Dwɔhyua Buluku ne 11:21 - BAEBOLO ANZƐƐ BULUKU NWUANZANWUANZA

²¹ Mekɛ ɛhye anu ala Dwɔhyua hɔle hɔzɛkyele kakanyinlima ekpunli bie mɔɔ bɛfɛlɛ bɛ Anakema mɔɔ wɔ maanle ne anu awoka ne mɔ azo la. Bɛdabɛ mɔɔ bɛwɔ Hibulɔn, Dibɛ, Anabe yɛɛ bɛdabɛ mɔɔ bɛwɔ Dwuda awoka ne mɔ azo nee Yizilayɛ maanle ne anu la, Dwɔhyua hunle bɛ muala na ɔzɛkyele bɛ azuamgbole ne mɔ.

Dwɔhyua Buluku ne 11:21 ပူးပေါင်းရင်းမြစ်များ

Gyɛlɛmaya Buluku ne 3:23

Nɔhalɛ, awoka ne mɔ le mɛlɛbɛla, awoka ne mɔ azo anyelielɛ mgbole ne mɔ amboa. Nɔhalɛ, Ɛdɛnkɛma yɛ Nyamenle ne anu yɛɛ Yizilayɛ ngoanelielɛ ne wɔ a.

Gyɛlɛmaya Buluku ne 9:23

Ɛdɛnkɛma se, “Nrɛlɛbɛvolɛma mmafa bɛ nrɛlɛbɛ ne tu bɛ nwo, anwosesebɛma mmafa bɛ anwosesebɛ ne tu bɛ nwo, yɛɛ sukoavolɛma mmafa bɛ anwonyia ne tu bɛ nwo.

Emɔzo Buluku ne 2:9

“Noko bɛmɛ bɛ ti, menzɛkyele Amɔlema, mɔɔ bɛ ndendenle le kɛ sida mbaka na bɛ anwosesebɛ le kɛ oku mbaka la bɔkɔɔ membɔle bɛ bo zo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 13:33

Eza yɛnwunle menli ndendenle mbelane bie mɔɔ le Anake abo zo amra mɔɔ vi Nɛfelem anu la wɔ ɛkɛ. Yɛgyi bɛ nyunlu a yɛle kɛ ngɛkɛba bie, yɛɛ bɛdabɛ noko bɛnea yɛ a ɛnee yɛle ngɛkɛba bie wɔ bɛ nye zo.”

Mɛla 1:28

Nienwu ɛleka a yɛhɔ a? Mediema mɔɔ hɔle rale la edwɛkɛ mɔɔ ɛha bɔbɔ la ɛmaa yɛ ahonle ɛdu. Bɛkile kɛ menli ne le mgbole na bɛwowale bɛtɛla yɛ. Bɛ azuamgbole ne mɔ le mgbole yɛɛ bɛhye nwolɛ bɛmaa yehɔ anwuma kpalɛ.’

Mɛla 2:21

Bɛ somaa nee bɛ ndendenle nee bɛ mgbole le kɛ Anakema la, noko Ɛdɛnkɛma manle Lɔɔto abo zo amra ne hunle bɛ, bɔle bɛ bo zo na bɛvale azɛlɛ ne bɛdɛnlanle zolɛ.

Mɛla 9:2

Menli mɔɔ wɔ maanle ne anu la le Anakema, kɛmɔ bɛdabɛ bɛze la, bɛle menli kakanyinli, yɛɛ menli ka bɛ nwo edwɛkɛ kɛ awie biala ɛngola bɛ.

Dwɔhyua Buluku ne 10:42

Dwɔhyua lile arelemgbunli ɛhye mɔ amuala anwo zo konim, ɔvale bɛ azɛlɛ ne, ɔboalekɛ Ɛdɛnkɛma, Yizilayɛ Nyamenle ne, honle manle Yizilayɛma.

Yekile 6:2

Memanle me nye zo, na menwunle kɛ sonla de ɛkpɔnwɔ fufule zo na ɔlɛ ɛda ɔ sa nu ɔlɛba. Bɛbɔle ye abɔtile, na ɔvindele ɔhɔle kɛ katakyie mɔɔ ɛli konim dɔɔnwo na eza ɔlɛkɔ yeahɔho yeali konim bieko la.

Maanlebuvolɛma Buluku ne 1:20

Kɛmɔ Mosisi hanle la, bɛvale Hibulɔn bɛmanle Kalɛbe, na ɔdule Anake amra mrenya nsa ne ɛkɛ.