Dwɔhyua Buluku ne 13:13 - BAEBOLO ANZƐƐ BULUKU NWUANZANWUANZA

¹³ Noko Yizilayɛma anvoa Gɛhyɛma nee Meeyakama; kɛkala bɔbɔ bɛtɛte Yizilayɛma avinli.

Dwɔhyua Buluku ne 13:13 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 35:22

Mekɛ mɔɔ Yizilayɛ wɔ maanle ɛhye anu la, Wulubɛn hɔdoale ɔ ze mgbɔnla ne mɔɔ bɛfɛlɛ ye Belehaa la, ɔ nee ye lale; na Yizilayɛ dele. Gyekɔbo lɛ mralɛ mrenya bulu nee nwiɔ.

2 Sam 10:6

Amɔnoma ne nwunle kɛ bɛha Devidi ɛya. Yemɔti bɛhɔbɔle Selea ɛlɔnema mɔɔ wɔ Bɛtelihɔbo nee Zoba la apenle ngoko abulanwiɔ, ɛlɔnema apenle ngoko bulu nee nwiɔ wɔ Tɔɔbo, yɛɛ akee Meeyaka belemgbunli nee ye ɛlɔnema apenle ko ɛkpa.

2 Sam 3:3

Keleabe, ɔ nli a le Abegeli mɔɔ Neebale mɔɔ ɛha ɛleka bie la gyale ye la; ɔvi Kamɛle. Abesalɛm, ɔ nli a le Meeyaka, Belemgbunli Talemae mɔɔ vi Gɛhyɔ la ara raalɛ ɔ;

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 33:55

Saa bɛandu menli mɔɔ de azɛlɛ ne azo la a, ekyi bɔbɔ mɔɔ kɛha la bawowɔ bɛ nye mbaka na bɛayɛ kɛ mbowule mɔɔ ɛlɛwowɔ bɛ nvenle la, na bɛagyegye bɛ wɔ azɛlɛ ne mɔɔ bɛde zolɛ la azo.

Mɛla 3:14

Gyeeyɛɛ mɔɔ vi Manasɛ abusua nu la liele Aagɔbo, mɔɔ le Beehyan azɛlɛ ne, toonwo ɔhɔdwule Gɛhyuma ɛweɛne zo, na ɔvale ye duma ɔdole namunamu ne mɔ azo kɛ bɛfɛlɛ bɛ Gyeeyɛɛ namunamu. Duma ɛhye a tɛda bɛ nwo zo kɛkala a.)

Dwɔhyua Buluku ne 12:5

Hɛmɔn Boka, Salika, yɛɛ Beehyan azɛlɛ ne amuala kɔgua Gɛhyɛ nee Meeyaka ɛweɛne ne mɔ azo, Geleade azɛlɛ ne foa ko mɔɔ kɔkpula Belemgbunli Saehɔn mɔɔ wɔ Hɛhyebɔn la azɛlɛ ne ɛweɛne zo la amuala boka Belemgbunli Ɔɔgo maanle ne anwo.

Dwɔhyua Buluku ne 13:11

Geleade, Gɛhyɛ, yɛɛ Meeyaka azɛlɛ ne, Hɛmɔn Boka, yɛɛ Beehyan mɔɔ kɔ Salika la,

Dwɔhyua Buluku ne 13:12

Belemgbunli Ɔɔgo, mɔɔ ɔ ngome a ɔhale Relɛfeeyem menli ekpunli ne anu, na ɔlile belemgbunli wɔ Ahyetalo nee Ɛdelɛyae la belemgbunli maanle ne boka nwolɛ. Mosisi lile menli ɛhye mɔ anwo zo konim na ɔvoanle bɛ.

Dwɔhyua Buluku ne 13:14

Mosisi anva azɛlɛ ammaa Livae abusua ekpunli ne. Kɛmɔ Ɛdɛnkɛma zele Mosisi la, bɛ afoa nu ɛdeɛ a le azubɔlɛ ninyɛne ne mɔɔ bɛyela bɛabɔ azu bɛamaa Yizilayɛ Ɛdɛnkɛma Nyamenle ne la anu bie.

1 Sam 27:8

Mekɛ ɛhye anu, ɔyɛ a ɛnee Devidi nee ye ɛlɔnema ne ɛva konle ɛhɔdoa Gɛhyɛma, Gɛzaema yɛɛ Amalɛkema mɔɔ de maanzinli ne anu dɛba la. Bɛwuale bɛ azɛlɛ ne azo ninyɛne bɛvi Hyulu toonwo bɛdwule Yigyibiti ɛweɛne zo.