɔ mekɛ mɔɔ bɛmɛ bɛkɛze kɛ bɛko bɛahɔ bɛ nyunlu la. Bɛ azɛlɛ ne bayɛ bɛ ɛdeɛ, kɛmɔ Ɛdɛnkɛma vale bɔle bɛ ɛwɔkɛ la.