Dwɔhyua Buluku ne 12:1 - BAEBOLO ANZƐƐ BULUKU NWUANZANWUANZA

¹ Mekɛ ne anu ɛnee Yizilayɛma ɛho ɛva azɛlɛ ne mɔɔ la Dwɔdan aduduleɛ la, ɔvi Anɔn Bɔnza ɔlua Dwɔdan Bɔnza ne anloa toonwo ɔkɔdwu azɛlɛ ne sɔlɔ wɔ Hɛmɔn Boka. Arelemgbunli nwiɔ yɛɛ bɛlile bɛ nwo zo konim a.

Dwɔhyua Buluku ne 12:1 ပူးပေါင်းရင်းမြစ်များ

1 Arl 4:19

Gibɛ mɔɔ le Yulae ara ne nea Geleade, Amɔle Belemgbunli Saehɔn nee Beehyan Belemgbunli Ɔɔgo bɛ azɛlɛ ne mɔ azo. Ɛye amɛnladoma bulu nee nwiɔ ɛhye mɔ a, eza bɛlɛ amɛnlado kpanyinli ko mɔɔ nea maanle ne kɔsɔɔti azo a.

Edwɛndolɛ Buluku ne 133:3

Ɔle kɛ Hɛmɔn Boka zo ɛbɔlɛ, mɔɔ tɔ gua Zayɔn awoka ne mɔ azo la! Gyɛlusalɛm yɛɛ Ɛdɛnkɛma ɛbɔ ɛwɔkɛ kɛ ɔbayila bɛ, yeamaa bɛ ngoane mɔɔ ɛnlɛ awieleɛ a.

Edwɛndolɛ Buluku ne 136:21

Ɔvale bɛ azɛlɛ ne ɔyɛle agyadeɛ; ɔluakɛ ye ɛhulolɛ kpundii ne wɔ ɛkɛ dahuu.

Edwɛndolɛ Buluku ne 89:12

Ɛdawɔ yɛɛ ɛbɔle sɔlɔ nee nyiakɛ a; Teebɔ Boka nee Hɛmɔn Boka fa anyelielɛ ye wɔ ayɛlɛ.

Ayezaya Buluku ne 16:2

Bɛdwu Azule Anɔn ne anloa a bɛdi tutɛnla kɛ nloma mɔɔ bɛvoa bɛ wɔ bɛ sane nu la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 21:13

Eza bɛvi ɛkɛ ne bɛdule bɛ bo bɛrazokoɛle Azule Anɔn ne sɔlɔ afoa nu fienemgbole ne mɔɔ di kɔ Amɔle maanzinli nu la anu. (Azule Anɔn le ɛweɛne mɔɔ la Mowabema nee Amɔlema avinli a.)

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 21:21

Akee Yizilayɛma zoanle menli wɔ Amɔle Belemgbunli Saehɔn ɛkɛ manle bɛhɔzele ye kɛ,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 21:24

Na Yizilayɛma ne hunle ye na bɛvale ye maanle ne, ɔvi Azule Anɔn ne anloa ɔhɔdwule Azule Gyabɔko ne anloa, toonwo bɛdwule Amɔlema ɛweɛne zo wɔ Gyeezɛ, ɔboalekɛ Amɔlema azɛlɛ ne anloa pɛ Gyeezɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 32:19

Ɔluakɛ yɛ nee bɛ ɛnrɛhyɛ agyadeɛ wɔ Dwɔdan ne anzi nehane, ɔboalekɛ yɛmɛ, yɛnyia yɛ agyadeɛ ɛdeɛ wɔ Dwɔdan aduduleɛ ɛke.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 32:32

Yɛbapɛ yɛahɔ Keena azɛlɛ zo yeahɔho, amaa Dwɔdan ye anzi aduduleɛ ɛke afoa nu azɛlɛ ne ayɛ yɛ agyadeɛ.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 32:33

Na Mosisi vale Amɔle Belemgbunli Saehɔn nee Beehyan Belemgbunli Ɔɔgo arelemgbunli maanle ne mɔ, bɛ azuamgbole nee azua mɔɔ zuozua bɛ nee nwolɛ azɛlɛ kɔsɔɔti manle Gaade nee Wulubɛn mbusua ekpunli ne mɔ nee Dwosefi ara Manasɛ abusua ekpunli ne foa ko.

