Dwɔhyua Buluku ne 12:5 - BAEBOLO ANZƐƐ BULUKU NWUANZANWUANZA

⁵ Hɛmɔn Boka, Salika, yɛɛ Beehyan azɛlɛ ne amuala kɔgua Gɛhyɛ nee Meeyaka ɛweɛne ne mɔ azo, Geleade azɛlɛ ne foa ko mɔɔ kɔkpula Belemgbunli Saehɔn mɔɔ wɔ Hɛhyebɔn la azɛlɛ ne ɛweɛne zo la amuala boka Belemgbunli Ɔɔgo maanle ne anwo.

Dwɔhyua Buluku ne 12:5 ပူးပေါင်းရင်းမြစ်များ

2 Sam 13:37

Abesalɛm nriandile la ɔhɔle Gihyɛ Belemgbunli Talemae mɔɔ ɔ ze a le Amehɛde la anwo lɔ. Ɔdɛnlanle nehane ɛvolɛ nsa. Devidi zunle ɔ ra Amenɔn hyɛle.

2 Sam 15:8

Mekɛ mɔɔ mewɔ Gihyɛ mɔɔ wɔ Arelam la, membɔle ɛwɔkɛ kɛ, ‘Saa Ɛdɛnkɛma boa me maa mesia meba Gyɛlusalɛm a, menwɔhɔzonle ye wɔ Hibulɔn.’ ”

2 Sam 3:3

Keleabe, ɔ nli a le Abegeli mɔɔ Neebale mɔɔ ɛha ɛleka bie la gyale ye la; ɔvi Kamɛle. Abesalɛm, ɔ nli a le Meeyaka, Belemgbunli Talemae mɔɔ vi Gɛhyɔ la ara raalɛ ɔ;

2 Arl 25:23

Mɔɔ Dwuda ɛlɔnema nee bɛ safohyenlema mɔɔ anva bɛ nwo ammaa Babeloniama la dele la bɛvale bɛ nwo bɛhɔbɔle Gɛdalaya wɔ Mezepa. Safohyenlema ne mɔ a le Nɛtanaya ara Yehyemeeyɛle, Kalia ara Dwoheenan yɛɛ Tanehumɛte ara Sɛlaya mɔɔ vi Nɛtofa, yɛɛ Gyɛzanaya mɔɔ vi Meeyaka la.

1 Edk 5:11

Gaade abusua ekpunli ne anu amra dɛnlanle Wulubɛnema sɔlɔ wɔ azɛlɛ ne mɔɔ bɛfɛlɛ ye Beehyan la azo; bɛdabɛ bɛbɔle ye ɛkɛ ne bɛhɔle ye aduduleɛ toonwo bɛhɔdwule Saleka.

Gyɛlɛmaya Buluku ne 40:8

Yemɔti bɛ muala bɛrale Gɛdalaya ɛkɛ wɔ Mezepa. Safohyenlema ne mɔ ɛne: Nɛtanaya ara nrenya Yehyemeeyɛle, Kalia amra mrenya Dwoheenan nee Dwɔnatan, Tanehumɛte ara nrenya Sɛlaya, Yifae mɔɔ vi Nɛtɔfa la amra mrenya ne mɔ, yɛɛ Gyɛzanaya mɔɔ vi Meeyaka la.

Mɛla 3:14

Gyeeyɛɛ mɔɔ vi Manasɛ abusua nu la liele Aagɔbo, mɔɔ le Beehyan azɛlɛ ne, toonwo ɔhɔdwule Gɛhyuma ɛweɛne zo, na ɔvale ye duma ɔdole namunamu ne mɔ azo kɛ bɛfɛlɛ bɛ Gyeeyɛɛ namunamu. Duma ɛhye a tɛda bɛ nwo zo kɛkala a.)

Dwɔhyua Buluku ne 11:3

Ɛbɔfoɔ ne bie mɔ noko hɔle Keenama mɔɔ wɔ aduduleɛ nee adɔleɛ la, Amɔlema, Hɛtema, Pɛlɛzema, yɛɛ Gyibɛsema mɔɔ de Hɛmɔn Boka ne ndololeɛ nu wɔ Mezepa azɛlɛ zo la ɛkɛ ne.

Dwɔhyua Buluku ne 12:1

Mekɛ ne anu ɛnee Yizilayɛma ɛho ɛva azɛlɛ ne mɔɔ la Dwɔdan aduduleɛ la, ɔvi Anɔn Bɔnza ɔlua Dwɔdan Bɔnza ne anloa toonwo ɔkɔdwu azɛlɛ ne sɔlɔ wɔ Hɛmɔn Boka. Arelemgbunli nwiɔ yɛɛ bɛlile bɛ nwo zo konim a.

Dwɔhyua Buluku ne 13:11

Geleade, Gɛhyɛ, yɛɛ Meeyaka azɛlɛ ne, Hɛmɔn Boka, yɛɛ Beehyan mɔɔ kɔ Salika la,

1 Sam 27:8

Mekɛ ɛhye anu, ɔyɛ a ɛnee Devidi nee ye ɛlɔnema ne ɛva konle ɛhɔdoa Gɛhyɛma, Gɛzaema yɛɛ Amalɛkema mɔɔ de maanzinli ne anu dɛba la. Bɛwuale bɛ azɛlɛ ne azo ninyɛne bɛvi Hyulu toonwo bɛdwule Yigyibiti ɛweɛne zo.