Dwɔhyua Buluku ne 11:23 - BAEBOLO ANZƐƐ BULUKU NWUANZANWUANZA

²³ Dwɔhyua vale azɛlɛ ne amuala, kɛmɔ Ɛdɛnkɛma zele Mosisi la. Dwɔhyua vale azɛlɛ ne manle Yizilayɛma kɛ bɛ ɛdeɛ ɔ na bɛdɛnla zolɛ. Ɔhyɛle nu ngyebangyeba ɔmanle Yizilayɛ mbusua ekpunli ekpunli ne mɔ. Akee Yizilayɛma liele bɛ ɛnwomenle na bɛgyakyile konle.

Dwɔhyua Buluku ne 11:23 ပူးပေါင်းရင်းမြစ်များ

Nihɛmaya Buluku ne 9:24

Bɛlile Keenama anwo zo konim bɛvale azɛlɛ ne, ɛvole menli mɔɔ wɔ ɛkɛ ne la akɔme zo; ɛmanle wɔ menli ne tumi bɛvale Keena arelemgbunli nee menli bɛyɛle mɔɔ bɛdabɛ bɛkulo la.

Edwɛndolɛ Buluku ne 46:9

Ɔmaa bɛgyakyi konle wɔ azɛlɛ ye amuala azo; ɔbubu ɛda nee atwɛ ne mɔ, ɔfa senle ɔyela konle ehwili ne mɔ!

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:11

“Di mɔɔ meka meahile wɔ ɛnɛ la azo. Mebavoa Amɔlema, Keenama, Hɛtema, Pɛlɛzema, Haevaema, nee Gyibɛsema wɔ ɛ nyunlu.

Yizikeɛle Buluku ne 45:8

Azɛlɛ ɛhye bayɛ belemgbunli ne agyadeɛ, amaa me arelemgbunli ne mɔ ansisi me menli ne mɔ bieko, na bɛamaa Yizilayɛma anyia bɛ agyadeɛ ne mɔ, kɛmɔ bɛ mbusua ekpunli ekpunli ne mɔ de la.”

Mɛla 1:38

‘Ɛdawɔ noko ɛ gyakɛ ba ɛnrɛtia ɛkɛ ne ɛlɛ. Nɛn ara Dwɔhyua mɔɔ boa wɔ la, yemɔ a ɔbahɔ azɛlɛ ne azo a. Si ye ahonle, ɔluakɛ ɔbamaa Yizilayɛma ahɔva azɛlɛ ne.’

Mɛla 25:19

Yemɔti saa Ɛdɛnkɛma bɛ Nyamenle ne maa bɛ nwo tɔ bɛ wɔ azɛlɛ ne mɔɔ Ɛdɛnkɛma bɛ Nyamenle ɛlɛfa amaa bɛ la azo, mɔɔ kpɔvolɛ biala ɛngyegye bɛ bieko la a, bɛhu Amalɛkema amuala; bɛmmagyakyi ko bɔbɔ na awie ava abɔ bɛ duma bieko wɔ ewiade ye anu. Bɛmmamaa bɛ rɛle fi ɛhye fee.

Dwɔhyua Buluku ne 12:7

Dwɔhyua nee Yizilayɛma noko lile arelemgbunli mɔɔ wɔ Dwɔdan adɔleɛ azɛlɛ ne azo la anwo zo konim, ɔvi Beeyalegade mɔɔ wɔ Lɛbanɔn Bɔnza ne anu la, kɔdwu Halake Boka ne azo wɔ nyiakɛ afoa nu mɔɔ bikye Yidɔm la. Dwɔhyua hyɛle azɛlɛ ne manle Yizilayɛ mbusua ekpunli ekpunli ne mɔ na ɔmanle ɔyɛle bɛ ɛdeɛ bɔkɔɔ.

Dwɔhyua Buluku ne 18:10

Dwɔhyua guale nzeleba bizale nwolɛ manle bɛ, ɔhyɛle azɛlɛ ne ɔmanle mbusua ekpunli nsuu ne mɔ mɔɔ hale la.

Dwɔhyua Buluku ne 22:4

Kɛkala, Ɛdɛnkɛma bɛ Nyamenle ne ɛmaa Yizilayɛma anzo nu ɛdwo bɛ, kɛmɔ ye ɛwɔkɛ ne se la. Yemɔti bɛhɔ sua nu, wɔ azɛlɛ ne mɔɔ bɛ sa ɛha ye la azo, wɔ Dwɔdan aduduleɛ lɔ. Ɛdɛnkɛma sonvolɛ Mosisi a vale manle bɛ a.

Dwɔhyua Buluku ne 23:1

Mekɛ ne hɔle bie la, Ɛdɛnkɛma bɔle Yizilayɛma anwo bane wɔ bɛ kpɔvolɛma mɔɔ ɛbɔ ɛyia bɛ la asa anu. Mekɛ ne anu ɛnee Dwɔhyua ɛyɛ kpanyinli,