Dwɔhyua Buluku ne 11:20 - BAEBOLO ANZƐƐ BULUKU NWUANZANWUANZA

²⁰ Ɛdɛnkɛma a yɛle bɛ zɔhane manle bɛ nee Yizilayɛma honle, amaa ɔlua zo bɛabua bɛ fɔlɛ, bɛahu bɛ, bɛabɔ bɛ bo zo bɔkɔɔ mɔɔ anwunvɔnezelɛ biala ɛnle nu a. Kɛ Ɛdɛnkɛma zele Mosisi kɛ ɔyɛ la ɛne.

Dwɔhyua Buluku ne 11:20 ပူးပေါင်းရင်းမြစ်များ

2 Sam 17:14

Abesalɛm nee Yizilayɛma kɔsɔɔti hanle kɛ, “Huhyae adwenle ne le kpalɛ tɛla Ahetɔfɛle folɛdulɛ ɛdeɛ ne.” Ɔluakɛ Ɛdɛnkɛma ɛhyehyɛ kɛ ɔsɛkye Ahetɔfɛle folɛdulɛ ɛdeɛ ne, amaa yeamaa munzule ado Abesalɛm.

1 Arl 12:15

Belemgbunli ne ande ɔ nyunlu angile menli ne, ɔboalekɛ ɛnee Ɛdɛnkɛma kulo kɛ ye edwɛkɛ ne mɔɔ ɔvale ɔluale Nyamenle kpɔmanvolɛ Ahaegya mɔɔ vi Hyaelo la anloa kɛ ɔha ɔhile Gyɛlɔbowam la yɛ nɔhalɛ.

2 Edk 22:7

Na ɛnee Nyamenle ɛhyehyɛ kɛ wɔ Dwɔlam ɛkpɔlalɛ nu yɛɛ Ehazaya balua ayia munzule a. Mɔɔ Ehazaya dwule Dwɔlam anwo ɛkɛ wɔ Gyɛzɛlii la, ɔ nee ye bɛ mu nwiɔ bɛhɔle kɛ bɛkayia Nemehyae ara Gyihu mɔɔ ɛnee Ɛdɛnkɛma ɛmaa bɛkpokpa ye nwole kɛ ɔbɔ Ehabe sua nu amra abo zo la adenle.

2 Edk 25:16

Na Amazaya zɔle Nyamenle kpɔmanvolɛ ne anloa na ɔbizale ye kɛ, “Na ɛdawɔ mumua ne, yɛva wɔ kɛ ɛdu belemgbunli folɛ ɔ? Gyakyi mɔɔ ɛlɛka la, na anrɛɛ menwɔmaa bɛkɛhu wɔ.” Nyamenle kpɔmanvolɛ ne zɔle menle, yeanga Nyamenle nrɛlaleɛ ne, noko ɔhanle kɛ, “Menwu kɛ Nyamenle ɛyɛ kɛ ɔsɛkye wɔ, ɛhye ati a wɔyɛ ɛhye na eza wɔandie me folɛdulɛ ne a.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 10:1

Akee Ɛdɛnkɛma zele Mosisi kɛ, “Kɔ belemgbunli ne ɛkɛ, ɔluakɛ memaa ye nee ye mgbanyima ne mɔ ahonle ɛyɛ se, amaa meahile bɛ me sɛkɛlɛneɛ ɛhye mɔ wɔ bɛ avinli,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 11:10

Mosisi nee Aalɔn yɛle nwanwane ninyɛne ɛhye mɔ kɔsɔɔti wɔ belemgbunli ne anye zo, na Ɛdɛnkɛma manle belemgbunli ne ahonle yɛle se, yemɔti yeammaa Yizilayɛma anvi maanle ne anu angɔ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 14:17

Mebamaa Yigyibitima ahonle ayɛ se, bɛbadoa bɛ na ɛhye bamaa meali konim meanyia me nyunlu wɔ Yigyibiti belemgbunli ne nee ye ɛlɔnema, ye konle ehwili ne mɔ, nee ye konlema mɔɔ ka mgbɔnwɔ la ɛkɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 14:4

