Dwɔhyua Buluku ne 13:14 - BAEBOLO ANZƐƐ BULUKU NWUANZANWUANZA

¹⁴ Mosisi anva azɛlɛ ammaa Livae abusua ekpunli ne. Kɛmɔ Ɛdɛnkɛma zele Mosisi la, bɛ afoa nu ɛdeɛ a le azubɔlɛ ninyɛne ne mɔɔ bɛyela bɛabɔ azu bɛamaa Yizilayɛ Ɛdɛnkɛma Nyamenle ne la anu bie.

Dwɔhyua Buluku ne 13:14 ပူးပေါင်းရင်းမြစ်များ

Yizikeɛle Buluku ne 44:28

“Sɛlɛvolɛ ne ɛnlɛ agyadeɛ biala, medame a mele bɛ agyadeɛ a. Ɔnle kɛ bɛnyia agyadeɛ wɔ Yizilayɛ.

Yizikeɛle Buluku ne 44:29

Bɛbali ma azubɔdeɛ, ɛtane azubɔdeɛ, nee abozozielɛ azubɔdeɛ ne mɔ; debie biala noko mɔɔ bɛdu bɛmaa Nyamenle wɔ Yizilayɛ maanle ne anu la le bɛ ɛdeɛ.

Mɛla 10:9

Ɛhye ati Livae abusua ekpunli ne anu amra ɛnlɛ azɛlɛ anzɛɛ agyadeɛ, kɛmɔ bɛ mediema ne mɔ lɛ ye la. Bɛ agyadeɛ anzɛɛ azɛlɛ ɛdeɛ mɔɔ bɛdidi zolɛ la a le kɛ, bɛle Ɛdɛnkɛma sɛlɛvolɛma, kɛmɔ ɔdaye Ɛdɛnkɛma bɛ Nyamenle ne zele la.)

Mɛla 12:12

Na bɛ nee bɛ mra mrenya nee mraalɛ, bɛ sonvolɛ mrenya nee mraalɛ yɛɛ Livaema mɔɔ wɔ bɛ azua ne mɔ azo, mɔɔ ɛnlɛ agyadeɛ la, bɛ nye balie wɔ Ɛdɛnkɛma anyunlu.

Mɛla 12:19

Saa bɛdwu bɛ azɛlɛ ne azo na bɛtɛnla aze a, anrɛɛ bɛnlea boɛ na bɛ rɛle anvi Livaema mɔɔ wɔ bɛ avinli la.

Dwɔhyua Buluku ne 13:13

Noko Yizilayɛma anvoa Gɛhyɛma nee Meeyakama; kɛkala bɔbɔ bɛtɛte Yizilayɛma avinli.

Dwɔhyua Buluku ne 13:15

Mosisi vale azɛlɛ ne manle Wulubɛn abusua ekpunli ne, kɛmɔ bɛ mrɛladane ne mɔ de la kɛ ɔle bɛ ɛdeɛ.

Dwɔhyua Buluku ne 13:33

Na Mosisi anva azɛlɛ biala ammaa Livae abusua ekpunli ne. Ɔzele bɛ kɛ Yizilayɛ Ɛdɛnkɛma Nyamenle ne a le bɛ agyadeɛ a.

Dwɔhyua Buluku ne 18:7

Livaema, bɛmɛ bɛnrɛnyia azɛlɛ ne bie, ɔboalekɛ bɛ ɛdeɛ a le kɛ bɛle Ɛdɛnkɛma sɛlɛvolɛma. Na Gaade, Wulubɛn, yɛɛ Manasɛ Aduduleɛ amra, bɛmɛ bɛ sa ɛha bɛ azɛlɛ ɛdeɛ ne mɔɔ Ɛdɛnkɛma sonvolɛ Mosisi vale manle bɛ dɛbadɛba la wɔ Dwɔdan Aduduleɛ lɔ.”