Dwɔhyua Buluku ne 11:4 - BAEBOLO ANZƐƐ BULUKU NWUANZANWUANZA

⁴ Na arelemgbunli ɛhye mɔ amuala vale bɛ ɛlɔnema mɔɔ bɛ somaa kɛyɛ kɛ ɛnweazo anwea la rale. Bɛlɛ bɛ mgbɔnwɔ nee konle ehwili dɔɔnwo.

Dwɔhyua Buluku ne 11:4 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 22:17

mebayila wɔ na meamaa ɛ bo zo amra ayɛ dɔɔnwo kɛ anwomanyunlu nwɔlɔra nee ɛnweazo anwea. Ɛ bo zo amra bali bɛ agbɔvolɛ nwo zo konim na bɛazie bɛ,

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 32:12

Wɔmɔ yɛɛ ɛhanle kɛ, ‘Mebayɛ wɔ boɛ na meamaa ɛ bo zo amra anwo azo kɛ ɛnweazo anwea, mɔɔ bɛ somaa ti bɛnrɛhola bɛ tia a.’ ”

2 Sam 17:11

Me folɛdulɛ a le kɛ, maa bɛboɔboa Yizilayɛma kɔsɔɔti anloa, ɔvi Dan ɔhɔkpula Biyɛhyiba; bɛ somaa bayɛ kɛ ɛnweazo anwea la, na ɛdawɔ mumua ne nea bɛ nwo zo ɛ nee bɛ ɛhɔ konle ne.

1 Arl 4:20

Dwudama nee Yizilayɛma akee dale kpole kpalɛ yɛle kɛ ɛnweazo anwea; bɛlile, bɛnlonle na bɛ nye liele.

Edwɛndolɛ Buluku ne 20:8

Bɛbagolo bɛagua, na yɛmɛ, yɛbadwazo yɛagyinla.

Dwɔhyua Buluku ne 11:5

Bɛ muala bɛbɔle nu bɛrayɛle azokoɛleɛ wɔ Milɔm Azule kɛ bɛ nee Yizilayɛma baho.

Maanlebuvolɛma Buluku ne 7:12

Medeanema, Amalɛkema, yɛɛ Aduduleɛ ɛsɛlɛ ne azo amra ne mɔ ɛyɛ menyemenye kɛ azonlɛ la wɔ bɔnza ne anu, yɛɛ afunlumu mɔɔ bɛlɛ la zonle kɛ ɛnweazo anwea.

1 Sam 13:5

Filisitiama boɔboale bɛ nwo kɛ bɛ nee Yizilayɛma kaho. Bɛvale ɛlɔnema mɔɔ ka konle ehwili la apenle ngoko abulasa, ɛlɔnema mɔɔ ka mgbɔnwɔ la apenle nsia, yɛɛ ɛlɔnema mɔɔ dua aze la kɛyɛ kɛ ɛnweazo ɛnwea. Bɛrayɛle azokoɛleɛ wɔ Mekemahye, wɔ Bɛtehavɛn aduduleɛ afoa nu.