Mebamaa belemgbunli ne ahonle ayɛ se, na yeadoa bɛ, na meanyia anyunlunyia wɔ belemgbunli ne nee ye ɛlɔnema ne kɔsɔɔti anyunlu, amaa Yigyibitima anwu kɛ medame a mele Ɛdɛnkɛma a.” Na Yizilayɛma yɛle mɔɔ bɛhanle bɛhilele bɛ la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 14:8

Ɛdɛnkɛma manle Yigyibiti belemgbunli ne ahonle yɛle se. Ɔbulule debie biala azo na ɔdoale Yizilayɛma wɔ mekɛ mɔɔ ɛnee bɛlua adenle nu konimlilɛ nu bɛlɛkɔ la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 4:21

Na Ɛdɛnkɛma zele Mosisi kɛ, “Saa ɛsia ɛkɔ Yigyibiti a, yɛ nwanwane ninyɛne ne mɔ mɔɔ meva nwolɛ tumi memaa wɔ la kile belemgbunli ne. Noko akee mebamaa yeayɛ dapele, yemɔti ɔnrɛmaa menli ne ɛnrɛhɔ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 9:12

Na Ɛdɛnkɛma manle belemgbunli ne ahonle yɛle se, yeandie bɛ edwɛkɛ, kɛmɔ Ɛdɛnkɛma hanle hilele Mosisi ala la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 9:16

Na mevavi wɔ, memaa wɔdɛnla ngoane nu kɛ mefa meahile me tumi ne, na wɔakponde me duma wɔ azɛlɛ ye kɔsɔɔti azo.

Ayezaya Buluku ne 14:24

Tumivolɛ Ɛdɛnkɛma ɛha ndane kɛ, “Kɛmɔ mehyehyɛ la, zɔhane ala a ɔbayɛ a, yɛɛ kɛmɔ mezuzu la, zɔhane ala a ɔbagyinla a.

Ayezaya Buluku ne 34:2

Ɔluakɛ Ɛdɛnkɛma ɛva maanle maanle ne mɔ kɔsɔɔti anwo ɛya, na ye ahonle ɛfutu kpole wɔ bɛ ɛlɔnema anwo; yemaa munzule ɛdo bɛ, yeye bɛ yemaa kɛ bɛhu bɛ.

Wulo 9:18

Yemɔti, Nyamenle ɔdaye ye ɛhulolɛdeɛ zo ɔse bie anwunvɔne yɛɛ ɔmaa bie noko yɛ anzosesebɛ.

Mɛla 2:30

“Na Hɛhyebɔn Belemgbunli Saehɔn amkponle kɛ ɔkɛmaa yɛkɛze ye azɛlɛ ne azo. Ɔluakɛ ɛnee Ɛdɛnkɛma bɛ Nyamenle ne ɛmaa yɛsolo na yeyɛ dapele, amaa yeaye ye yeamaa bɛ, kɛmɔ ɔde kɛkala la.

Mɛla 7:16

Bɛzɛkye menli mɔɔ Ɛdɛnkɛma bɛ Nyamenle ne kɛye bɛ kɛmaa bɛ la amuala. Ɔnle kɛ bɛse bɛ anwunvɔne fee, yɛɛ bɛmmasonle bɛ awozonle ne mɔ, ɔluakɛ zɔhane ninyɛne ne mɔ bayɛ ngane amaa bɛ.

Maanlebuvolɛma Buluku ne 14:4

Samesɛn ɔ ze nee ɔ nli ɛnze kɛ ɛhye mɔ kɔsɔɔti Ɛdɛnkɛma yɛɛ ɛlɛyɛ a, ɔluakɛ ɛnee Ɛdɛnkɛma ɛlɛkpondɛ adenle yealua nu yeadua Filisitiama kakɛ. Mekɛ zɔhane anu ɛnee Filisitiama a sie Yizilayɛma a.

1 Sam 2:25

Saa sonla fo ɔ gɔnwo a, Nyamenle a di ɔ ti edwɛkɛ maa ye a, na saa sonla fo Ɛdɛnkɛma a ɛnee nwane a di ɔ ti mgbɔdalɛ a?” Noko Yilae amra ne mɔ andie bɛ ze aneɛ, ɔluakɛ ɛnee ɔle Ɛdɛnkɛma ɛhulolɛ kɛ ɔku bɛ.