Mɛla 2:24

“Akee mɔɔ yɛpɛle nu Mowabe azɛlɛ zo la, Ɛdɛnkɛma zele me kɛ, ‘Bɛdwazo bɛzɔ bɛ adendulɛ ne azo na bɛhɔva bɔnza ne anu bɛpɛ Azule Anɔn ne. Meva Amɔle Belemgbunli Saehɔn mɔɔ de Hɛhyebɔn la nee ye azɛlɛ ne amuala memaa bɛ. Bɛbɔ ɔ bo kɛ bɛfa azɛlɛ ne, na bɛva konle bɛdoa ye.

Mɛla 2:32

Belemgbunli Saehɔn vale ye ɛlɔnema rale kɛ bɛbazi yɛ aze, na bɛ nee ye bɔle ye zo wɔ Gyeehaze.

Mɛla 3:1

“Akee yɛhakyile yɛ nwo na yɛvale Beehyan adenle zo, na Beehyan Belemgbunli Ɔɔgo vale ye ɛlɔnema amuala rayiale yɛ, na yɛvale konle ne yɛbɔle ye zo wɔ Ɛdelɛyae.

Mɛla 4:44

Mosisi akee vale Nyamenle Mɛla ne mɔ manle Yizilayɛma.

Mɛla 4:48

Bɛ azɛlɛ ne mɔ tɛlɛ vi Alowɛ mɔɔ wɔ Azule Anɔn bɔnza ne anloa la toonwo ɔkɔdwu Sayɔn Boka (eza bɛfɛlɛ ye Hɛmɔn Boka).

Dwɔhyua Buluku ne 1:15

kɔkpula kɛ bɛkɛva Dwɔdan adɔleɛ azɛlɛ ne mɔɔ Ɛdɛnkɛma bɛ Nyamenle ne ɛva ɛmaa bɛ la, na akee bɛazia bɛaradɛnla bɛdabɛ bɛ azɛlɛ ne mɔɔ Ɛdɛnkɛma sonvolɛ Mosisi vale manle bɛ wɔ Dwɔdan aduduleɛ ɛke la azo.”

Dwɔhyua Buluku ne 11:17

Azɛlɛ ne anloa vi Halake Boka wɔ nyiakɛ afoa nu mɔɔ bikye Yidɔm la toonwo ɔdwu Beeyalegade sɔlɔ wɔ Lɛbanɔn bɔnza ne mɔɔ la Hɛmɔn Boka la nyiakɛ.

Dwɔhyua Buluku ne 11:3

Ɛbɔfoɔ ne bie mɔ noko hɔle Keenama mɔɔ wɔ aduduleɛ nee adɔleɛ la, Amɔlema, Hɛtema, Pɛlɛzema, yɛɛ Gyibɛsema mɔɔ de Hɛmɔn Boka ne ndololeɛ nu wɔ Mezepa azɛlɛ zo la ɛkɛ ne.

Dwɔhyua Buluku ne 13:8

Wulubɛn nee Gaade mbusua ekpunli ne mɔ nee Manasɛ abusua ekpunli foa ko ne asa hanle azɛlɛ ne mɔɔ wɔ Azule Dwɔdan ne aduduleɛ la. Mosisi a vale manle bɛ a.

Dwɔhyua Buluku ne 22:4

Kɛkala, Ɛdɛnkɛma bɛ Nyamenle ne ɛmaa Yizilayɛma anzo nu ɛdwo bɛ, kɛmɔ ye ɛwɔkɛ ne se la. Yemɔti bɛhɔ sua nu, wɔ azɛlɛ ne mɔɔ bɛ sa ɛha ye la azo, wɔ Dwɔdan aduduleɛ lɔ. Ɛdɛnkɛma sonvolɛ Mosisi a vale manle bɛ a.

Maanlebuvolɛma Buluku ne 11:18

Nzinlii Yizilayɛma vale fienemgbole ne anu bule hoanenle Yidɔm nee Mowabe. Bɛravindele Mowabe foa ko mɔɔ di kɔ aduduleɛ la, na bɛyɛle bɛ azokoɛleɛ wɔ Azule Aanɔn ne anzi lɔ. Bɛangɔ Mowabe, ɔluakɛ Azule Aanɔn ne a le Mowabe ɛweɛne a.