Dwɔhyua Buluku ne 11:6 - BAEBOLO ANZƐƐ BULUKU NWUANZANWUANZA

⁶ Ɛdɛnkɛma zele Dwɔhyua kɛ, “Mmasulo bɛ. Ɛhyema bekezɛ ɛnee memaa Yizilayɛma ɛhu bɛ muala. Ɛbabubu mgbɔnwɔ ne mɔ ndwɛlɛ na wɔayela bɛ konle ehwili ne mɔ.”

Dwɔhyua Buluku ne 11:6 ပူးပေါင်းရင်းမြစ်များ

2 Sam 8:4

Devidi hyele ye ɛlɔnema mɔɔ ka mgbɔnwɔ la anu apenle ko ɛya nsuu, yɛɛ ɛlɔnema mɔɔ ko aze la apenle ngoko abulanwiɔ. Devidi gyakyile mgbɔnwɔ dodo mɔɔ kɛhola kɛhwe konle ehwili ɛya ko la na ɔbubule mɔɔ ɛha la agyakɛ.

2 Arl 6:16

Yilaehya zele ye kɛ, “Mmasulo, ɛlɔnema mɔɔ nee yɛ lua la zonle tɛla bɛ.”

2 Edk 20:16

Ɛhyema bɛhɔholo bɛ nwo zo. Bɛbava Zeze ademgbole nu a bɛavo bɛara a. Bɛbanwu bɛ wɔ bɔnza ne ati lɔ wɔ Gyɛluwɛle fienemgbole ne aduduleɛ.

Edwɛndolɛ Buluku ne 46:10

Ɔse: “Bɛgyinla diinyi, na bɛnwu kɛ medame a mele Nyamenle a. Mebo maanle maanle kɔsɔɔti anwo zo, mebo ewiade amuala anwo zo.”

Edwɛndolɛ Buluku ne 46:11

Tumivolɛ Ɛdɛnkɛma nee yɛ de; Gyekɔbo Nyamenle ne le yɛ ɛvealeka.

Edwɛndolɛ Buluku ne 46:9

Ɔmaa bɛgyakyi konle wɔ azɛlɛ ye amuala azo; ɔbubu ɛda nee atwɛ ne mɔ, ɔfa senle ɔyela konle ehwili ne mɔ!

Mrɛlɛbulɛ Buluku ne 20:7

Nyilalɛ ɛha mralɛ mrenya mɔɔ bɛ ze le tenlenenli na ɔfa adwenle ɔbɔ ye ɛbɛla la.

Ayezaya Buluku ne 30:16

Bɛ edwɛkɛ se, “Kyɛkyɛ! Yɛfo mgbɔnwɔ zo yɛahɔ waa.” Yemɔti waa ala yɛɛ bɛbahɔ a. Eza bɛse, “Yɛfo mgbɔnwɔ mɔɔ anwo yɛ ndɛ kpalɛ la azo yeahɔ ndɛndɛ.” Yemɔti bɛ kpɔvolɛma ne noko anwo bayɛ ndɛ.

Ayezaya Buluku ne 31:1

Munzule ɛha bɛdabɛ mɔɔ bɛkɔ Yigyibiti kɛ bɛkabiza moalɛ, na bɛva bɛ rɛle bɛdo mgbɔnwɔ nwo zo la. Munzule ɛha bɛ kɛ bɛva bɛ rɛle bɛdo konle ehwili dɔɔnwo nee mgbɔnwɔ kavolɛma mɔɔ anwo yɛ se la anwo zo na bɛnnea Yizilayɛ Nwuanzanwuanza Ko ne anzɛɛ bɛmbiza Ɛdɛnkɛma la!

Yizikeɛle Buluku ne 39:9

Na Yizilayɛma mɔɔ dede azuamgbole zo la bahɔ na bɛahɔva bɛ konle ninyɛne, bɛ sa nu enyinlike mgbole nee ngyikyi, ɛda nee ɛda mbaka, yɛɛ atwɛ mɔ bɛayɛ ɛyɛne bɛawuda toonwo ɛvolɛ nsuu.

Hozia Buluku ne 14:3

Aselea ɛnrɛhola yɛ die, yɛɛ yɛnrɛvo konle mgbɔnwɔ zo bieko. Yɛnrɛha yɛnrɛhile yɛ mmonle ne mɔ mɔɔ yɛdayɛ yɛyɛ la bieko kɛ bɛle ‘Yɛ Nyamenle.’ O Ɛdɛnkɛma, ɛse nrisa anwunvɔne.”

Nahum Buluku ne 2:13

Tumivolɛ Ɛdɛnkɛma se, “Nea, mekpo wɔ. Mebayela wɔ konle ehwili ne mɔ, na wɔ awenade ngyikyi ne mɔ badɔ dadeɛ nloa. Mebaye ɛ nloa anu aleɛ meavi ewiade, na awie ɛnrɛde wɔ soanvolɛma ane bieko.”

Mɛla 7:16

Bɛzɛkye menli mɔɔ Ɛdɛnkɛma bɛ Nyamenle ne kɛye bɛ kɛmaa bɛ la amuala. Ɔnle kɛ bɛse bɛ anwunvɔne fee, yɛɛ bɛmmasonle bɛ awozonle ne mɔ, ɔluakɛ zɔhane ninyɛne ne mɔ bayɛ ngane amaa bɛ.

Dwɔhyua Buluku ne 10:8

Ɛdɛnkɛma zele Dwɔhyua kɛ, “Mmasulo bɛ na meva konimlilɛ memaa wɔ dɛbadɛba. Bɛ nuhua ko bɔbɔ ɛnrɛhola ɛ nyunlu gyinla.”

Dwɔhyua Buluku ne 11:5

Bɛ muala bɛbɔle nu bɛrayɛle azokoɛleɛ wɔ Milɔm Azule kɛ bɛ nee Yizilayɛma baho.

Dwɔhyua Buluku ne 11:7

Zɔhane ati Dwɔhyua nee ye ɛlɔnema ne hɔle bɛ nwo zo arɛlevilɛ nu wɔ Milɔm Azule na bɛ nee bɛ honle.

Dwɔhyua Buluku ne 11:9

Dwɔhyua yɛle bɛ kɛ mɔɔ Ɛdɛnkɛma zele ye ala la; ɔbubule bɛ mgbɔnwɔ ne mɔ ndwɛlɛ na ɔyelale bɛ konle ehwili ne mɔ.

Dwɔhyua Buluku ne 3:5

Dwɔhyua zele menli ne kɛ, “Bɛdu bɛ nwo bɛzie ahane bɛmaa Ɛdɛnkɛma, ɔboalekɛ ɛhyema Ɛdɛnkɛma bayɛ nwanwane ninyɛne ahile bɛ.”

Maanlebuvolɛma Buluku ne 7:9

Kenle ko ne nɔe ne Ɛdɛnkɛma zele Gedɛyɔn kɛ, “Dwazo na ɛ nee wɔ ɛlɔnema ɛhɔ Medeanema anwo zo. Wɔli konim wɔwie.

1 Sam 11:9

Na bɛzele soanvolɛma mɔɔ vi Gyeebɛhye rale la kɛ, “Bɛhɔ bɛhɔze bɛ menli ne kɛ, ‘Ɛhyema, toonwo mɔɔ ɔkadwu sɛnzɛngyinla la ɛnee bɛlie bɛ bɛvi munzule biala anu.’ ” Mɔɔ soanvolɛma ne mɔ vale amaneɛ ɛhye rabɔle Gyeebɛhyema la, ɔyɛle bɛ fɛ somaa.