Dwɔhyua Buluku ne 13:25 - BAEBOLO ANZƐƐ BULUKU NWUANZANWUANZA

²⁵ Bɛ azɛlɛ ne fa Gyeezɛ nee Geleade azuamgbole ne mɔ amuala, Amɔnoma azɛlɛ ne foa ko toonwo kɔkpula Alowɛ wɔ Relaba aduduleɛ afoa nu.

Dwɔhyua Buluku ne 13:25 ပူးပေါင်းရင်းမြစ်များ

2 Sam 11:1

Nyenyensuo ne anu, ɛvolɛ ne anu mekɛ mɔɔ arelemgbunli ne mɔ fa ko bɛ konle ne mɔ la, Devidi zoanle Dwowabe nee ye mgbanyima nee Yizilayɛ ɛlɔnema kɔsɔɔti manle bɛhɔbɔle Amɔnoma abo zo bɔkɔɔ na bɛvale suakpole Relaba. Devidi ɔdaye mumua ne yeangɔ bie, yemɔ ɔdɛnlanle Gyɛlusalɛm.

2 Sam 12:26

Dwowabe nee Amɔnoma honle na ɔvale suakpole Relaba.

2 Sam 24:5

Bɛpɛle Dwɔdan ne na bɛyɛle bɛ azokoɛleɛ wɔ Alowɛ. Bɛbɔle ɔ bo wɔ suakpole ne mɔɔ wɔ bɔnza ne avinli la azo na bɛhɔle Gate nee Gyeezɛ.

1 Edk 26:31

Gyɛlaya a le kpanyinli mɔɔ nea Hibulɔn abo zo amra ne anwo zo a. Mɔɔ Devidi lile ɛvolɛ abulanla wɔ belemgbunli ebia ne azo la, ɔmanle bɛnleɛnleanle Hibulɔn abo zo amra ne mbusua ekpulike ekpulike ne mɔ anu, na bɛnwunle kɛ bɛ nuhua bie mɔ mɔɔ ze konle nye zo kpalɛ la de Gyizɛ wɔ Geleade maanzinli nu.

1 Edk 6:81

Hɛhyebɔn, yɛɛ Gyeezɛ, nee azɛlɛ mɔɔ bɛdidi zolɛ la.

Ayezaya Buluku ne 16:8

Hɛhyebɔn ɛya avule ne mɔ nee Sebema vanye egyinli ne mɔ ɛzɛkye. Ɛbɔ ye Sebema ɛkɛ ne mɔɔ kɔkpula Gyeezɛ, toonwo mɔɔ kɔdwu ɛsɛlɛ ne anloa lɔ, ɔpɛ nu ɛkɛ ɔkɔ toonwo ɔkɔgua ye Nyevile Wulera ne anloa la vanye egyinli ne mɔ mɔɔ manle maanle maanle arelemgbunli zile ngosi la ngane ne mɔ kɔsɔɔti ɛdwɔlɔdwɔlɔ.

Ayezaya Buluku ne 17:2

Alowɛ azuamgbole ne mɔ kɔsɔɔti badɔ mgbane mɔɔ awie ɛnrɛdɛnla zolɛ bieko ɛlɛ a. Bɛbayɛ nyɛmoa alaleɛ. Bɛbahɔla ɛkɛ na awie ɛnrɛha bɛ ɛzulolɛ.

Gyɛlɛmaya Buluku ne 48:32

O Sebema vanye! Mesu wɔ metɛla Gyeezɛ. Wɔ vanye mbaka ngane ndendenle pɛle Nyevile Wulera ne dwule Gyeezɛ. Sɛkyevolɛ ne ɛzɛkye wɔ wawaa mbaka ma nee wɔ vanye ma mɔɔ ɛbolo la.

Yizikeɛle Buluku ne 21:20

Kile adenle mɔɔ dadeɛ ne balua nuhua ara Amɔnoma sua ne mɔɔ bɛfɛlɛ ye Relaba la azo, maa ɔlua ɛkɛ ɔrɛla Dwuda na ɔhɔ suakpole Gyɛlusalɛm mɔɔ bɛhye nwolɛ ɛhane la azo.

Emɔzo Buluku ne 1:14

Yemɔti mebado senle suakpole Relaba bane ne mɔ anu, na senle ne bayela ye aranemgbole ne mɔ. Akee bɛbadeɛdea nu wɔ konle kenle ne, na konle ne anu bayɛ se kɛ ahumuakyima la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 21:32

Na Mosisi zoanle menli kɛ bɛhɔkpondɛ adenle mɔɔ bɛpe nu bɛateta suakpole Gyeezɛ la. Yizilayɛma vale suakpole ne nee azua mɔɔ zuozua ye la, na bɛvoanle Amɔlema mɔɔ de ɛkɛ la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 32:35

Atelo Hyofan, Gyeezɛ, Dwɔgebɛhaa,

Mɛla 2:19

na saa bɛdwu Amɔnoma ɛweɛne zo a anrɛɛ bɛmmafa konle bɛtoa bɛ anzɛɛ bɛmmagyegye bɛ, ɔluakɛ menrɛva bɛ azɛlɛ ne bie menrɛmaa bɛ, ɔboalekɛ meva ɛkɛ ne azɛlɛ ne memaa Lɔɔto abo zo amra kɛ bɛ ɛdeɛ ɔ.’ ”

Mɛla 3:11

(Ɛnee Beehyan Belemgbunli Ɔɔgo angomekye yɛɛ ɛha wɔ Rilipeeyemma anu mɔɔ de ngoane nu a. Ye ɛkpa mɔɔ ɔda zolɛ la le bulalɛ, ye tendenle le mita nna yɛɛ ye tɛtɛlɛ le asɛɛ mita nwiɔ. Ɛkpa zɛhae tɛbɔ Amɔlema suakpole bie mɔɔ bɛfɛlɛ ye Relaba la azo kɛkala.)

Dwɔhyua Buluku ne 13:11

Geleade, Gɛhyɛ, yɛɛ Meeyaka azɛlɛ ne, Hɛmɔn Boka, yɛɛ Beehyan mɔɔ kɔ Salika la,

Dwɔhyua Buluku ne 13:24

Mosisi eza vale azɛlɛ ne bie manle Gaade abusua ekpunli ne kɛ bɛva.

Dwɔhyua Buluku ne 13:26

Azɛlɛ ne eza bɔ ye wɔ Hɛhyebɔn, ɔtɛlɛ ɔkɔ Releemate Mezepa nee Bɛtonem, ɔvi Meehaneeyem ɔkɔ Lodiba ɛweɛne zo.

Dwɔhyua Buluku ne 21:39

Hɛhyebɔn, yɛɛ Gyeezɛ, nee nwolɛ adidileka.

Maanlebuvolɛma Buluku ne 5:17

Gaade abusua ekpunli ne dɛnlanle Dwɔdan Aduduleɛ, Dan abusua ekpunli ne hale nyevile ne anloa, Ahya abusua ekpunli ne noko dɛnlanle ɛnwea ne anloa, na bɛhale nyevile ne anloa.